Moul Lolap—Sie Srungal Ke Orekma Su Wangin Me Kutong
“Komwos in orekma nu sin Leum wangin me ikolkomwosi.”—1 KORINT 7:35.
MET sap Poul el fosrnga ke met lili Kristian wiel fwin an Korint, Greece. Yiu limekosr meet liki pal inge, el oakiye congregation ke siti kasrup inge su pengpeng ke orekma lun kosro. Ke pal inge, apkurun 55 C.E., ke pal se ma el muta fwin an Efesus, in Asia Minor, el eis report koluk ke kitakatelik inmaslon met lili a orekma lun kosro tia aksumwosyeyuk ke congregation lun Korint. Sayen ma inge, Poul el eis leta su tuku nu sin met Kristian fwin an Korint elos siyuk ke akmwuk sumwos ke orala fwako, moul lolap, moul payuk, fwasrelik, a sifwil payuk.
2 Orekma kosro upa fwin an Korint luman el akkolukye congregation ke inkanek luo. Kutu sin met Kristian elos mutamwauk in eis moul sukosok a elos fulela a tia aksumwosye orekma lun kosro inmaslolos. (1 Korint 5:1; 6:15-17) Arulanu kalem, ke sripen moul sukosok a moul fokfok ku in liyeyuk ke siti paenang ma inge mokle kutu selos in kaifwe nu sin kutu met in tia osun ke mano, fwinne inmaslon met payuk.—1 Korint 7:5.
3 Ke leta loeloes su Poul el simusla nu sin met Korint, el sramsram meet ke ma upa lun kitakatelik. (1 Korint, sapter 1-4) El kaifwe nu selos in tia fwasr tukun met, su ku in kol mukena ke srisri koluk. Elos enenu in inse siefwunnu oanu “met orekma” yurin God. Na el kai nu selos fuka in orala congregation in nasnas. (Sapter 5, 6) Tukun ma inge met sap Poul el loang nu ke leta lalos.
Moul Lolap Kaifwe Nu Selos
4 El mutamwauk: “A inge ke ma komwos sim ka, mwo nu sin met in tia sun mutan.” (1 Korint 7:1) Kas se inge “tia sun mutan” kalmen ma inge pa sie met lan tia sun mutan in akinsemwomwoyel sifwanu. Ke sripen el selngawi tari orekma lun kosro, paenang el sramsram inge ke osun ke mano lun mokul a mutan payuk. Ke ma inge, Poul el kaifwe sie moul lolap. (1 Korint 6:9, 16, 18; srike liye Genesis 20:6; Soakas 6:29.) El tafwela, a simusla: “A Nga fwak nu selos su sumwena payuk a nu sin katinmas, mwo nu selos tu elos fwa muta oanu Nga.” (1 Korint 7:8) Poul el sie met su tia payuk, saap el sie met su mise tari mutan kiel—1 Korint 9:5.
5 Arulanu kalem la met Kristian fwin an Korint elos etu lalmetmet lun met Grik, su kutu nu ke loom lutlut lalos luti yok ke tia osun ke mano. Saap pa inge sripe paenang met Korint elos siyuk nu sel Poul fwin “fwal” nu sin met Kristian in fwasr liki osun ke mano? Topuk lal Poul tia akkalemye lalmetmet lun Grik. (Kolosse 2:8) Tia oanu met luti lun Catholic, el tia kaifwe nu sin met in som nu ke sie an pangpang monastery ku convent tu lan ku in fwasr liki osun ke mano, oanu elos lalalfongi la sie met lolap el mutal a ku in kasrelos sifwanu ke molela lalos ke inkanek lun pre a oiyen moul lalos.
