Silarsuarmi atuagassiat pitsaanersaat neqeroorutigikkit
1 Napasuliaq Alapernaarsuiffik-p siunertaa tassa „Jehova Guuti qilammi nunamilu kisimi tamanut naalagaasutut nersussallugu“. Iteritsi!-p siunertaraa ’ilaqutariinnut tamanut paasissutissiilluartuunissani....Silarsuarmik nutaamik toqqissisimanartumik eqqissineqarfiusumillu pilersitsinissamik Pinngortitsisup neriorsuutaanut neriulluarnissamut tunngavissiivoq’. Issuakkat atuagassianit taakkunaneersuupput.
2 Apriilimi maajimilu oqaluussinitsinni atuagassiat pingaaruteqassapput. Pitsaasunik angusaqarumagutta atuagassiat imarisaat ilisimalluartariaqarpavut. Normui tamaasa atuartakkit neqeroorutiginerannilu atorsinnaasannik maluginiagaqartarit.
3 Atuagassiat pitsaanerpaamik neqeroorutigisinnaajumallugit saqqummiusseriaatsinik sungiusarnissaq pisariaqarpoq. Apriilimi suliniarnissarsuarmut atatillugu gruppini atuaqqissaarnermut aqutsisut gruppimiittunik sungiusarnermut peqataanissamut neqerooruteqarsinnaapput. Gruppit katersuunnerini, immaqalu atuakkamik atuaqqissaarnermi, oqaluussisartut ilaat takutitsisinnaapput qanoq sungiusaqatigiittoqarsinnaasoq, saqqummiusseriaatsillu arlaleriarluni sungiusarneqartassapput. Gruppimiittut tamarmik saqqummiusseriaatsit ilinniarsinnaavaat. Erseqqissaatigineqassaarli alanngaarlugit uteqattaagassat pineqanngimmata.
4 „Napasuliaq Alapernaarsuiffik“ 1. apriilimoortoq: Inuit amerlanersaasa silarsuaq nuannaarunnaarsitsisartunik ajornartorsiorfiunngitsoq kipisagaat. Atuagassiap qanoq ililluni neqeroorutigineqarsinnaaneranik siunnersuutit assigiinngitsut aaku. Nammineq naleqqussarsinnaavatit.
Inussiarnersumik qungujullutit ima oqareeruit: „Aluu, . . .-mik ateqarpunga . . . Akornusersulaarsinnaavakkit?“ ima oqarsinnaavutit:
◼ „Ukiuni kingullerni marlussunni ’silarsuarmik aaqqissuussaq nutaaq’ assut oqallisaallunilu allaaserineqartarsimavoq, illilli isumaqarpit silarsuaq pitsaanerusoq atuutilerumaartoq, imaluunniit takorluuinerinnaanerluni? [Pulaakkat akili.] Napasuliaq Alapernaarsuiffik-p normuani nutaami apeqqut tamanna sammineqarpoq. Allaaserisat soqutiginartut atuarusukkukkit atuagassiaq pisinnaavat. Qularnanngitsumik tupaallaatigissavat.“
◼ „Tamatta arlaannik takorluugaqarpugut. Silarsuarli pitsaanerusoq tamatta takorluugarinnginnerparput? [Pulaakkat akinissaanut piffissaleruk.] Apeqqutaavoq takorluuinerinnaajuassanersoq, imaluunniit silarsuaq pitsaanerusoq qaquguluunniit piviusunngorsinnaanersoq. . . . Vaggtårnet-ip normuani pissanganartumi uani tamatumunnga akissutitut upperisara saqqummiunneqarpoq, atuarusukkukku pisinnaavat.“
◼ „Siunissaq nuannersoq pillugu inuit oqaloqatigaakka. Inuppassuit maqaasigisaqarput silarsuarmik pitsaanerusumik, silarsuarmik sorsuffiunanilu, kaaffiunanilu nappaateqanngiffiusumik. Illit aamma ilaannikkut tamanna maqaasisanngiliuk? . . . Apeqqutaalerporli silarsuaq pitsaanerusoq takorluuinerinnaannginnersoq. [Saqqaa takutiguk.] Uagut taama isumaqanngilagut. Atuagassiaq atuarusukkukku pisinnaavat, tassanilu paasisinnaavat sooq taama isumaqanngitsugut.“
◼ „Inuit silarsuarmik pitsaanerusumik takorluugallit ujarpakka! . . . Inuppassuit isumaqarput tamanna takorluuinerinnaasoq, atuagassiamili uani apeqqut soqutiginartoq malugeriassagit. [Saqqaani qulequtaq takutiguk quppernermilu 3-mi immikkoortoq kingulleq atuarlugu.] Ilanngutassiani apeqqut akineqarpoq, atuarusukkukkillu atuagassiaq pisinnaavat.“
◼ „Aperilaarlakkit? . . . Silarsuaq sorsuffiunanilu mingutsitsiffiunngitsoq takorloornikuuviuk? [Immaqa aamma tamaani ajornartorsiutaasumik taasaqarsinnaavutit.] Atuagassiaateqarpunga, tassani takutinneqarpoq takorluugaq tamanna ullut arlaanni piviusunngorumaartoq. Atuarusukkukku pisinnaavat. Takanna.“
5 „Napasuliaq Alapernaarsuiffik“ 1. maajimoortoq: Ilanngutassiami quppernermi 4-miittumi apeqqutigineqarpoq „Kia tutsuviginartumik unnersuussinnaavatigut?“
Inussiarnersumik oqareeruit: „Aluu, . . .-mik ateqarpunga . . .-milu najugaqarlunga,“ ima oqarsinnaavutit:
◼ „Tusagassiuutitigut silarsuarmi naalliunnartut ajornartorsiutillu eqqartorneqartuartarput, illilli isumaqanngilatit ajornartorsiutinut aaqqiissutissamik pisariaqartitsisugut? [Pulaakkat akili.] Eqqarsaatigisarsimavara pissutaasoq tassaannginnersoq ikiortissamik unnersuunneqarnissamillu kukkusumut ujaasisarnerput. Napasuliaq Alapernaarsuiffik-ip normuani uani taamaannerarneqarpoq. Atuagassiaq piniaruk isummallu saqqummiussai nammineq eqqarsaatigalugit.“
6 Atuagassiaativut silarsuarmi pitsaanersaasut angorniuuutigigutsigik inunnut allanut siaruarteruminartinnerussavavut, Naalagaaffimmik neriuummik pigisaqalersinnaaqqullugit Jehovamillu kisimi Naalagaasutut qutsissisitseqataalersinnaaqqullugit. — Tuss. 83:19. (kmD 4/94 Tilbyd verdens bedste blade)