Atuagassianik siaruarteriffiusimasumi soqutiginninneq malittariuk
1 Jesusip ajoqersukkani namminneq ajoqersuganngortitsiortornissaannik kajumissaarsimavai. (Mat. 28:19) Atuagassianik agguaassineq naammanngilaq; inuit anersaakkut ineriartornissaannik ikiornissaat kissaatigaarput. Ikiussagutsigik orneqqittariaqarpavut.
2 Kingullermik atuagassiani aalajangersimasumik innersuussuteqarsimaguit tamanna sammeqqissinnaavat:
◼ „Kingullermik atuagassiamik silarsuarmut pitsaanerusumut tunngasumik imalimmik pivutit. Immaqa ilanngutassiami siullermi soqutiginartoq malugisimavat. Ima allassimagami: ’Silarsuaq maannakkut atuuttoq, tassa silarsuarput, pitsaanerpaajunngilaq. ... Ajornartorsiuterpaassuit naaffeqanngitsut ipput.’ Taamatut itsillugu siunissamut isumalluarnissaq ajornakusoortarpoq, ilaa? [pulaakkat akili.] Taamaattumik aamma allassimaffik siunissap qanoq ittuunissaanik takutitsisoq takutilaarusuppara, tassa Mika 4:3, 4.“ Allassimaffik atuareerukku oqaloqatigiissutigissavarsi aperalugulu neriorsuut tamanna isumaqarfigineraa. Ajunngitsumik qisuariarpat atuagassiaaraq ’Ata! Suut tamaasa nutaanngortippakka’ tigusinnaavat, saqqaa takutillugu taavalu immikkoortoq siulleq allassimaffiillu oqaloqatigiissutigisinnaavasi. Takutiguk Mika 4:3, 4 tassa taaneqarsimammat. Isumaqatigiuk tulliani immiikkoortoq 2 sammiumaarissi.
3 Pulaakkat soqutiginnippallaanngippat imaluunniit piffissaqanngippat neqeroorutigiinnarsinnaavat atuagassianik tulliani pajukkumaarlugu:
◼ „Kingullermik atuagassianik tunigakkit nuannaarutiginnguatsiarakkit nutaat piumassasoralugit aggiuppakka. Isumaqarpunga ilanngutassiaq una soqutigissagit.“ Ilanngutassiamik soqutigissagunagaanik erseqqissaaffeqarit. Atuagassianik nutaanik pajuttarnissaanik neqeroorfigiuk.
4 Pulaakkavit atuagassiat atuarsimappagit pingaartitserpasippallu immaqa pisartagaqalernissaanik neqeroorfigisinnaavat:
◼ „Nuannaarutigaara Napasuliaq Alapernaarsuiffik atuassallugu nuannarigakku. Piumaguit atuagassiat allakkersiarfikkut ilinnut nassiutsittalersinnaagaluarpakka, mormui tamaasa pisarniassagakkit.“ Atuagassiat arlaat tamaasaluunniit pisartagarilerusuppagit ima oqarsinnaavutit: „Atuagassiat akeqanngillat, allakkerisarfikkulli pisartagarilerumagukkit ukiumut ataatsimut nassiunnerat 30 koruuneqarpoq.“ Atuagassianik pisartagaqalerumanngippat ima oqarsinnaavutit: „Atuagassiat nutaat maani najugaqartunut aalajangersimasumik agguaattarpakka. Piumaguit aamma illit pajuttarsinnaavakkit.“
5 Atuagassianik siaruarteriffigineqarsimasumi soqutiginninnermik malittarinninnissatsinnut periarfissarpassuaqarpugut. Atuagassiani atugassanni soqutiginartut maluginiartakkit. Taamaalillutit inuit Jesusip peqqussutaanik ilinniarnerunissaannut kajumissaarsinnaavatit. — Mat. 28:20. (kmD 4/94 Følg interessen op hvor der er spredt blade)