’Oqaatiginnginneq saperpavut’
1 Jesus Kristusip oqaluussinerup ingerlanera arajutsinaveersaarpaa. (Mat. 28:20; Mák. 13:10) Naak oqaluussisartut maanna nunani 234-ni 6 millioningajaagaluartut isumaqartariaqanngilagut oqaluussineq naammassineqartoq. Guutimit oqaluussineq naammassineqarnerartinnagu ilikkakkavut ’oqaatiginnginneq saperpavut’. — ap. sul. 4:20.
2 Guutip anersaava tunaariuk: Satanip nikallortinniarluta tatingaarpaatigut. (sar. 12:17) Uinitta nammalluinnanngitsup aamma ajornartorsiortittarpaatigut. Tamatuma oqaluussinermit, allanit tamanit pingaarnermit, allamut saatinniarsinnaavaatigut. Jehovali tatigigutsigu akornutaasinnaasut suulluunniit ajugaaffiginissaannut anersaavata illernartup ikiorsinnaavaatigut.
3 Ukiuni hundredelinni siullerni kristiumiut sakkortuumik malersorneqaleramik Guuti qinnuigaat siooranngilluinnarlutik oqaasiata oqaluussissutigiuarnissaanut ikioqqullutik. Qinnutaat Jehovap tusarpaa anersaaminillu illernartumik kuillugit ilungersuussinermillu aalajangersinnaanermillu, oqaluussiuassagaanni pisariaqartunik, tunillugit. Tamatuma kinguneranik nutaarsiassaq nuannersoq oqaluussissutigiuaannarpaat. — ap. sul. 4:29, 31; 5:42.
4 Oqaatiginerluinerit sioorassutigeqinagit: Isummat salluliuutillu tusagassiuutitigut saqqummiuneqartut immaqa siooralissutigisinnaavavut. Peterilli apustilillu allat Sanhedrinimiittunut oqaassii aalajangersimarpaluttut, apustilit suliáinik agdlagkat 5:29-32-mi allaaserineqartut, eqqaamakkit. Inatsisinik ajoqersuisoq Gamaliel nassuerpoq Guutip suliai suujunnaarsinneqarsinnaanngitsut. Uagut nukitsigut naammassineqanngillat. Guuti tamatumani naammassisitsisuuvoq, taassumalu kisimi naammassisinnaallugit. — Sak. 4:6.
5 Taamaattumik Jehova ullut tamaasa qinnuigisartigu anersaaminik illernartumik ikioqqulluta nutaarsiassap nuannersup kajumilluta oqaluussissutiginissaanut. Jeremiasitut oqartariaqarpugut Guutip naalagaaffia pillugu tusarliussaq soorlu saanitsinni ikuallattutut ittoq. (Jer. 20:9) Nipangersimasinnaanngilagut.