Nunarsuaq aserorneqalerpa? – Biibilimi qanoq allassimasoqarpa?

“Silap pissusiata allanngoriar­tornera pissutigalugu ajunaar­nersuaqangajalerpoq. Illoqarfissuit qarsunneqar­talis­sapput. Kiarujus­suartar­nera, anorersuarujus­suartarnera imissaaleqisoqangaartar­neralu nalinginnaagalut­tuinnarput. Naasut uumasullu assigiinngitsuk­kuutaat ilaat 1 millionit nungutitaas­sapput. Tamanna ingasattajaarinerun­ngilaq. Ilisimatuut oqarput nukissiuutinut politikki allanngortin­neqan­ngippat taama pisoqas­sasoq.” – FN-imi generalsekretæri António Guterres, FN-imi silap pis­susianik ataatsimiititaliap nalunaarusiaanut apriilip sisamaanni 2022-moor­tumut tun­ngatil­lugu taama oqar­poq.

“Ilisimatuut mianersoqqusipput [USA-mi] nunat eqqissisimatitat 423-usut kiatsikkiartornera ajoqutigingaarsin­naagamikku tamangajammik silap pissusiata allanngoriar­tornera pissutigalugu ukiuni tulliuttuni ajoquserneqangaas­sasut. Ajunaarnersuaqartar­nissaanik eqqartuinerit Biibilimi oqalut­tuarineqartunut assingupput: Inneq qarsutsinerillu, sermersuit aakkiartornerat, immap qaffakkiartornera silallu kiatserujus­suarnera.” – “Flooding Chaos in Yel­lowstone, a Sign of Crises to Come,” The New York Times, juunip 15-iat 2022.

Nunarsuarmi avatangiisinut tun­ngatil­lugu ajor­nar­torsiutit aaq­qin­neqarsin­naap­pat? Aaq­qiisin­naasoqarpa? Biibilimi qanoq allas­simasoqar­nersoq eqqarsaatigiuk.

Avatangiisinik ajoqusiineq siulittuutigineqarpoq

Biibilimi allas­simavoq Guutip ‘nunarsuarmik aseruisut suujunnaarsissagai’. (Saq­qum­mersitat 11:18) Versi taanna pingasunik paasisaqarfigaar­put:

1. 1. Inuit iliuusii nunarsuarmik ajoqusiingaas­sap­put.

2. 2. Nunarsuarmik aseruineq unitsin­neqas­saaq.

3. 3. Guutip, inuit pin­natik, nunarsuarmi avatangiisinut tun­ngatil­lugu ajor­nar­torsiutit aaq­qis­savai.

Nunarsuaq siunissami toqqissisimanassaaq

Biibilimi allas­simavoq ‘nunarsuaq ataan­nar­tus­saasoq’. (Oqaluus­sisar­tup oqaasii 1:4, Testamentitoqaq 1990-imi naqitigaq) Nunarsuarlu inoqar­tuaan­nas­saaq.

• “Iluar­tut nuna kingor­nutis­savaat najugaqas­sal­lutillu tas­sani naas­saan­ngitsumik.” – Tus­siaat 37:29.

Pin­ngor­titami avatangiisit aaq­qin­neqarluin­nas­sap­put.

• “Inoqajuitsoq nunalu paner­toq tipaatsus­sap­put. Inuilaaq qiim­mat­tas­saaq naasunil­lunilu” – Esaja 35:1.