ចូរ​ពង្រឹង​ទំនុក​ចិត្ត​ថា​ព្រះ​យេហូវ៉ា​អាច​សង្គ្រោះ​អ្នក

សូម​អាន ជំរឿន​បណ្ដា​ជន ១៣:២៥–១៤:៤​ដើម្បី​ឃើញ​អំពី​របៀប​ដែល​ជន​ជាតិ​អ៊ីស្រាអែល​មិន​ទុក​ចិត្ត​ព្រះ​យេហូវ៉ា។

ចូរ​ពិចារណា​អំពី​បរិបទ។ ហេតុ​អ្វី​ជន​ជាតិ​អ៊ីស្រាអែល​គួរ​មាន​ទំនុក​ចិត្ត​ថា​ព្រះ​យេហូវ៉ា​មាន​សមត្ថភាព​សង្គ្រោះ​ពួក​គេ កាល​ដែល​ពួក​គេ​ចាក​ចេញ​ពី​ស្រុក​អេហ្ស៊ីប? (​ចសព. ៧៨:១២​-​១៦, ៤៣​-​៥៣​) តើ​អ្វី​ធ្វើ​ឲ្យ​ពួក​គេ​បាត់​បង់​ទំនុក​ចិត្ត​ទៅ​លើ​ព្រះ​យេហូវ៉ា? (​បច. ១:២៦​-​២៨​) តើ​យ៉ូស្វេ​និង​កាលែប​បាន​បង្ហាញ​ទំនុក​ចិត្ត​យ៉ាង​ណា​ទៅ​លើ​ព្រះ​យេហូវ៉ា?—ជប. ១៤:៦​-​៩

ចូរ​ធ្វើ​ការ​ស្រាវ​ជ្រាវ​ថែម​ទៀត។ តើ​ជន​ជាតិ​អ៊ីស្រាអែល​អាច​ធ្វើ​អ្វី​ដើម្បី​មាន​ទំនុក​ចិត្ត​កាន់​តែ​ខ្លាំង​ទៅ​លើ​ព្រះ​យេហូវ៉ា? (​ចសព. ៩:១០; ២២:៤; ៧៨:១១​) តើ​ទំនុក​ចិត្ត​លើ​ព្រះ​យេហូវ៉ា និង​ការ​គោរព​ចំពោះ​លោក​ជាប់​ទាក់​ទង​គ្នា​យ៉ាង​ណា?—ជប. ១៤:១១

ចូរ​គិត​អំពី​អ្វី​ដែល​អ្នក​បាន​រៀន។ សូម​សួរ​ខ្លួន​នូវ​សំណួរ​ដូច​ត​ទៅ​នេះ​៖

• ‹តើ​ស្ថានភាព​ណា​ខ្លះ​អាច​សាក​ល្បង​ទំនុក​ចិត្ត​របស់​ខ្ញុំ​ទាំង​ស្រុង​ទៅ​លើ​ព្រះ​យេហូវ៉ា?›។

• ‹តើ​តាម​របៀប​ណា​ខ្ញុំ​អាច​ពង្រឹង​ទំនុក​ចិត្ត​របស់​ខ្ញុំ​ទៅ​លើ​ព្រះ​យេហូវ៉ា​នៅ​ឥឡូវ​នេះ និង​នៅ​ថ្ងៃ​អនាគត?›។

• ‹កាល​ដែល​គ្រា​ទុក្ខ​វេទនា​ជា​ខ្លាំង​ខិត​ចូល​មក​ដល់ តើ​ខ្ញុំ​មាន​ទំនុក​ចិត្ត​យ៉ាង​ណា?›។—លូក. ២១:២៥​-​២៨