យើង​អរ​គុណ​ព្រះ​យេហូវ៉ា

១. អរ គុណ ព្រះ យេហូវ៉ា រាល់ ទិវា រាត្រី

ដែល លោក មេត្ដា បញ្ចេញ ពន្លឺ រស្មី

អរ គុណ ដែល យើង មាន កិត្ដិយស អធិដ្ឋាន

ជម្រាប លោក ទុក្ខ កង្វល់ អស់ ពី ចិត្ត ប្រាណ។

២. អរ គុណ ព្រះ យេហូវ៉ា សម្រាប់ បុត្រ នៃ លោក

ដែល ឈ្នះ លោកា ដោយ ជំនឿ បាន ជ័យ ជោគ

អរ គុណ ដែល បង្រៀន ធ្វើ តាម បំណង បវរ

ជួយ យើង គ្រប់ ប្រាណ ឲ្យ បម្រើ យ៉ាង ស្មោះ សរ។

៣. យើង អរ គុណ ព្រះ យើង សម្រាប់ ឯក សិទ្ធិ ប្រកាស

ពី នាម របស់ លោក និង ក្ដី ពិត ត្រចះ

អរ គុណ លោក នឹង បំបាត់ ទុក្ខ សោក ឲ្យ សូន្យ សាប

ហើយ ពរ ពី រាជ្យ លោក នឹង មាន ជា ដរាប៕