6 Poul el kaifwe moul lolap “meyen ongoiye su oan yurosr in pal se inge.” (1 Korint 7:26) Saap el sramsram ke pal in ma upa su met Kristian elos sasla, a ma inge arulanu akyokye ke sripen moul payuk. (1 Korint 7:28) Kai lal nu sin met Kristian lolap pa: Mwo nu selos tu elos fwa muta oanu Nga.” Nu sin mokul su mise tari mutan kielos, el fwak: “Ya kom taltalla liki mutan? Nik kom suk mutan kiom.” Nu sin mutan katinmas, el simusla: “A el insemwomwo liki, el fwin mutana, Nga nunku. A Nga nunku tu ngun lun God oasr yurok.”—1 Korint 7:8, 27, 40.
Tia Me Siyuk na Upa Tu In Muta Na Lolap
7 Wangin alolo la ngun mutal lun Jeova el kolol Poul ke pal se ma el sang kai se inge. Me sramsram lal ke moul lolap a moul payuk arulanu fwal. El tia fwak la ma inge tia sumwos ku sumwos. A, sulela lun kais sie met pa inge, fwinne moul lolap pa mwo na paye nu selos nu kemwa su ku in nasnas in oru ou inge.
8 Tia pat toko tukun el akkalemye la “mwo nu sin met in tia sun mutan,” Poul el tafwela: A meyen kosro, lela kais sie met in eis mutan kiel sifwanu a lela kais sie mutan in oasr mokul tumal sifwanu.” (1 Korint 7:1, 2) Tukun el sang kai nu sin met lolap a nu sin katinmas in “muta oanu el,” el tafwela in fwak: “ A elos fwin tia ku in mukena muta, lela elos in mare, tu mwo in mare liki in fururrur.” (1 Korint 7:8, 9) Sulpa kai lal nu sin mokul su mise tari mutan kielos: “Nik kom suk mutan kiom. A kom fwin mare kom tia orek ma koluk.” (1 Korint 7:27, 28) Kain in kai fwal inge akkalemye sukosok in sulela lun kais sie met.
9 Poul el akkalemye la moul lolap a moul in payuk ma inge nu kemwa me sang lun God. “A Nga kena tu met nu kemwa elos in oanu Nga sifwanu. Tusruktu oasr yurin kais sie met me sang lal sifwanu sin God me, sie ou inge, a sie ou ingo.” (1 Korint 7:7) Wangin alollo la oasr ke nunuk lal ma Jisus el fwak: “Met e nu kemwa tia ku in eis kas se inge, a elos mukena su etukyung nu selos. Tu oasr met yunuk su isusla ou inge insien nine kielos, a oasr met yunuk, su met elos oru in met yunuk, a oasr met yunuk, su sifwanu oralos in met yunuk, ke togusrai in kosrao. El su ku in eis ma se inge, lela lan eis.”—Mattu 19:4-6, 11, 12.
Akmwesasyelos Ke Me Sang lun Moul Lolap
10 Fwinne Jisus a Poul el sramsram ke moul lolap oanu sie “me sang,” tusruktu wangin sie selos fwak la ma inge sie me sang su tuku ke menmen su met pu na ku in eis. Jisus el fwak la “met e nu kemwa tia ku in eis” me sang inge, a el kaifwe nu selos su ku in eis “lela lan eis,” oanu Jisus a Poul elos oru. Paye, Poul el simusla: “Tu mwo in mare liki in fururur,” tusruktu el sramsram nu selos su “tia ku in mukena muta.” (1 Korint 7:9) Ke leta lal meet, Poul el akkalemye la met Kristian elos ku in fwasr liki fururur. (Galetia 5:16, 22-24) Kalmen kas se inge fwasr ke ngun mutal pa kut lela ngun mutal lun Jeova in kol inkanek lasr. Ya sie met fwusr Kristian el ku in oru ou inge? Aok, elos fwin arulanu taran in akos Kas lun Jeova. Met sim lun Sam el simusla: “Ke mea sie met fwusr fwa aknasnasye inkanek lal? Ke el arulanu liaung inkanek lal fwal nu ke kas lom.”—Sam 119:9.
