ನಮ್ಮ ಕ್ರೈಸ್ತ ಜೀವನ

ದೇವರನ್ನ ನಂಬದವ್ರಿಗೆ ಸೃಷ್ಟಿಕರ್ತನ ಬಗ್ಗೆ ತಿಳ್ಕೊಳ್ಳೋಕೆ ಸಹಾಯ ಮಾಡಿ

ಧರ್ಮದ ಮೇಲೆ, ದೇವರ ಮೇಲೆ ನಂಬಿಕೆ ಇಲ್ಲದಿರೋ ಜನ್ರು ನಮ್ಮ ಮಾತನ್ನ ಕೇಳಲ್ಲ ಅಂತ ಅಂದ್ಕೊಂಡು ನಾವು ಸಿಹಿಸುದ್ದಿ ಸಾರದೇ ಎಷ್ಟೋ ಸಲ ಹಾಗೇ ಬಂದುಬಿಡ್ತೀವಿ. ಆದ್ರೆ ಇಂಥ ಎಷ್ಟೋ ಜನ್ರು, ನಾಸ್ತಿಕರು ಯೆಹೋವನ ಸಾಕ್ಷಿಗಳಾಗಿದ್ದಾರೆ. ದೇವರು ಇದ್ದಾನೆ ಅನ್ನೋದಕ್ಕೆ ನಾವು ಆಧಾರಗಳನ್ನ ತೋರಿಸಬೇಕು ಅಷ್ಟೇ.—ರೋಮ 1:20; 10:14.

ನಂಬಿಕೆ ಇಲ್ಲದವರು ನಂಬಿಕೆಯನ್ನ ಗಳಿಸಬಹುದು ಅನ್ನೋದನ್ನ ಮರೀಬೇಡಿ!—ದೇವರ ಮೇಲೆ ನಂಬಿಕೆ ಇಲ್ಲದವರು ಅನ್ನೋ ವಿಡಿಯೋ ನೋಡಿ ಈ ಪ್ರಶ್ನೆಗೆ ಉತ್ರ ಕೊಡಿ:

ಟೊಮ್ಮಾಸೊ ಅವ್ರ ಅನುಭವದಿಂದ ನೀವೇನು ಕಲಿತ್ರಿ?

ನಿಮ್ಮ ಉತ್ರ

ಅವ್ರಿಗೆ ಸಹಾಯ ಮಾಡೋದು ಹೇಗೆ?

ದೇವರ ಮೇಲೆ ನಂಬಿಕೆ ಇಲ್ಲ ಅಂತ ಒಬ್ಬ ವ್ಯಕ್ತಿ ಹೇಳಿದ್ರೆ ಅವ್ರ ಹತ್ರ ಪ್ರೀತಿಯಿಂದ, ಯೋಚ್ನೆ ಮಾಡಿ ಮಾತಾಡಿ. ಅವ್ರಿಗೆ ಯಾಕೆ ಹಾಗೆ ಅನಿಸ್ತಿದೆ ಅಂತ ತಿಳ್ಕೊಳ್ಳಿ. (2ತಿಮೊ 2:24) ಅವ್ರಿಗೆ ಇಷ್ಟ ಆಗೋ ವಿಷ್ಯದ ಬಗ್ಗೆನೇ ಮಾತಾಡಿ. ಒಂದುವೇಳೆ ನಮ್ಮನ್ನ ಸೃಷ್ಟಿ ಮಾಡಿರೋ ದೇವರು ಒಬ್ಬ ಇದ್ದಾನೆ ಅನ್ನೋದಕ್ಕೆ ಆಧಾರಗಳನ್ನ ತಿಳ್ಕೊಳ್ಳೋಕೆ ಅವ್ರಿಗೆ ಇಷ್ಟ ಇದ್ರೆ, ಅದಕ್ಕೆ ಸಹಾಯ ಮಾಡಿ. ಅದಕ್ಕಂತಾನೇ ನಮ್ಮ ಸಂಘಟನೆ ಕೆಲವು ವಿಡಿಯೋಗಳನ್ನ, ಪ್ರಕಾಶನಗಳನ್ನ ಬಿಡುಗಡೆ ಮಾಡಿದೆ. ಉದಾಹರಣೆಗೆ, ಜೀವವು ಸೃಷ್ಟಿಸಲ್ಪಟ್ಟಿತೋ? (ಇಂಗ್ಲಿಷ್‌) ಮತ್ತು ಜೀವದ ಆರಂಭ—ಐದು ಪ್ರಾಮುಖ್ಯ ಪ್ರಶ್ನೆಗಳಿಗೆ ಉತ್ತರ ಅನ್ನೋ ಪತ್ರಿಕೆಗಳನ್ನ ನಮಗೆ ಸುಲಭವಾಗಿ ಸಿಗೋ ಹಾಗೆ ಬೋಧನಾ ಸಾಧನಗಳಲ್ಲಿ ಸೇರಿಸಿದೆ.

ನಿಮಗೆ ಅವ್ರ ಹತ್ರ ಮಾತಾಡೋಕೆ ಮೊದಮೊದ್ಲು ಭಯ ಆಗಬಹುದು. ಹಾಗಿದ್ರೆ ಅನುಭವ ಇರೋ ಸಹೋದರ ಅಥವಾ ಸಹೋದರಿ ಹತ್ರ ಸಹಾಯ ಕೇಳಿ. ಆ ವ್ಯಕ್ತಿ ದೇವರಿದ್ದಾನೆ ಅಂತ ನಂಬದೆ ಇರಬಹುದು. ಆದ್ರೂ ಅವ್ರಿಗೆ ಒಳ್ಳೇ ಮನಸ್ಸಿದ್ರೆ ಅವ್ರ ಹತ್ರ ಮಾತಾಡೋಕೆ ಯೆಹೋವ ನಿಮಗೆ ಸಹಾಯ ಮಾಡೇ ಮಾಡ್ತಾನೆ.—ಅಕಾ 13:48.