Diifuk dyoos eedy, twangangat mahangadik. Diihangadik dya buseeb didy muut mwa kwangat, i dya kwiilambul kudy Yehow ni kutweel mu cisak cya bahambidil Bindiy. Yehow ukaakaam ney baat boos balong nook. Bwaabiny? Ukaakaam bwa ney bady nend bulund ni biiy bahet buumy bwa mwendelel. (Mmu. 30:19, 20; Kal. 6:7, 8) Yehow kiish ulongesh muut ning umw ku makand bwa kumukadiley mudimw. I mwaakish muut woos bwiiyiikadil bwa kwiisungwiil cidyey mwa kulong. Ki i biny bidy mwa kulongekel mwiin Krist ukaady muhet baatiisumw yiy ni mulong mpeekaat mutam? Yiy kay mwaalabul micim, bikaam bamuful mu cisumbw. (1 Kor. 5:13) Ning biby naak, Yehow ukaakaam bwa muut udy mulong mpeekaat ahingomw Kudyey cikwaabw. Biin-biin, kiinaak i kak kabingil kaakadyey mutwaadil cya kukuul naacy baat bwa kufwiilok baaIaalabul micim lus. Mawej iitut a lukat, ubiibiikan baamulong a bibiih ni musangal bwa kwaalabulobw micim.​—Zak. 1:3; Rom 2:4; Jak 4:8. w24.08 diib. 14 cik. 1-2

Mu ciisang cya Mupostol Jah ufundil bwa musangal waalaalukil ku kukooyel kwa Mawej. Mu ciisang cifundiley mukand indiy mwiisaat, bamw baat baakady bend bamwangalaj malongweesh ma makos maakady makabulul baat. Ki bakwaabw, batungunukil ni ‘kumanyik myand ya biin-biin,’ bakooyedyel Yehow, ni batungunuk ni ‘kushikat bu muleeleeb may ma Mawej.’ (2 Jah 4, 6) Biin Krist ba lulamat aab basangejel Jah ni Yehow. (Tus. 27:11) Tuheehetelok diilongweesh kaay? Lulamat lufiifikij ku musangal. (1 Jah 5:3) Cileejel, tumvumvw musangal hatumaamanyik ney tusaasangej Yehow. Yehow umvumvw musangal hadyey wiitutal tulek kulong myand yibiih ni tukooyel ku may mindiy. Banjel byaabw basaasangal. (Luuk 15:10) Tut byeet tumvumvw musangal hatushaashaal ni lulamat. (2 Tes. 1:4) Hiikalobw babutul Sataan ni bulongolody bwindiy, twiiyiiy kwiikal ni musangal bwa kumanyik ney tudy bashaal ni lulamat kudy Yehow ning mu bulongolody budy Sataan ukookesh. w24.11 diib. 12 cik. 17-18

Udy mwa kulong muut mutancy bul kaay kuuhal kwiibuh kuleej ney udy mumukat? Uw mumb muut diiy lwang-lwang, udy mwa kulang ney kudyaakal ulangiloh bilengel kuuhal kwiibuh kwangat dihangadik. (Tus. 29:20) Ki muut yiy muman kujingunun ney udy mumukat uw naabw unengesh myand bwa kumwambil, udy mwa kulang ney udyaakal weelakan bikasakan kuuhal kwa kwangat dihangadik. (Mul. 11:4) Manyik ney kuuhal kwiibuh kumb muut diiy kabiish bikaam ney wiikal mutwiishiibw ney wiiyiiy kumubak bwaal. Ki bikaam wiikal mutwiishiibw ney ukaady habwiih bwa kutweel mu maluw, ni muut aaw i mukumban bwa kwiikaley mwiin maluw neeb mulengel. Uw mujingunun ney muut kaahand i mukukat, udy mwa kulong bicy? Biby biikal ney uw kwiish wiiyumvw bu mushind udyey wiiyumvw, kaam mushind a kumuleej bwaal aabw hatook mu myand yiwuloolong. Kabyaakwiikaloh bend bilengel uw mufikish muut ku kulang ney kudy mushind iinun kuseeselangan biby naabw kabiy naak.​—Ef. 4:25. w24.05 diib. 22-23 cik. 9-10