11 Wikin ma inge pa taran liki nunuk koluk su tuku ke TV, pitse mokuikui, magasin lun fwalu se inge, buk, a on. Kain in nunuk inge ma nu ke ikwe. Sie met Kristian mutan ku mokul su lungse in muta na lolap enenu in “tia fwafwasryesr fwal nu ke ikwe, a fwal nu ke ngun. Tu elos su fwal nu ke ikwe, elos nunku ke ma lun ikwe, a elos su fwal nu ke ngun, [elos nunku] ke ma lun ngun.” (Rom 8:4, 5) Ma lun ngun pa ma sumwos, nasnas, mwo oiye, pengpeng mwo. Met Kristian nu kemwa, met fwusr a met matu, mwonu sumwos “komwos in nunku ke ma inge.”—Filippai 4:8, 9.
12 Sie met el ku eis me sang ke moul lolap el fwin filiye na paye insiel ke nien sun inge a kaifweung in pre nu sin Jeova ke kasru tu in eis ma inge. (Filippai 4:6, 7) Poul el simusla: “A el su tu ku insiel, wangin enenu lal, a oasr ku lal fwin lungse lal, a el papu insiel tu lan liaung mutan su tia mare lal, el oru mwo. Na ou inge el su sang mutan su tia mare lal, tu lan mare, el oru mwo liki.”—1 Korint 7:37, 38.
Moul Lolap Su Oasr Nien Sun
13 Moul lolap tia sie oiye su eis me kaksak nu kemwa. Ke ma inge, efu ma inge “mwo liki”? Aok ku in mwo liki fwal nu ke sulela lun kais sie met fuka el orekmakin sukosok su tuku ka. Poul el simusla: “Tu Nga kena tu komwos in sukosok liki me aktoasrye komwos. Mokul su tia mare el liaung mwo ma lun Leum, fuka el ku in akinsemwomwoye Leum. A mokul su mare el liaung ma lun fwalu, fuka el ku in akinsemwomwoye mutan kiel, a el tia inse siefwunnu. Ou inge sie mutan su tia mare a sie su sumwena mare el liaung ma lun Leum, tu lan mutal in mano a ngun. A el su mare el liaung ma lun fwalu fuka el ku in akinsemwomwoye mokul tumal. A Nga fwak ma inge in akyokye sripomwos, tia tu ngan likiye me kaisrip fwomwos, a ma wi akfwalye a tu komwos in orekma nu sin Leum wangin me ikolkomwosi.”—1 Korint 7:32-35.
14 Met Kristian lolap su orekmakin moul lolap lal in eis ma lal sifwanu ke rapku el “tia mwo liki” met payuk. El muta na lolap, “tia ke sripen togusrai” a ke ma lal sifwanu. (Mattu 19:12) Mokul a mutan lolap enenu in “liaung ma lun Leum,” a nunku “fuka el ku in akinsemwomwoye Leum,” a “in orekma nu sin Leum wangin me ikolye. Kalmen ma inge pa nunuk siefwunnu in kulansap nu sin Jeova a Jisus Kraist. Aok ke orekma inge mukena sie met lolap Kristian el ku in “mwo liki” met payuk Kristian.
Orekma Su Wangin Me Kutong
15 Me sramsram yok lal Poul ke sapter inge nu fon pa: “Fwinne moul payuk arulanu mwo, a ke sripen kutu ma sikyuk paenang fwal nu sin sie met in oru, tusruktu wangin alollo moul lolap arulanu mwo nu sin mokul a mutan Kristian su lungse in kulansap nu sin Jeova ke inkanek yok a supus me kutong. Aok met payuk elos “tia inse siefwunnu,” met lolap Kristian elos sukosok in filiye insielos ke “ma lun Leum.”
16 Mea ma lun Leum su met lolap Kristian elos ku in loang nu ka ke sokosok liki met payuk? Ke kutu fus in Baibel, Jisus el sramsram ke “ma lun God”—ma met Kristian elos tia ku in sang nu sel Sisar. (Mattu 22:21) Ma inge el sramsram ke moul lun met Kristian, alu a orekma lun forfor.—Mattu 4:10; Rom 14:8; 2 Korint 2:17; 3:5, 6; 4:1.
