Yac Kom Ac Fah Oruh Ma Luhngse luhn Jeova?

Kuloh ke kom oraclah pacl lom in tuni ahkwoyac mwe rit se inge tuh kom in etwaclah Mwet Loh luhn Jeova oacna nuh ke kain in mwet fuhkah kuht uh, in etwaclah orekma lasr uh, ac in liye ma pucspucs ma u lasr uh oruh. Kuht finsrak tuh ma inge kuh in kahsre kom in akihlen lah kuht pa oruh ma luhngse luhn Jeova ke pacl inge. Kuht ahkkweye kom in tahfwelah na in eis etwacack ke God, in sruhmuhn nuh sin mwet in sucu lom an wi kawuck lom ke ma kom lotwelah uh. Kuht oacyacpac ahkkweye kom in wi kuht ke pacl nuhkewa ke toeni lasr uh.​—Hebrew 10:23-25.

Kom ac kuh in liye lah ke yohkwelihk etwacack lom kacl Jeova uh, kom ac kuh in akihlen luhngse yohk lal nuh sum uh. Ma inge ac mokle kom in sang kuhiyom kewa in fohlohkihn luhngse lom nuh sel. (Sie John 4:8-10, 19) Tuhsruhktuh, kom ac ahkkahlwemye fuhkah kena lom inge ke kais sie lwen in moul lom? Efuh kuh ahkostwen lom nuh ke ohiyen moul nwacsnwacs luhn God ma ac wo nuh sum? Ac meac ac fah kahsre kom in wi kuht in oruh ma luhngse luhn God? Mwet se ma lutlut Bible nuh sum an ac engan in wi kom konwacack top inge tuh kom ac sucu lom an in kuh in “muhtana in luhngse luhn God . . . in acsot moul ma pahtpaht nuh suwos.”​—Jude 21.

Kuht siyuck kom in tahfwelah na kapkapack ke ma pwacye uh ke kom lutlutkihn mwe rit se inge “Liyekowosyang Sifacna in Muhtana in Luhngse luhn God.”