Katersuunnerit atoriaannaasuunis­saannut siunnersuutit

Katersuun­nerit, ilagiit ataatsimiin­nerisul­li, Jehovamit tunis­sutaap­put asan­nit­tulior­nis­samut ajun­ngitsulior­nis­samul­lu kajumis­saaqatigiif­figisin­naasagut. (Hebr 10:24, 25) Sivisuner­paamik minutsinik 7-inik sivisus­suseqar­tas­sap­put, pif­fis­sal­lu tamatuma iluani angalaaqatigiit­tus­sanik aaq­qis­suus­sisoqar­tas­saaq, oqaluus­siar­torfigisas­sanik agguaas­sisoqar­tas­saaq qinusoqar­tas­sal­lunilu. (Ataatsimiit­toqar­nerata kingor­na katersuut­toqas­sap­pat katersuun­neq suli sivikin­nerus­saaq). Katersuutsitsisoq ul­loq taan­na oqaluus­seqataasut atoriaan­naasaan­nik piareersaasimas­saaq. As­sersuutigalugu arfinin­ngor­nik­kut najuut­tut ilar­pas­sui weekendip siulianili oqaluus­seqataasiman­ngip­pata pulaak­kamut qanoq oqar­nis­samik eq­qar­tuinis­saq iluaqutaasin­naas­saaq. Suut al­lat eq­qar­tus­sal­lugit iluaqutaasin­naava?

• Oqaloqatigiin­nis­samut siun­nersuut Kristumiutut inuunerput kiffartornerpullu – Najoqqutassaq-meersoq

• Peq­qam­mersut nutaarsias­sal­luun­niit atorlugit qanoq aal­lar­niisoqarsin­naasoq

• Akerliliis­sutigineqarajut­toq qanoq akineqarsin­naasoq

• Guuteqar­neranik up­perin­nin­ngitsut, pin­ngoriar­tuaarsimaneraasut, al­latut oqaasil­lit oqaluus­sif­figisar­tak­kan­nilu nalingin­naan­ngitsumik up­perisal­lit qanoq oqaluus­sif­figineqarsin­naasut

• JW.ORG-imi al­laatigineqar­tunik, ap­p-imik JW Library^®-mik Biibilimil­luun­niit qanoq atuisoqarsin­naasoq

• Ilin­niar­titsinermi ator­tak­kat­ta ilaan­nik qanoq atuisoqarsin­naasoq

• Oqaluus­seriaatsini al­lani – soorlu oqarasuaatik­kut al­lak­katigul­luun­niit oqaluus­sinermi, tamanut oqaluus­sinermi, pulaaq­qit­tak­kanut atuaqatigisar­tak­kanul­luun­niit oqaluus­sinermi – qanoq ilior­toqarsin­naanersoq

• Isuman­naas­suseq, naleq­qus­sarsin­naas­suseq, ileq­qoris­saar­neq, isumal­luar­tuuneq as­singusul­luun­niit pil­lugit eq­qaasitsis­suteqar­neq

• Qup­persak­kamit Atuffassinermut ajoqersuinermullu pikkorinnerulerit-mit ilin­niagas­saq isigin­naagas­siarluun­niit

• Oqaluus­seqatin­nik qanoq qiim­mas­saal­lutil­lu ikiuisin­naanerit

• Al­las­simaf­fik oqaluus­sinermut tun­ngas­suteqar­toq oqaluus­sinermiluun­niit misigisimasaq qiim­maal­lan­nar­toq