áiparîngnek ánáunekartok

„ukioĸ atauseĸ matuma sujornatigut áiparîngnerput maungáinangajagpoĸ, avingajagdlutalo,“ angut ĸeĸertamit Ny Caledoniamêrsoĸ taima oĸalugtuarpoĸ. suna patsisauva? atássuteĸarfigivdluángíneĸ, píssutsíkut isumaĸatigîgsínáungíneĸ, perĸîtdliornerdlo, ãmátaoĸ nuliaussup sianiutilugtûnera. áiparît táuko ukiune ĸuline áiparêrêrnermingne misigisimáput áiparîngnertik iluagtíngitsôrtoĸ.

nuliaussup sanilertik ajornartorsiutimingnik uvdlupĸerĸángitsiartoĸ oĸalugtũpâ. ilimagíngisamik saniliat táuna Jehovap nalunaiaissuisa ilagât, saniliussuvdlo oĸalugtũpâ bîbilime nalerĸútumik sujúnersũmik ilaĸutarîngne ajornartorsiuteĸartunut amerdlasûnut súniuteĸardlutik ârĸĩssutaussartunik. kingornagut nuliaussup tamáko uviminut oĸalugtuarai, uviussuvdle itinerussumik kivdlíssutigíngilai. isumaliutigisínáungilâme sûvdlũnît nuliame isumákut píssusê periausîlo avdlángortísínaunerai. taimáineranile nuliaussup Jehovap nalunaiaissue atuaĸatigalugit bîbile atuarĸigsârtalerpâ. bîbilip túngavînik navsuiauvfigineĸarângame tusarnârĸigsârniartarpoĸ, misiligdlugitdlo malingniarsaralugit.

uviussoĸ oĸalugtuarpoĸ: „sapâtit akúnere ardlaĸángitsut ingerdlarêrsut malugilerpara píssutsine avdlángortíkâ.“ uviussoĸ tupâtdlagpoĸ, Jehovavdlo nalunaiaissuisa nunap ingmíkôrtoĸarfianit atautsimêrssuarneránut aggerdlutik peĸatauvfigingningneránut najûteĸatauvdlune pâsiniardlugo suna túngaviginerât. oĸalugiautaussut tupâtdlagteĸalugo erĸarsartítorujugssûvât. nuliamilo bîbilimik atuaĸatigingnigtarnera ilaliuvfigalugo, imatutdlo uviussoĸ oĸalugtuarpoĸ: „ilaĸutarîgdluarnerup túngavia nuánersoĸ navssârârput. uvanga nuliaralo mãnákut pivdluaĸaugut, ilaĸutarîngnermime ajornartorsiutit ĸanoĸ iluarsíneĸarsínaussut inungnut avdlanut oĸalugtuarisínaugavtigik — âp, inuíme ajornartorsiutait tamaisa uvdlumíkut atũtûssut pivdlugit.“ (wD 1/3 84)