Guutip eqqartuussiffia aallartereerpoq
„Guuti mianerisiuk taannalu naalannartissiuk, eqqartuussiffia aallartereermat.“ — SARKÚMERSITAT 14:7, NV.
1. sarĸúmersitat kapitalii siulliit sunik imaqarpat?
SARK’ÚMERSITAT imaraat siulittuutit pissanganartut uagut nalitsinni eqquuttartut. Ilaat ilanngutassiap matuma siuliani sammivavut, ilaatigut naqissutit assersuutaasut arfinillit mapperneqarnerannut atatillugit siulittuutit. Naqissutit mapperneqarsimasut tamakkua ersersippaat hestersut sisamat saqqummersitani eqqartorneqartut ullutsinni kingulliusuni hesternerat atugarliungaartitsisoq. (2 Timûtiuse 3:1; sarĸúmersitat 6:1-8) Aammalu qilammi Kristusip naalakkersueqatissai kiisalu ’amerlangaartut’ ’annikilliornartumi angisuumi’ annakkumaartussat nunamilu naassaanngitsumik inuujumaartussat eqqartorneqarput. Naqissutit arfiniliusut mapperneqarneranni Guutip eqqartuussutaata naammassineqarnissaanut „piffissaq aalajangersagaq qaneqi“soq erseqqissumik takutinneqarpoq. — sarĸúmersitat 1:3, NV; 7:4, 9-17.
2. Qarlortaatit arfineq-marluk assersuutaasut sarĸúmersitat kapitali 8-mi eqqartorneqartut qanoq atorneqartussaappat?
2 Sulili aamma allamik naqissuteqarpoq, arfineq-aappaannik. Naqissutit nunngutaata ammarneqarnerani suut saqqummersinneqarumaartut sarĸúmersitat 8:2-mi oqaluttuarineqarput. ’Inngilillu taakku arfineq-marluk Guutip saani qeqartut takuakka; taakkulu qarlortaassuarnik arfineq-marlunnik tunineqarput.’ Saqq 8 Versi 6-imi nangippoq: ’Inngilillu taakku arfineq-marluk qarlortaassuarnik arfineq-marlunnik pillit qarlortassallutik piginnaanngorsarput.’ Bibelip pilerfiata nalaani pisussat pingaaruteqartut qarlortarluni kalerrisaarutigineqartarput. Tamatumunnga assingusumik qarlortariarnerit arfineq-marluusut nalitsinni pissutsit inuunissatsinnut aalajangiisuusut eqqaasitsissutigaat. Inngilillu qarlortartillugit, Nalunaajaasut inuusut nunamiittut tusarliussat pingaaruteqartut qarlortariarnerni tamani tutsiuttartut tusarliussinermikkut ingerlateqqittarpaat.
Qarlortariarnerit qanoq isumaqarneri
3. Qarlortariarnerit arfineq-marluk qanoq paasisariaqarpat?
3 Qarlortariarnerit tamakkua perlunnik Jehovap Ægyptenitoqqamut nalliutissimasaanik eqqaasippaatsigut. Perluit tamakku silarsuarmi naalagaaffissuit siullersaannut tamatumunnga tamatumalu eqqunngitsumik upperisarsiorneranut Jehovap eqqartuussutaanut takussutaapput, aammattaarli Guutip innuttaasa aniguinissaannut aqqutissiuisuupput. sarĸúmersitat-ni qarlortariarnerit ullumikkut Satanip silarsuaanut tamarmut taassumalu eqqunngitsumik upperisarsiornerinut naalliuutaapput — eqqortumilli oqaatigalugu naalliuutiviunatik, tassaallutilli Jehovap eqqartuussutaanik ikumasutut ittunik tusarliussat naalliunnartutut ittut. Aammattaaq tusarliussat tamakku Guutip innuttaasa kiffaanngissuseqalernissaannut aqqutissiuisuupput.
