Qanoq tunngavilersuillaqqinnerusinnaasugut
1 Oqaaseq „tunngavilersuineq“ nassuiarneqarsinnaavoq „allat tunngavissaqarluartumik isummertillugit“. Oqaluussillaqqinnerujumaguit naapitatit isummerfigisinnaasaannik tunngavilersuiffigissallugit ilinniartariaqarpat. (apu. sul. 17:2-4) Piginnaaneq tamanna qanoq ineriartortissinnaaviuk?
2 Eqqarsaqqissaarnermik aallartippoq: Biibili atuaraangakku atuakkavit imaa eqqarsaatigeqqissaassallugu iluaqutaassaaq. Paasiuminaatsoqarpat akissutaa misissussallugu eqqarsaatigalugulu piffissaqarluarit. Nassuiaatitaannaat pinnagit, aammattaarli Biibilimiit tunngavilersuutit paasiniakkit.
3 Kiffartornissamut piareersarneq pisariaqarpoq: Inunnut assigiinngitsunut sallusuissut qanoq saqqummiussinnaanerlugu eqqarsaatigiuk. Soqutiginnilersitsisinnaasumik apeqqummik oqaaseqarit, eqqarsaatigiullu tunngavilersuutiginiakkatit Biibilip ajoqersuutaanut qanoq ataqatigiilersissinnaallugit. Akerliliisinnaanerit piareersimaffigikkit eqqarsaatigiullu tamanna qanoq akisinnaanerlugu, pitsaasumillu assersuusiorit oqaluuserisavit pingaartortaa pulaakkannut paasiuminarneruleqqullugu. Naggataatigut neqeroorutiginiakkavit immikkoortortaanik tikkuussilluarsinnaasumik nassaarit.
4 Jesusip maligassiaa maliguk: Jesusip kinguneqarluartumik Allakkanit tunngavilersueriaasia maligassaalluarpoq pitsaalluinnartoq. Qanoq iliorsimanera missisorlugu Lúkarse 10:25-37-mi allassimasoq atuariassagit. Periaasia malugiuk: (1) Inuit apeqqutaat akiniarlugit Biibili innersuussutigiuk. (2) Oqaaseqartikkit, akilluarnerannillu nersualaakkit. (3) Apeqqutip allassimaffiullu ataqatigiinnerat ersersiguk. (4) Akissutip tunngavia paasilluarsimaneraat qulakkeerniarlugu paasiuminartumik assersuusiorfigikkit. — Takuuk Vagttårnet 1. marts 1986-meersoq, qup. 27-28, imm. 8-10.
5 Atortuutigut atukkit: Atuagaq Lad os ræsonnere ud fra Skrifterne oqaluussinermut atugassaavoq. Aallarniutinut akerliliinernullu akissutissatut siunnersuutit, aammalu immikkoortut tunngalersuutigineqarsinnaasut tamarmik inunnut tunngavilersuillaqqinnerulernissatsinnut ikiussavaatigut. ’Ræsonnerebogi’ atortussaalluarpoq oqaluussitilluta nassartuartariaqagarput. Biibililu tunngavigalugu oqaloqatigiinnermi atorluarnissaanut tunuarsimaartariaqarnata. Atuakkami quppernermi 7-imi 8-milu imai uteqqikkit, qanorlu pitsaanerpaamik atorneqarsinnaasut eqqarsaatigalugit.
6 Tunngavilersuisinnaanermut pisinnaasatit ineriartortikkukkit, oqaluussinermut ajoqersuinermullu pikkorinnerulissaatit. Tamanna ilinnut oqaluussiffigisannullu pilluaqqusaanermik kinguneqassaaq.