“ಪ್ರಪಂಚದ ಏಳು ಪ್ರಮಾದಗಳು”

“ಪ್ರಪಂಚದ ಏಳು ಪ್ರಮಾದಗಳು” ಎಂದು ತಾವು ಕರೆದಂತಹ ಒಂದು ಪಟ್ಟಿಯನ್ನು ಮೋಹನ್‌ದಾಸ್‌ ಗಾಂಧಿಯವರು ರಚಿಸಿದರೆಂದು ಹೇಳಲಾಗಿದೆ. ಆ ಪ್ರಮಾದಗಳು ಈ ಮುಂದಿನಂತೆ ಇವೆ:

• ಕೆಲಸವಿಲ್ಲದೆ ಐಶ್ವರ್ಯ

• ಮನಸ್ಸಾಕ್ಷಿಯಿಲ್ಲದೆ ಸುಖಾನುಭವ

• ಗುಣಲಕ್ಷಣವಿಲ್ಲದೆ ಜ್ಞಾನ

• ನೈತಿಕತೆಯಿಲ್ಲದ ವ್ಯಾಪಾರ

• ಮಾನವತ್ವವಿಲ್ಲದೆ ವಿಜ್ಞಾನ

• ತ್ಯಾಗವಿಲ್ಲದ ಆರಾಧನೆ

• ತತ್ವವಿಲ್ಲದ ರಾಜಕೀಯ

ಅವರ ಮೊಮ್ಮಗನಾದ ಅರುಣ್‌ ಗಾಂಧಿ, ಎಂಟನೆಯ ಪ್ರಮಾದವನ್ನು ಕೂಡಿಸಿದನೆಂದು ಹೇಳಲಾಗಿದೆ:

• ಜವಾಬ್ದಾರಿಗಳಿಲ್ಲದೆ ಹಕ್ಕುಗಳು

ಪ್ರಾಯಶಃ ನೀವು ಇನ್ನೂ ಕೆಲವನ್ನು ಸೂಚಿಸಬಲ್ಲಿರಿ, ಆದರೆ ಈ ಪಟ್ಟಿಯು ನಿಶ್ಚಯವಾಗಿಯೂ ಆಲೋಚನೆಯನ್ನು ಪ್ರಚೋದಿಸುವಂತಹದ್ದಾಗಿದೆ. ಈ “ಪ್ರಮಾದ”ಗಳಿಗೆ ಬೈಬಲಿನ ಉತ್ತರವು ಎರಡು ಆಜ್ಞೆಗಳಲ್ಲಿ ಸಂಕ್ಷೇಪಗೊಳಿಸಲ್ಪಟ್ಟಿದೆ: “ನಿನ್ನ ದೇವರಾಗಿರುವ ಕರ್ತ [“ಯೆಹೋವ,” NW]ನನ್ನು ನಿನ್ನ ಪೂರ್ಣ ಹೃದಯದಿಂದಲೂ ನಿನ್ನ ಪೂರ್ಣ ಪ್ರಾಣದಿಂದಲೂ ನಿನ್ನ ಪೂರ್ಣ ಬುದ್ಧಿಯಿಂದಲೂ ಪ್ರೀತಿಸಬೇಕು ಎಂಬ ಆಜ್ಞೆಯೇ ಮುಖ್ಯವಾದದ್ದು ಮತ್ತು ಮೊದಲನೆಯದು. ಇದಕ್ಕೆ ಸಮಾನವಾದ ಎರಡನೆಯ ಆಜ್ಞೆ ಒಂದು ಉಂಟು, ಅದು ಯಾವದಂದರೆ—ನಿನ್ನ ನೆರೆಯವನನ್ನು ನಿನ್ನಂತೆಯೇ ಪ್ರೀತಿಸಬೇಕು ಎಂಬದೇ. ಈ ಎರಡು ಆಜ್ಞೆಗಳು ಎಲ್ಲಾ ಧರ್ಮಶಾಸ್ತ್ರಕ್ಕೂ ಪ್ರವಾದನಗ್ರಂಥಕ್ಕೂ ಆಧಾರವಾಗಿವೆ.”—ಮತ್ತಾಯ 22:37-40.

[ಪುಟ 35 ರಲ್ಲಿರುವ ಚಿತ್ರ ಕೃಪೆ]

UPI/Corbis-Bettmann