4. Qarlortariarnerit arfineq-marluk ullutsinni qanoq eqquussimappat?
4 Qarlortariarnernut arfineq-marluusunut naleqquttumik 1922-miit 1928 tikillugu Jehovap innuttaasa ukiumoortumik ataatsimeersuarnerini aalajangersakkat uissuumminaqisunik imallit aalajangerneqartarput. Millionerparujussuanngorlugit agguaanneqarsimapput. Ukiulli tamakkuinnaanngitsut ingerlaneranni qarlortarnernik tutsiuttoqartarpoq. Ullut kingulliit ingerlaneranni tusarliussat kiagummernartut tusarliunneqartuarput. Ullumikkullu tusarliunneqarneri aatsaat taama sakkortutigaat, inuit arlalinnik millionillit ’amerlangaartunut’ ilaasut tanitarpaalunnguanut, sorsunnersuup siulliup pereernerani oqaluusseqqaarsimasunut, ilanngussimammata. (sarĸúmersitat 7:9) Ukiut tamaasa inuit millionillit amerliartuinnartut nakussakkaluttuinnartullu Satanip silarsuaata aserortussanngortitaasimanera oqaluussissutigisarpaat.
5. Silarsuup ’aggornerisa pingajuat’ siulliulluni eqqartuunneqartoq sunaava, sunalu tamatumunnga pissutaava?
5 sarĸúmersitat 8:6-12-imi qarlortariarnerit sisamat siulliit tutsiupput. Nataqqornat, inneq aallu iginneqarput, tamatumalu kinguneraa silarsuup ’aggornerisa pingajuata’ atugarliortitaanera. Sooq silarsuup ’aggornerisa pingajuat’ siulliulluni Guutip iluarinninngitsumik eqqartuussineranit nalaanneqarpa? Imaakkami: Naak Satanip aaqqissuussaa tamarmi Guutip isaani pillarneqartussaagaluartoq, taamaattoq immikkoortuisa ilaat ataaseq immikkut ittumik pillarneqartussaavoq. Immikkoortoq sorleq? Immikkoortoq Kristusip aqqanik imminut taasoq — kristumiuuneraqatigiit. Sorsunnersuup siulliup kingornagut Guutip eqqartuussutaanik tusarliussat taakkununnga tusarliunneqartalermata, taamanikkut inuiaat aggornerisa pingajui kristumiuuneraqatigiinnut ilaasortaapput.
6. Suna pissutigalugu Jehovap kristumiuuneraqatigiit aserorneqarnissaat ilaginnassavaa?
6 Kristumiussutsimit piviusumit tunussinerup ukiuni 1900-ni atuuttup Jesusip ajoqersugaasalu siulittuutigisimasaata kristumiuuneraqatigiit upperisarsiorneri inerititaraa. (Matîuse 13:24-30; apustilit suliait 20:29, 30) Kristumiuuneraqatigiit ilagiissaanni kiffartuutillit kristumiut ajoqersuutaannik saqqummiussinerartarput, ajoqersuutaalli Bibelimi ajoqersuutaasunit ilumoortunit allaanerulluinnarput, ileqqorlunnermikkullu Guutip aqqa tusagaanerlutsittuarpaat. Sorsunnernik ukiut 2000-issaanni pisimasunik tapersersuinermikkut aammik kuiseqataasimanertik pissutigalugu pillarneqartariaqarnerat qulaarneqarsimavoq. Kristumiuuneraqatigiit Satanip pissutsinik aaqqissuussineranut tamakkiisumik ilaapput. Taamaattumik tusarliussat sukannersut naalliunnartullu Jehovameersut kristumiuuneraqatigiinnut torartinneqarput, tusarliussallu tamakkua ersersippaat Guutimit iluarisaanissamut pissutissaqanngivissut. Kristumiuuneraqatigiit illuat aserorneqarnissaanut Jehovap ilaginnaannarpaa, soorlu ukiuni hundredelinni siullerni juutiussutsip illua aserorneqarnissaanut ilaginnaannarsimagini! — Matîuse 23:38.
Silarsuarmi tamarmi oqaluussisinnaanissaminnut uummartinneqartut
7, 8. (a) sarĸúmersitat kapitali 9-mi qarlortariarnerit tallimaata tutsiunneratigut suna takussaava? (b) Pillertat kikkunnut assersuutaappat?
