“ಲೋಕದವರೆಲ್ಲರಿಗೂ ಒಂದೇ ಭಾಷೆ ಇತ್ತು”

11:1-4, 6-9

ಬಾಬೆಲಿನ ಜನರು ಯೆಹೋವನ ಇಷ್ಟವನ್ನು ವಿರೋಧಿಸಿದರು. ಹಾಗಾಗಿ ಯೆಹೋವನು ಅವರ ಭಾಷೆಯನ್ನು ಗಲಿಬಿಲಿ ಮಾಡಿ, ಅವರನ್ನು ಚದುರಿಸಿದನು. ಆದರೆ ಇಂದು ಯೆಹೋವನು ಎಲ್ಲಾ ದೇಶದ ಜನರನ್ನು ಒಂದು ಮಹಾ ಸಮೂಹವಾಗಿ ಒಟ್ಟುಗೂಡಿಸಿ ‘ಶುದ್ಧ ಭಾಷೆಯನ್ನು’ ಕೊಟ್ಟಿದ್ದಾನೆ. ಯಾಕೆಂದರೆ, ‘ಎಲ್ಲರು ಒಂದೇ ಮನಸ್ಸಿನಿಂದ ಯೆಹೋವನನ್ನು ಸೇವಿಸಿ ಆತನ ಹೆಸರನ್ನು ಹೇಳಬೇಕು’ ಅನ್ನುವುದು ಆತನ ಆಸೆ. (ಚೆಫ 3:9; ಪ್ರಕ 7:9) ಬೈಬಲಿನಲ್ಲಿ ಯೆಹೋವನ ಮತ್ತು ಆತನ ಉದ್ದೇಶಗಳ ಬಗ್ಗೆ ಇರುವ ಸತ್ಯಾನೇ ಈ ‘ಶುದ್ಧ ಭಾಷೆ.’

ಹೊಸ ಭಾಷೆ ಕಲಿಯುವಾಗ ಬರೀ ಹೊಸ ಪದಗಳನ್ನು ನೆನಪಿನಲ್ಲಿಟ್ಟರೆ ಸಾಕಾಗಲ್ಲ. ಆ ಭಾಷೆಯವರು ಯೋಚಿಸುವ ರೀತಿಯಲ್ಲಿ ಯೋಚಿಸಲು ಕಲಿಯಬೇಕಾಗುತ್ತೆ. ಹಾಗೇನೇ ಬೈಬಲ್‌ ಸತ್ಯಗಳ ಶುದ್ಧ ಭಾಷೆಯನ್ನು ನಾವು ಕಲಿಯುವಾಗ ನಮ್ಮ ಮನಸ್ಸು ಬದಲಾಗುತ್ತೆ. (ರೋಮ 12:2) ದೇವರ ಜನರೆಲ್ಲರೂ ಐಕ್ಯರಾಗಿರಲು ಇದು ಸಹಾಯಮಾಡುತ್ತೆ.—1ಕೊರಿಂ 1:10.