Ajunnginnerusoq pillugu nutaarsiassaq nuannersoq tusarliupparput
1 Ukiuni 117-ini Napasuliaq Alapernaarsuiffik sallusuissummik Biibilimeersumik illersuisutut atorsimavoq. Ullumikkut atuagassiap tamatuma normui 18.950.000-inngorlugit oqaatsinut 125-nut naqiterneqartarput. Aammattaaq Iteritsi! ukiorpassuarni Guutip oqaasianik illersuisuusimavoq, ullumikkullu 15.730.000-inngorlugu oqaatsinut 80-inut naqiterneqartarpoq. — Naleqqiuguk Kulorsamiunut agdlagkat 1:23.
2 Atuagassiat anersaakkut pisariaqartitanik matussutissiipput: Inuit millionilikkuutaat Napasuliaq Alapernaarsuiffik aamma Iteritsi! aqqutigalugit anersaakkut pisariaqartitatik matussutississimavaat, atuagassiat taakkua uppernikkut nakussatsinnartunik imaqartarmata. Vagttårnet-mi 1. februaari 1996-imoortumi Jehovamut taassumalu oqaasianut tatiginninnissap pisariaqassusiannut tunngasut sammivavut. Napasuliaq Alapernaarsuiffik-mi 1. marsi 1996-imoortumi Jehovamut kiffartornitsinni ulapputeqartuarnissatsinnik taassumunngalu utaqqiuarnissatsinnik kajmissaarneqarpugut. Zefaniasip siulittuutaa pillugu sukumiisumik allaatigisaq kajumissinaqaaq. Aamma Napasuliaq Alapernaarsuiffik-mi 1. apriili 1996-imoortumi kristumiut ilumoorfiginninnerat pillugu allaatigisat uppernikkut nakussatsinnaqaat. 1. juuni 1996-imoortumi aalajangersimasumik Biibilimik atuartarnerup atuaqqissaartarnerullu naleqassusiat erseqqissarneqarpoq. Ilanngutassiat tamakkua tamarmik Guutip oqaasianik paasinninnerulersippaatigut taassumalu naalagaaffianik innersuulluta.
3 Aammattaaq Guutimik mianerinnippaluttumik pissuseqarnissaq, kristumiutut ileqqussatigut najoqqutassat allallu pingaarluinnartut pillugit atuagassiani pitsaasunik siunnersuuteqartarpoq. Sammineqartartut inuunitsinnut annertuumik attuumassuteqarput. Tamatuma kinguneraa Guutip suli ajunnginnerusumik neriorsuutaasa piviusunngornissaannut utaqqitilluta inuunitta pitsaanerulernera. — Jes. 48:17; 1 Tim. 6:19.
4 Iteritsi!-p normuini tamani quppernermi 4-mi allassimasut inunnik tamanik, inuusuttunik utoqqarnillu, atuagassiap tamatuma atuarnissaanik kajumissaarinissatsinnut pitsaasunik pissutissippaatigut. Ima allassimavoq: „Iteritsi! atuagassiaavoq ilaqutariinnut tamanut paasissutissiilluartoq. Ulluinnarni ajornartorsiutit qanoq aaqqinneqarsinnaanerat sammisarpaa. Nutaarsiassanik saqqummiisarpoq, inuiaat nunani assigiinngitsorpassuarniittut oqaluttuarisarpai, kiisalu upperisarsiorneq ilisimatuussuserlu qanimut sammisarlugit. Tamakkuinnaanngillalli. Ullutsinni pisartut tunuliaqutaat aamma sammisarpai isumaviallu tikkuartarlugit, politikkikkulli arlaannaannilluunniit tapersersugaqanngilaq inuillu qalipaataasigut inuiaqatigiinniluunniit inissisimaffiisigut immikkoortinniartarnagit. Tamanilli pingaarnerpaamik: Qanittukkut silarsuarmik nutaamik toqqissisimanartumik eqqissineqarfiusumillu pilersitsinissamik Pinngortitsisup neriorsuutaanut neriulluarnissamut tunngavissiivoq.“
5 Atuagassiat allanut agguaatikkit: Atuagassiat Napasuliaq Alapernaarsuiffik aamma Iteritsi! sipaarnagit allanut agguaattakkit. (Naleqqiuguk Timûtiusimut agdlagkat sujugdlît 6:18.) Atuagassianik nassataqartuaannarit, naapitannut tamanut neqeroorutigisinnaajumallugit. (Nal. oq. 11:6) Kikkut tamarmik, aamma inuusuttut oqaluussisartunngorlaallu, qaammammi matumani atuagassianik agguaassinermut tamakkiisumik peqataasariaqarput. Atuagassiani nutaani sammineqartut aallaavigalugit atuagassiat naatsumik oqaaseqarluta neqeroorutigisarsinnaavavut. Atuagassiat imarisaat iserfigilluartakkit, neqeroorutiginerannilu unneqqarissumik qularpasinngitsumillu oqaaseqartarit.
6 Paasissutissat Napasuliaq Alapernaarsuiffik-up Iteritsi!-llu imarisaat kikkut tamarmik pisariaqartippaat. Atuagassianik agguaassisarneq ajunnginnerusumik takkuttoqangajalernera pillugu nutaarsiassamik nuannersumik allanik aveqatiginneriaatsit pitsaanerpaat ilagaat.