7 sarĸúmersitat 9:1-imi inngilit tallimaat qarlortarpoq, ulloriarlu nunamut pisimasoq takussaavoq. Ullorissap taassuma matuersaat tigumiarpaa. Taanna atorlugu itinersuaq pillertat ujamerissat parnaarussaaffigisimasaat mapperpaa. Ulloriaq tassaavoq Jehovap kunnginngortitaa qilammi ivertitaaqqammersoq, Jesus Kristus. Pillertat tassaapput Guutip kiffai malersorneqartut pisortaallu 1918-imi parnaarunneqarmata nungunneqarsimasutut issimagaluartut. Kristusilli, maanna qilammi kunngitut piginnaassuseqartitaalluni, aniguisippai silarsuarmi tamarmi inunnut tamanut oqaluussinerminnik aallartitseqqissinnaaqqullugit. Tamanna palaseqatigiinnut uippalliutaaqaaq, tassami oqaluussinerat taakkua toqunniarsarigaluarsimagamikku. — Matîuse 24:14.
8 sarĸúmersitat 9:7-imi pillertat ima allaatigineqarput: ’Pillertaasallu qimuttuarsuit [hestit] sorsunnermut piginnaanngorsagaasut assigaat, niaqormiugaallu niaqorutillusooq kuultisut ittut, kiinaallu soorlu inuit kiinaat.’ Saqq 9 Versi 10 ima nangippoq: ’Pamiuusaqarpullu sukorpiuunit piisa assinginik iguuteqarlutillu.’ Pillertat taakku assersuutaalluarput Naalagaaffimmik kingornussisussanut sinneruttunut uummaqqissitaasunut 1919-imiillu anersaakkut sorsunnermik kingumut ilungersuutiginnilersimasunut. Guutip tusarliuteqqusai eqqartuussutaasut kapinartut qasilitsullu, ingammik kristumiuuneraqatigiinnut ajortunngorsimasunut sammisut, pissatsissimallutik tusarliuttalerpaat.
9, 10. (a) Qarlortariarnerit arfernata tutsiunneratigut suut pippat? (b) Hestinut nukittuunut tuusintilippassuarnut kikkut ilaappat?
9 Taava inngilit arfernat qarlortarpoq. (sarĸúmersitat 9:13) Tamanna hestersorparujussuit sassartinneqarnerannik kinguneqarpoq. Versit 16-ianni allassimavoq amerlassusiat tassaasoq ’qulinik tuusintillit qulinik tuusintileriakkat marloriarlugit’, tassa 200 millionit! Saqq 9 Versillu 17-ianni Saqq 9 versi 19-iannilu ima allaatigineqarput: ’Qimuttuarsuit [hestit] niaqui liivit niaquisut ipput; qarninillu inneq pujorlu ikuallassaallu aniapput. Pamiuisa pulateriaarsuit assigaat.’ Hestersorparujussuit taakku kunngi, Kristus Jesus, siulersortigalugu sukkaqalutik aggiapput. Takusap ila amiilaarnassusia!
10 Hestit nukittuut taakku sumut assersuutaappat? Millionilippassuugamik, tanitaasunut sinneruttunut, maannakkut nunamiittunut 8800-t missaannaanniittunut assersuutaanavianngillat. ’Qulinik tuusintillit qulinik tuusintileriakkat marloriarlugit’ taakkua ’amerlangaartut’ sarĸúmersitat kapitali 7-imi eqqartorneqartut, nunami inuunermik naassaanngitsumik neriugisaqartut, ilagisimassavaat. Kisitsit ’qulinik tuusintillit’ Bibelimi atorneqaraangat amerlasoorujussuit erseqqinnerusumik amerlassusiligaanngitsut pineqartarput. Taava hestit assersuutaasut tassaaginnarnavianngillat kristumiut tanitaasut ikiliartuinnartut, aammattaarli ’amerlangaartut’ amerliartuinnartut millionilinnik amerlassusillit, pissaallutik nakuullutillu inuit tamaasa tutsaanni suliaq, tanitaasut sinneruttut pillertatut ittut aallartissimasaat, ingerlateqqippaat. — Juánase 10:16.
11. Qanoq paasisariaqarpa ’qimuttuarsuit qanermikkut piginnaassuseqarmata’, qanorlu ilillutik ’pamiutik atorlugit ajoqusiisarpat’?