17 Apkurun met lolap nu kemwa elos ku in orekmakin pal yok ke orekma lun Jeova, su ku in kasrelos ke ma lun ngun a ke orekma lun forfor lalos. Elos ku in orekmakin pal yok ke lutlut Baibel a pal in kalweni ke ma elos lotela tari. Fwusesr nu sin met Kristian lolap in eis schedule ke pal in ridi Baibel liki met lolap. Saap elos ku in akola mwo ke meeting a orekma lun forfor. Ma inge nu kemwa “ke sripelos.”—1 Korint 7:35.
18 Mokul lulap puspis su kulansapu oanu ministerial servant elos ku in sukosok in fwak nu sin Jeova: “Nga inge! Supeyula.” (Isaia 6:8) Elos ku in apply in wi ke Ministerial Training School, su fwal nu sin ministerial servant a met elder lolap su sukosok in kulansap ke an se ma oasr enenu yok. Fwinne met lili mokul su tia sukosok in som liki congregation lal el ku in akmwesasyelos sifwanu in kulansap nu sin met lili wielos oanu ministerial servant a met elder.—Filippai 2:20-23.
19 Sister nu kemwa su lolap, su wangin mokul tuma oanu sifwel, elos ku fwusesr in ‘filiye me utuk lalos nu sin Jeova.’ (Sam 55:22; 1 Korint 11:3) Ma inge yokna nu sin met lili mutan nu kemwa su kaifweung in mutana lolap ke sripen lungse lalos nu sin Jeova. Fwin sie pal tuku la elos enenu in mare, elos ku in oru ou inge “in leum mukena,” kalmen ma inge pa, nu selos mukena su mwolela tari moul nu sin Jeova. (1 Korint 7:39) Met elder nu kemwa elos arulanu kulo ke sripen oasr met lili mutan lolap ke congregation lalos; pal nu kemwa elos muteta a sang kasru nu sin met mas a met matou. Ma inge sang insemwomwo nu sin met nu kemwa.—Orekma 20:35.
20 Met fwusr Kristian puspis elos tuni na paye oiyen moul lalos “tu elos in orekma nu sin Leum wangin me ikolye.” (1 Korint 7:35) Elos inge kulansap nu sin Jeova oanu met orekma pioneer, missionary, ku kulansap nu ke sie ofus lun Watch Tower Society. Elos sie u su insemwomwo na paye! Fuka sie me engun na paye fwin elos wi kut! Aok, ye mutun Jeova a Jisus elos oanu “aunfong.”—Sam 110:3.
Wangin Mwolela Tu In Lolap Ma Patpat
21 Ma yok ke kai lal Poul pa met Kristian nu kemwa elos “oru mwo” fwin elos mukena muta. (1 Korint 7:1, 8, 26, 37) Fwinne ou inge, el tia kaifwe nu sin met lolap in orala mwolela lalos ke moul lolap. A, el sim: “A sie met fwin nunku el tia oru mwo nu sin mutan su tia mare lal, ke el mutan fwusr, a fwin oasr enenu ou inge, lela nu sel in oru oanu el lungse; el tia orek ma koluk. Lela elos in mare.” (1 Korint 7:36) Kas Grik inge (hy·peʹra·kmos) su lungasyukla “alukela pal in kena lun met fwusr” kalme “alukela kena yok” a el sramsram ke pal in munasla kena in orek fwako. Ke ma inge elos nu kemwa su orekmakin yiu puspis ke moul lolap a ke saflaiye el pulakin in mare elos sukosok in oru ou inge nu sin met lili wiel in lalalfongi.—2 Korint 6:14.
22 Yiu puspis su met Kristian fwusr el orekmakin ke kulansap lal nu sin Jeova ke sukosok sie me kasrup na paye. Ma inge sang kasru nu sel in eis etauk, experience, a liyaten. (Soakas 1:3, 4) Sie met su muta na lolap ke sripen Togusrai el oasr ke moul mwomwo ke pal fwasru, el fwin sulela in eis kunokon ke moul payuk a orala sou.
