Saqqummersitat – Qanoq paasisariaqarpat?
Akissut Biibilimeersoq
Biibilimi atuakkap Saqqummersitat grækerisut taaguutaa apokalypsis (apokalypse) isumaqarpoq “qulaarpaa” imaluunniit “paasinarsisippaa”. Saqqummersitani siunertaasoq, tassa isertugaasut qulaarneqarlutillu siunissami pisussat paasinarsisinneqarnissaat, atuakkap taaguutaanit ersersinneqarpoq. Siulittuuterpassuit tassaniittut suli eqquutinngillat.
Saqqummersitanik pingaarnersiuineq
Aallarniut. – Saqqummersitat 1:1-9.
Jiisusip ilagiinnut arfineq-marlunnut tusarliussai. – Saqqummersitat 1:10-3:22.
Guutip qilammi issiavissaarsuarmini issianeranik takorruugaq. – Saqqummersitat 4:1-11.
Takorruukkat tulleriinnilersorneri:
Naqissutit arfineq-marluk. – Saqqummersitat 5:1-8:6.
Qarlortaassuit arfineq-marluk, pingasuni kingullerni eqqanaartuutit siumut kalerriutigineqarput. – Saqqummersitat 8:7-14:20.
Puugutaasat arfineq-marluk – tamarmik perloqqussutinik, Guutip eqqartuussutitut nunamut kueragassaanik, imallit. – Saqqummersitat 15:1-16:21.
Guutip akeraasa suujunnaarsitaanerannik takorruukkat. – Saqqummersitat 17:1-20:10.
Qilaap nunallu Guutimit pilluaqquneqarnerannik takorruukkat. – Saqqummersitat 20:11-22:5.
Naggasiut. – Saqqummersitat 22:6-21.
Saqqummersitat paasinissaannut iluaqutissat
Tassani allassimasut Guutimut kiffaasunut siooranaratik amiilaarnaratillu nuannersuupput. Oqaaseq “apokalypse” ajunaarnersuarmut tunngatinneqartaraluartoq Saqqummersitat aallaqqaataanni naggataannilu allassimavoq atuartut, paasinnittut tusarliussamillu maleruaasut pilluassasut. – Saqqummersitat 1:3; 22:7.
Saqqummersitani ‘nalunaaqutit’ amerlasuut assersuutaapput. – Saqqummersitat 1:1.
Saqqummersitani kinaassusillit nalunaaqutillu pingaarutillit Biibilimi siusinnerusukkut eqqaaneqarput:
Jehova – ‘Qilammi Guuti’ ilumoortoq sunillu tamanik Pinngortitsisoq. – 5 Mosesi 4:39; Tussiaat 103:19; Saqqummersitat 4:11; 15:3.
Jiisusi Kristusi – “Guutip savaaraa.” – Johannesi 1:29; Saqqummersitat 5:6; 14:1.
Saatani Diaavulu – Guutip akeraa. – 1 Mosesi 3:14, 15; Johannesi 8:44; Saqqummersitat 12:9.
Babylonersuaq – itsaq Babyloniatut (Babelitut) Jehovamut Guutimut innuttaanullu akeraq kiisalu upperisarsiornikkut salluliuutinut aallaaviusoq. – 1 Mosesi 11:2-9; Esaja 13:1, 11; Saqqummersitat 17:4-6; 18:4, 20.
“Imaq” – inuiaat ajortut Guutimik akerlilersuisut. – Esaja 57:20; Saqqummersitat 12:18-13:1; 21:1.
Itsaq Guutip innuttaasa pallorfiginninnermi atortagaanni Tupermi Naapeqatigiittarfimmi atortunut assingusut – ilaatigut angerutsip illerfia, imaq igalaaminiinnaq (eqqiartarfik), nanerussat, tipigissaatiliissutit pilliivillu. – 2 Mosesi 25:10, 17, 18; 40:24-32; Saqqummersitat 4:5, 6; 5:8; 8:3; 11:19.
Nersutit – inuit naalakkersuisuinut assersuutaasut. – Danieli 7:1-8, 17-26; Saqqummersitat 13:2, 11; 17:3.
Kisitsisit assersuutaasutut atorneqartut. – Saqqummersitat 1:20; 8:13; 13:18; 21:16.
“Naalakkap ulluani”, Guutip naalagaaffia 1914-imi pilersinneqarmat Jiisusilu kunngisut naalakkersuilermat aallartittumi, pisut takorroorneqarput. (Saqqummersitat 1:10) Taamaattumik Saqqummersitat nalitsinni pingaarnertut eqquunnissaat naatsorsuutigisinnaavarput.
Saqqummersitat paasiumallugit Biibilip sinnerata paasinissaanut iluaqutigisavut, ilaatigut ilisimassuseq Guutimeersoq atuakkamillu paasinnereersunit ikiorneqarneq, pisariaqartippavut. – Apustilit Suliaat 8:26-39; Jaaku 1:5.