11 sarĸúmersitat 9:19-imi ima atuarpugut: ’Qimuttuarsuit qanermikkut piginnaassuseqarput,’ aammalu ’pamiutik atorlugit ajoqusiisarput’. Qanoq ilillutik qanermikkut piginnaassuseqarpat? Aap, ukiut arlalinnik qulillit ingerlaneranni Guutip kiffaasa Teokratiimik Ilinniarfik ataatsimiinnerillu allat iluaqutigalugit Guutip tusarliuteqqusaanik eqqartuussutaasunik oqartussaatitaasutut oqalunnikkut tusarliineq ilinniartarsimavaat. Qanorlu ilillutik pamiutik atorlugit ajoqusiisarpat? Naqitikkanik milliardilikkuutaanik silarsuarmi tamarmi agguaassisimanermikkut tamakkunuunatigullu tusarliussanik kapinartunik qasilitsunillu qimatsisarsimanermikkut. Assortuisimik isaanni hestersorparujussuit taakku ’qulinik tuusintillit qulinik tuusintileriakkat marloriarlugit’ amerlassuseqarsorinarput.
12. Pillertat hestillu assersuutaasut qanoq iliortuartariaqarpat, tamannalu qanoq kinguneqartarpa?
12 Guutip ullua akiniaaffik qanilliartortillugu pillertat hestillu assersuutaasut tusarliussat tamakku nipittoraluttuinnartumik erseqqinnerujartortumillu tusarliuttariaqarpaat. Tusarliussat tamakku inunnut assuarnaatsunut tassaapput nunami tamarmi tusagassat tusarnernerpaartaat. Satanilli silarsuaanik piumanerusut siutaanni tusagassaapput nuanniitsut, tassami taakkua silarsuaata ungasinngitsukkut suujunnaarsinneqarnissaanik tusarliussaapput.
13. ’Eqqanaarnartut pingajuanni’ qarlortariarnerit arfineq-aappaannut atasuni suna pineqarpa, aamma ’eqqanaarnartuunera’ qanoq paasisariaqarpa?
13 Pillertat atugarliortitsisut assersuutaasut hesterpassuillu assersuutaasut tassaapput ’eqqanaarnartut’ Guutimit aalajangersagaasut pingasut siulliat aappaallu. (sarĸúmersitat 9:12; 11:14) ’Eqqanaarnartut pingajuat’ sunaava? sarĸúmersitat 10:7-imi ima oqaluttuunneqarpugut: „Ulluni inngilit arfineq-aappaata nipeqarfissaani, . . . tusagassaq nuannersoq kiffaminut pruffiitinut nalunaarutigisimasaa naapertorlugu anngigisaq illernartoq Guutip pia naammassineqarsimassaaq.“ (NV) Anngigisaq illernartumi pineqartoq tassaavoq ’kinguaassaq’ Edenimi neriorsuutigineqaqqaarsimasoq. (1 Môrsase 3:15) ’Kinguaassap’ taassuma pingaarnersaa tassaavoq Jesus, aammattaarli tassaavoq taassuma tanitaqatai qilammi naalagaaqatigisassai. Taamaammat anngigisaq illernartumi Guutip naalagaaffia qilammiusoq pineqarpoq. Naalagaaffiup tamatuma ’eqqanaarnartut’ Guutimit aalajangersagaasut pingajuat nalliutitissavaa, tamatumuunami Satanip silarsuaanut Guutip eqqartuussutai inaarutaasumik naammassineqarumaarput.
Naalagaaffik pilersinneqartoq
14. sarĸúmersitat 11:15-imi eqqartorneqartutut qarlortariarnerit arfineq-aappaata tutsiunneratigut suna tusarliunneqarpa?
14 Maannali piffissanngorsimavoq! sarĸúmersitat 11:15-imi ima allassimavoq: ’Inngilillu arfineq-aappaat qarlortarmat nipit angingaartut qilammi tusarsaalerput oqartut: „Silamiut naalagaaffiat Naalakkatta [Jehovap] tanitaatalu [Kristusip] pigilerpaat, taannalu kunngiussaaq naassaanngilluinnartumik.“’ Aap, tusarliunneqarpoq Guutip Kristusikkut naalagaaffia ukiumi 1914-imi qilammi pilersinneqarsimasoq. Sorsunnersuup siulliup kingornagut sinneruttut uummarteqqinneqarlutik tusarliussaq tamanna sallinngortippaat.