23 Kutu sin met Kristian lolap su orekmakin yiu puspis ke kulansap lalos nu sin Jeova oanu sie met orekma lun forfor pal nu kemwa elos oru sulela mwo ke mutan kielos ku mokul tumalos meyen elos nunku in tafwela ke orekma lun forfor pal nu kemwa. Elos inge fwal in kaksakinyuk. Kutu sin met elos sulela in tia payuk meyen elos nunku tu mwo in wangin me kutong ke orekma lalos ke kutena inkanek. Tusruktu ya met Kristian payuk el enenu in pulakin sukosok ke kulansap lalos nu sin Jeova oanu ma elos oru ke pal in lolap? Topuk nu ke kusensiyuk inge kut akola in sramsramkin ke me lutlut toko.
Ke Inkanek lun Kalweni
◻ Efu ku oasr enenu nu sel Poul in simusla leta ke congregation fwin an Korint?
◻ Efu kut ku in etu la Poul el tia kaifwe nu sin kutena met sie kain in moul lolap su loes liki kutena met?
◻ Fuka sie met el ku in “akmwesasyel” sifwanu ke moul lolap?
◻ Fuka sister lolap puspis elos eis ma lane ke moul lolap lalos?
◻ Ke inkanek puspis fuka brother lolap puspis elos orekmakin sukosok lalos in kulansap nu sin Jeova ke sie inkanek su “wangin me kutong”?
[Study Questions]
1. Kain in peng koluk fuka ke met Kristian fwin an Korint sonol Poul
2. Fuka orekma lun kosro su arulanu pengpeng fwin an Korint akkolukye met Kristian ke siti se ingo?
3. Ma upa fuka Poul el enenu meet in aksumwosye ke leta se meet lal fwin an Korint?
4. Mea Poul el lungse in akkalemye ke pal se ma el fwak “mwo nu sin met in tia sun mutan”?
5, 6. (a) Efu arulanu kalem la Poul el tia kaifwe nu sin met in akkalemye sie kain in moul su mukena muta loes liki kutu met? (b) Efu Poul el kaifwe sie moul lolap?
7, 8. Mea akkalemye la Poul el tia pakiye na paye nu sin kutena met Kristian tu lan muta na lolap?
9. Oanu ma Jisus a Poul el fwak, efu kut ku in fwak la moul lolap a moul payuk kemwanu me sang lun God?
10. Fuka sie met el ku in “oru” moul lal in fwal nu ke me sang lun moul lolap?
11. Mea kalmen ‘fwafwasyesr fwal nu ke ngun’?
12. Mea ma inge su eneneyuk kut fwin akmwesasye kut sifwanu ke me sang su tuku moul lolap?
13, 14. (a) Fuka met sap Poul el srikeye met payuk a met lolap Kristian? (b) Fuka sie met lolap Kristian el ku in “mwo liki” nu selos su payuk?
15. Mea ma yok ke me sramsram lal Poul in 1 Korint sapter 7?
16, 17. Fuka sie met Kristian lolap el ku in loang mwo ke “ma lun Leum”?
18. Fuka brothers puspis elos akkalemye la elos lungse in kulansap nu sin Jeova ke inkanek se su wangin ma ikolyelos”?
19. Fuka sister lolap puspis akinsemwomwoyeyuk, a mea inkanek se su ku in orelos in oanu me insemwomwo ke congregation?
20. Fuka met Kristian puspis elos akkalemye la elos “orekma nu sin Lem pal nu kemwa” ke inkanek se su wangin me kutong”?
21. (a) Efu arulanu kalem la Poul el tia kaifwe sie met in oru mwolela lal tu lan tia payuk? (b) Mea el lungse in akkalemye ke pal se ma el sramsram ke “alukela pal in kena lun met fwusr”?
22. Efu arulanu mwo ke inkanek nu kemwa fwin sie met Kristian el tia payuk ke pal se ma el arulanu fwusr?
23. Mea ma oasr ke nunuk lun met puspis su akola in payuk, tusruktu kain in kusensiyuk fuka kut akola in sramsramkin ke me lutlut toko?