Sie Met Payuk Su Virgin?

KE sripen kaifweung lalos in akkeye lalalfongi lalos ke moul virgin lal Mary su on na tok, el fwinne payuk nu sel Josef, paenang met sral a met su oru me srulela, pal nu kemwa elos orala pitse lal Josef oanu sie met matuo. Elos fwak la Josef el oanu met liaung na lal Mary a tia oanu sie mokul tumal. Pope John Poul II el purakak sie kain in nunuk ke ma se inge tia pat toko. El fwak la “Josef el tia met matuo ke pal inge.” A, “sumwosmwos lal su on lu, su ma inge me sang lun God, kasrel in moul oanu sie met su payuk nu sel Mary a lela lan muta na virgin.”

Fwin Mary el nunku na in virgin ma patpat na efu el akola in married? “Saap ma sikyuk pa,” pope el fwak, “ke pal se ma elos srakna akola in payuk, oasr insese inmaslon Josef a Mary tu lan muta na virgin.”

Tusruktu, Baibel el aketeye ma inge ke inkanek saye. Buk la Mattu el fwak la Josef “el tia etal nu ke el oswela sie mwen.” (Mattu 1:​25, Catholic New American Bible, ma lasr pa italic.) Tukun isusla lal Jisus, tukeni muta lal Josef a Mary tia sifwil oanu sie, el tilli virgin. Sie me akpayeye nu ke ma inge ku in konoiyukyuk ke Gospel, el akkalemye la oasr ma wiel Jisus Kraist, mokul a mutan.​—Mattu 13:​55, 56.

Ke ma inge, fwinne Baibel el fwak la Mary el sie virgin ke pal se ma el isusla Jisus, tusruktu wangin me akpayeye su akkalemye la el muta yurol Josef oanu sie virgin ke lusen moul lal nu fon.