15. 1922-mi pisimasup suup Naalagaaffimmik oqaluussissutiginninnerup sakkortusinera aallartippaa?
15 1922-mi Cedar Pointimi, USA-mi Ohiomiittumi, Jehovap kiffaasa ataatsimeersuarnerannut najuuttut tuusintilikkuutaat nalunaarut pissanganartoq una tusarpaat: „Piffissap pingaarnersaani inuuvugut. Takuarsi, Kunngersi naalakkersuivoq! Taassuma ilissi oqariartortoraasi. Taamaattumik Kunngi naalagaaffialu tusarliuttarsigik, tusarliuttarsigik, tusarliuttarsigik.“ Tamatuma aallartippaa inunnut tamanut Naalagaaffimmik, aammattaaq eqqartuussutinik inngilit qarlortartut arfineq-marluusut tusarliussaannik, oqaluussissutiginninneq annertooq. Ullumikkut Jehovap kiffai millionit sisamassaata affaata missaanik amerlassuseqartut silarsuarmi tamarmi ilagiinni 57.000-init amerlanerusuniittut nunarsuaq tamakkerlugu Naalagaaffimmik oqaluussissutiginneqataapput. Hestersorparujussuit ila amerlassusii!
16. sarĸúmersitat kapitali 12-imi qarloriartarnerit arfineq-aappaata tutsiunneratigut qilammi nunamilu pisut suut saqqummersinneqarpat?
16 Inngililli arfineq-aappaat aamma saqqummiussassaqarpoq. sarĸúmersitat 12:7-imi oqaluttuarineqarpoq ’qilammi sorsuuttoqalersoq’. Sorsunnerup kunngi Kristusip aallarnigaata inernera Saqq 12 versi 9-mi ilisimatitsissutigineqarpoq: ’Igitaavorlu kuukkooriaasarsuaq angisooq, pulateriaarsutoqaq Diaavulumik Satanimillu taaneqartoq, inuit najugaanni nunalinnik tamanik tammartitsiniartoq; nunamut igitaavoq, inngiliilu taassumunnga ilanngullugit igitaapput.’ Saqq 12 Versi 12-imi nangippoq: ’Tamanna pillugu qilaat taakkunanilu ineqartusi ukorsii, tipaatsugitsi.’ Aap, Satanip qilammi sunniinera peerneqarpoq, taamaattumillu inngilit aalajaatsut akornanni tipaatsungaarnissamut pissutissaqarpoq. Inunnulli sumik kinguneqarpa? Versimi tassani nangippoq: ’Eqqanaq nuna imarlu, Diaavulu ilissinnut aqqarmat kamattorsuulluni, piffissakissutsi nalunnginnamiuk.’
17. sarĸúmersitat kapitali 13-imi silarsuarmi politikkikkut naalakkersuinermik ingerlatsinerit nersummut assersuunneqarnerat sooq naleqqulluartuua?
17 sarĸúmersitat 12:3-mi Satan ima allaatigineqarpoq: ’Kuukkooriaasarsuaq angisooq arfineq-marlunnik niaqulik qulinillu nassulik,’ aseruisoq nersuterujussuartut nujuartutut ittoq. Tamatuma takutippaa taannaasoq naalakkersuinermik ’nersummut’ assersuunneqartumik, kapitali 13-imi, versinilu siullerni marlunni, oqaluttuarineqartumik isumassarsisimasoq. Nersut taanna aamma arfineq-marlunnik niaqoqarpoq qulinillu nassoqarluni, Satanimut assingulluni. Saqq 13 Versi 2-mi ima allassimavoq: ’Kuukkooriaasarsuup [Satanip] pissaanini issiavissaarsuanilu piginnaanersuarlu nersummut tunniuppai.’ Politikkikkut naalakkersuinermik ingerlatsinerit nersummut assersuunneqarnerat naleqqulluartuuvoq, tassami ukiut 2000-issaannaanni maanna atuuttuni inuit hundredelinnik millionilinnit amerlanerusut inuiaat sorsuunnerini toqutaasimapput.
