ಜನರನ್ನು ಶಿಷ್ಯರನ್ನಾಗಿ ಮಾಡಲು ನಾವು ಸಾರಬೇಕು ಮತ್ತು ಕಲಿಸಬೇಕು

ಯೇಸು ತನ್ನ ಹಿಂಬಾಲಕರಿಗೆ ‘ಹೊರಟುಹೋಗಿ ಜನರನ್ನು ಶಿಷ್ಯರನ್ನಾಗಿ ಮಾಡಿ’ ಎಂದು ಆಜ್ಞಾಪಿಸಿದನು. (ಮತ್ತಾ 28:19) ಈ ಆಜ್ಞೆಯಲ್ಲಿ ಜನರಿಗೆ ಸಾರುವ ಮತ್ತು ಕಲಿಸುವ ಕೆಲಸಗಳು ಸೇರಿವೆ. ಆದ್ದರಿಂದ ನಾವೆಲ್ಲರೂ ಆಗಾಗ ಹೀಗೆ ಕೇಳಿಕೊಳ್ಳಬೇಕು: ‘ಸಾರುವ ಮತ್ತು ಕಲಿಸುವ ಕೆಲಸದಲ್ಲಿ ನಾನು ಇನ್ನೂ ಹೇಗೆಲ್ಲ ಪ್ರಗತಿ ಮಾಡಬಹುದು?’

ಸುವಾರ್ತೆ ಸಾರಬೇಕು

ಜನರು ನಮ್ಮ ಹತ್ತಿರ ಬರಬೇಕೆಂದು ನಾವು ಯೋಚಿಸಬಾರದು. ಬದಲಿಗೆ ನಾವೇ ಹುರುಪಿನಿಂದ ‘ಯೋಗ್ಯರನ್ನು’ ಹುಡುಕುತ್ತಾ ಇರಬೇಕು. (ಮತ್ತಾ 10:11) ನಮಗೆ ‘ಸಿಗುವಂಥ ಎಲ್ಲ ಜನರಿಗೆ’ ಸುವಾರ್ತೆ ಸಾರಲು ಅವಕಾಶಗಳಿಗಾಗಿ ಹುಡುಕುತ್ತೇವಾ? (ಅಕಾ 17:17) ಪೌಲನು ಸುವಾರ್ತೆ ಸಾರುವ ಕೆಲಸವನ್ನು ಪಟ್ಟುಬಿಡದೆ ಮಾಡಿದ್ದರ ಫಲವಾಗಿ ಲುದ್ಯಳು ಶಿಷ್ಯೆ ಆದಳು.—ಅಕಾ 16:13-15.

“ಎಡೆಬಿಡದೆ” ಸುವಾರ್ತೆ ಸಾರಿ—ಅನೌಪಚಾರಿಕವಾಗಿ ಮತ್ತು ಮನೆಯಿಂದ ಮನೆಗೆ ಎಂಬ ವಿಡಿಯೋ ನೋಡಿ, ನಂತರ ಕೆಳಗಿನ ಪ್ರಶ್ನೆಗಳಿಗೆ ಉತ್ತರಿಸಿ:

• ಸ್ಯಾಮುವೆಲ್‌ ತನ್ನ ದಿನನಿತ್ಯದ ಕೆಲಸಕಾರ್ಯಗಳನ್ನು ಮಾಡುವಾಗ ಸತ್ಯದ ಬೀಜ ಬಿತ್ತುವ ಕೆಲಸವನ್ನು ಹೇಗೆ ಮಾಡುತ್ತಾ ಇದ್ದನು?

• ಎಲ್ಲ ವಿಧಾನಗಳಲ್ಲಿ ಸುವಾರ್ತೆ ಸಾರಲು ನಾವು ಯಾಕೆ ಪಟ್ಟುಬಿಡದೆ ಪ್ರಯತ್ನಿಸಬೇಕು?

• ನಿಮ್ಮ ದಿನನಿತ್ಯದ ಚಟುವಟಿಕೆಗಳಲ್ಲಿ ನೀವು ಯಾರಿಗೆಲ್ಲ ದೇವರ ರಾಜ್ಯದ ಸಂದೇಶವನ್ನು ಸಾರಬಹುದು?

ಕಲಿಸಬೇಕು

ಶಿಷ್ಯರನ್ನಾಗಿ ಮಾಡುವುದರಲ್ಲಿ ಸಾಹಿತ್ಯ ಕೊಡುವುದಕ್ಕಿಂತ ಹೆಚ್ಚಿನ ವಿಷಯ ಒಳಗೂಡಿದೆ. ಜನರು ಪ್ರಗತಿ ಮಾಡುತ್ತಾ ಇರಲು ನಾವು ಪುನರ್ಭೇಟಿಗಳನ್ನು ಮತ್ತು ಬೈಬಲ್‌ ಅಧ್ಯಯನಗಳನ್ನು ಮಾಡಬೇಕು. (1ಕೊರಿಂ 3:6-9) ಜನರಿಗೆ ಸತ್ಯ ಕಲಿಸಲು ಸಾಕಷ್ಟು ಪ್ರಯತ್ನ ಮಾಡಿದ ಮೇಲೂ ತಕ್ಕ ಪ್ರತಿಫಲ ಸಿಗದಿದ್ದರೆ ಏನು ಮಾಡಬೇಕು? (ಮತ್ತಾ 13:19-22) ಯಾರ ಹೃದಯ ‘ಒಳ್ಳೆಯ ನೆಲದಂತಿದೆಯೋ’ ಅಂಥವರನ್ನು ನಾವು ಹುಡುಕುವುದನ್ನು ಬಿಡದೆ ಮುಂದುವರಿಸಬೇಕು.—ಮತ್ತಾ 13:23; ಅಕಾ 13:48.

“ಎಡೆಬಿಡದೆ” ಸುವಾರ್ತೆ ಸಾರಿ—ಸಾರ್ವಜನಿಕವಾಗಿ ಮತ್ತು ಶಿಷ್ಯರನ್ನಾಗಿ ಮಾಡಿ ಎಂಬ ವಿಡಿಯೋ ನೋಡಿ, ನಂತರ ಕೆಳಗಿನ ಪ್ರಶ್ನೆಗಳಿಗೆ ಉತ್ತರಿಸಿ:

• ಎಜೆಕಿಯೇಲ್‌, ಅಬೀಗೈಲ್‌ರ ಹೃದಯಗಳಲ್ಲಿದ್ದ ಸತ್ಯದ ಬೀಜಕ್ಕೆ ಸೊಲೊಮೋನ್‌ ಮತ್ತು ಮೇರಿ ಹೇಗೆ ನೀರೆರೆದರು?

• ಸಾರ್ವಜನಿಕ ಸಾಕ್ಷಿಕಾರ್ಯವನ್ನೂ ಸೇರಿಸಿ ಬೇರೆಲ್ಲ ವಿಧಾನಗಳನ್ನು ಅನುಸರಿಸುವಾಗ ನಮ್ಮ ಗುರಿ ಏನಾಗಿರಬೇಕು?

• ಇತರರಿಗೆ ಸತ್ಯವನ್ನು ಕಲಿಸುವ ಕೆಲಸಕ್ಕೆ ನಾವು ಹೇಗೆ ಹೆಚ್ಚು ಪ್ರಾಮುಖ್ಯತೆ ಕೊಡಬಹುದು?