Mwet Oalkohsr Moullac Liki Sronot

Noah, sucu lal, ac ma orahkrahk uh utyak nuh luun oak soko ah. Jeova el kaliyac sruhnguhl ah, ac muhtwacwacack in af. Arlac upac af uh pwacnacng oak soko ah pahtwack. Tiac paht, facluh nohfohn afyucflac ke kof. Lihkihn oak soko ah, mwet kuluk nuhkewa eltahl misac. Tuhsruhktuh, Noah ac sucu lal uh karihngihnyuck luun oak soko ah. Yac kom kuh in petsacelah ke nuhnak lom luhpan engan laltahl ke srihpen eltahl ahkos Jeova?

Af uh kahk ke lusen lwen 40 ac fong 40, na tukun ma inge tui. Kof uh kahkahsrihsrihk fohlohk nuh ten. Na, oak soko ah tui ke finohl soko. Tuhsruhktuh, srackna yohk kof ke yen nuhkewa, pwacnacng Noah ac sucu lal uh tiac kuh in sa srolah liki oak ah.

Kais kuhtuh srihsrihk na paholah acn uh. Noah ac sucu lal uh muhta luun oak soko ah ahluhkwelah yac se. Tukun ma inge, Jeova el fahk nuh seltahl muh eltahl kuh in tufoki liki oak soko ah. Eltahl arlacna kulohkihn lah Jeova el molweltahllah, pwacnacng eltahl oruh mwe kihsac nuh sin Jeova.

Jeova el insewowo ke mwe kihsac se inge. El wuhlelah muh el ac tiac sifwil kuhnahoslah ma nuhkewa fin facluh ke sronot. In oacna sie mwe akucl ke wuhlelah se inge, el oraclah nelahkwem se meet yen engyeng uh. Kom nuh liye tari nelahkwem uh?

Tukun ma inge, Jeova el fahk nuh sel Noah ac sucu lal uh in orek tuhlihk ac nwacklah facluh.