18. Nersut marlunnik nassulik sarĸúmersitat 13:11-mi eqqartorneqartoq sumut assersuutaava, aamma iliuutsini qanoq kinaassusersineqaatigai?
18 Tulliullugu sarĸúmersitat kapitali 13-imi takuneqarpoq, soorlu Saqq 13 versi 11-mi allassimasoqartoq, ’nersut alla nunamit qaqisoq, savaaqqatullu marlunnik nassoqarpoq, kuukkooriaasarsuartullu oqaluppoq’. Nersut marlunnik nassulik taanna tassaavoq tuluit Amerikamiullu naalakkersuinikkut iligiinnerat. Savaaqqatut ippoq saamasuusaarnini qanilaartuusaarninilu, aammalu qaammarsagaanerpaasumik naalakkersueriaaseqartuusaarnini pissutigalugu. Kuukkooriaasarsuartulli, Satanitut, oqaluttarpoq, ’nersummillu’ taaneqarluni nersutitut periaaseqarluni naalakkersuinikkut pissaanini atortaramiuk. Nunani naalakkersueriaatsimi akuerineqanngiffigisaani naqisimanninneq sioorasaarinerillu allaallu nakuuserneq periaaserisarpai. Guutip naalagaaffianut naalatsigiteqqullugit inuit kajumissaarneq ajorpai, akerlianilli Satanip silarsuaa kiffartorfigeqqullugu. Tamanna pillugu versi 14-imi allassimavoq: ’Nunami ineqartut tammartittarpai.’
19, 20. (a) Jehovap kiffaasa assuarnaatsuunerat sumut takussutaava? (b) Qanoq nalunngissinnaavarput tanitanut sinneruttut qularutissaanngivissumik Satanip silarsuaanut ajugaajumaartut?
19 Kristumiunut ilumoortunut silap matuma inuinik ilaqaqqusinani Jesusip peqqussutaanik maleruaasut silamit matumannga Satanimit oqartussaaffigineqartumit erloqisinneqartarput. (Juánase 17:16) Taamaattumik Jehovap ullumikkut kiffaasa nunarsuarmi tamarmi ittut assuarnaassutsiminnik aalajangiussisimajuarnerat ataasiussuseqarlutillu Jehovamik unnersiutiginnittuarnerat taassumalu aqqutigeqqusaanik iluartunik eriaginnittuarnerat Jehovap pissaaneqarneranut pilluaqqusisarneranullu takussutaavoq asseqanngitsoq. Taamaaliorput naak sakkortuumik assortorneqaraluarlutik, malersorneqaraluarlutik, allaallu toqutaasoqartaraluarlutik.
20 Tanitanut sinneruttut Kristusimik naalagaaqatiginnissartik pissutigalugu Satanimit malersorneqarnerpaasimapput. Kisiannili sarĸúmersitat kapitali 14-imi ersersinneqarpoq taakku amerlassusertik tamakkerlugu, 144.000-it tamarmik, ajugaasimallutik Kristusimut naalagaaffiani ilaatinneqarumaartut. Naalagartik aalajaallutik attavigiuarsimavaat, tassami versi 4-mi allassimavoq: ’Tassa-uku Savaaqqamik sumulluunniit piartoraangat malinnittartut’ — naak Satanip pilersitsineratigut naakkittaatsumik malersorneqaraluarlutik.
Guutip eqqartuussaasa siullersaat
21, 22. (a) sarĸúmersitat 14:7, 8-mi inngilit sunik tusarliussaqarpat? (b) Babylon Angisooq upperisarsiornertut naak suli piugaluartoq sooq inngilip uppissimanerarpaa?
