Jesus El Ahknwacsnwacsyelah Tempuhl Uh

In yac 30 in pacl meet ah, mahlwem luhn April, Jesus el som nuh Jerusalem. Puhs mwet suc tuhkuh ke siti uh in wi ahkfuhlwactye Kuhfwen Ahluhkwelah. Eltahl kihsackihn kosro in tempuhl mweyen ma inge ipin mwe ahkfuhlwact sacn. Oasr mwet suc uslah kosro nahtuhltahl sifacna, ac mwet sahyac uh moli kosro in acn Jerusalem.

Ke pacl se Jesus el som nuh in tempuhl, el liye mwet suc kuhkwackihn kosro we. Eltahl eis kap na yohk ke tempuhl, acn se ma mwet uh alu nuh sin Jeova! Meac Jesus el oruh? El oraclah mwe sringsring sucl soko ac sang luhslah sheep ac cow liki tempuhl uh. El oankiyac pac tepuh luhn mwet ayaol mani ac mani laltahl rahkwelihk. Jesus el fahk nuh sin mwet ma kuhka wuleoa: ‘Uslah ma inge liki acn inge! Tiac sifwil orekmakihn lohm sin Pahpah tuhmuhk muh acn in kuhka se!’

Mwet uh lut ke ma Jesus el oruh inge. Mwet tuhma lutlut eltahl esam kahs pahluh kacl Messiah inge: ‘Moniyuck luhk nuhke tempuhl lom fihrihrrihr in nga oacna sie e.’

In yac 33, Jesus el sifwil ahknwacsnwacsyelah tempuhl. El tiac lwelah kuhtwena mwet in ahklusrohngtwenye ac tiac suhnakihn lohm sin Pahpah tuhmwacl.