21 sarĸúmersitat 14:7-imi inngili ima torlulavoq: „Guuti mianerisiuk taannalu naalannartissiuk, eqqartuussiffia aallartereermat, aap qilammik nunamillu immamillu ermillu puilasarfiinik pinngortitsisoq pallorfigisiuk.“ (NV) Guutip iluarinninngitsumik eqqartuussutaanit kina siulliulluni eqqorneqassava? Saqq 14 Versi 8-mi allassimavoq: ’Inngililu alla malinnaavoq oqartoq: „Uppippoq, uppippoq Babylon Angisooq, inuiaqatigiit tamaasa viinnimik kamaammik uersarnermi pianik immikkamigit.“’ Tassani siullermik, kingullermiunngitsorli, sarĸúmersitat-ni’ Babylon Angisooq’, eqqunngitsumik upperisarsiornerup silarsuarmi tamarmi naalagaaffissua, eqqartorneqarpoq.
22 Qanoq ililluni inngili oqarsinnaasimava Babylon Angisooq uppissimasoq, massa upperisarsiornerit silarsuarmi sumi tamaani suli taama sunniuteqartigigaluartut? Itsarsuaq ukiumi 539-mi u.n.a.s. Babylon uppimmat qanoq pisoqarsimanera eqqarsaatigeriaruk. Illoqarfik taamanikkut piuneerunneqanngikkallarpoq, ukiulli marluk qaangiummata Jehovap kiffai tigusaaqqasut nunavimminnut utertinneqarput, eqqortumillu pallorfiginninneq atulerseqqippaat! Taamatuttaaq Guutip kiffaasa 1919-imiilli sulisinnaaleqqissitaanerat anersaakkullu ittumik pigissaaleqqissitaanerat Babylon Angisuup ukioq tamanna, Jehovap isaani, uppissimaneranut takussutissaalluarpoq. Taamani suujunnaarsitaasussanngortippaa.
23. (a) Babylon Angisuup aserorumaarnissaa qanoq piareersarneqarpa? (b) Napasuliaq Alapernaarsuiffik-up normuini tulliuttuni marlunni siulittuutit suut sammineqassappat?
23 Suujunnaarsinneqarumaarnissami tungaanut Babylon Angisooq maannakkut ittoq ajornartorsiungaalereersimavoq. Taassuma peqquserluttuliortarneri, kanngunartuliungaartarneri, ilumuunngitsuliortarneri naalakkersuinermillu ingerlatsinermut tunngasunut akuliuttarneri tamarmik tamanut qulaarneqarsimapput. Europap annersaani inuit qaqutiguinnaq naalagiartarput. Nunat socialistiusut ilarpassuini upperisarsiorneq „inuinnaat sininnartuat“tut isigineqartarpoq. Guutip oqaasianik sallusuissutaasumik nuannarisaqartut tamarmik isaanni Babylon maannakkut ittoq kanngunarsagaavoq. Maanna toqutassaatinneqartup ineeraanilusooq eqqartuunneqareernermi eqqortumik pineqaataasup naammassineqarnissaa utaqqivaa. Aap, silarsuarmiunut aalassaataasunik nalliuttoqarnissaanut ’piffissaq aalajangersagaq qaneqaaq’! ’Arnap inuunerluttup’ upperisarsiornerusup aammattaaq Satanip pissutsinik aaqqissuussaata tamarmiusup qanittukkut aserorneqarnissaat pillugu siulittuutit sarĸúmersitat-niittut Napasuliaq Alapernaarsuiffik-up normuini tulliuttuni marlunni ilanngutassiani atuaqqissaaqatigiissutissani sammineqassapput. (wD 1/4 89)
Qanoq akissavit?
□ Qarlortariarnerit arfineq-marluusut sarĸúmersitat kapitali 8-mi eqqartorneqartut ullutsinnut qanoq pingaaruteqarpat?
□ Suna pissutigalugu kristumiuuneraqatigiit siulliullutik iluarinninngitsumik eqqartuunneqartussaappat?
□ Tanitanut sinneruttut ’amerlangaartullu’ oqaluussinerat sarĸúmersitat kapitali 9-mi qanoq allaaserineqarpa?
□ sarĸúmersitat 11:15-imi tusarliunneqartoq qilammut nunamullu qanoq kinguneqarpa?
□ Soorlu sarĸúmersitat 14:8-mi allaaserineqartoq, Babylon upperisarsiornerusoq qanoq ililluni 1919-imi uppissimava, tamannalu taassumunnga qanoq kinguneqarpa?