Qassutit assigiin­ngitsut

Jiisusip ilinniar­titaasa ilaat aalisar­tuupput. (Mak 1:16-20) Galiliiap Tasersuani aalisaraangamik qassusersortarput.

Allunaasat, amerlanertigut ilupaas­siassanik sanaat, atorlugit qassutilior­toqartarpoq. Aalisakkat angissusiinut assigiin­ngitsunut naleqqus­sarneqartarput. Qassutit minnerit sinaatigut ujaraaqqanik oqimaalutalersor­neqarsimasut ammalor­tuusarput, immamullu miloriun­neqartarlutik. Qassutit anginerit ataani oqimaalutaqarput qulaanilu simimmik qisuminermil­luunniit puttaquteqarlutik, taakkulu nutsuar­neqartarlutik.

Aalisakkanut qassutit akisusarput. Immap naqqani ujaqqanit pisanil­luunniit oqimaap­pallaartunit alittor­neqarsin­naapput. (Luk 5:6) Jaaku Johannesilu – ilimanartumik meqqummik allunaasamillu – “qassutinik ilaartuisut” Biibilimi oqaatigineqarpoq. (Mat 4:21) Aalisartut aalisareernerit tamaasa immaqa taamatut qassutilerisariaqartarput. Lukkarsip aamma allaatigai aalisartut ‘qassutiminnik errortuisut’ minguiaaniarlutik. (Luk 5:2) Kingornalu qassutit siaartillugit manineqartarput panerserlugit, immaqa asiulin­nginnias­sammata taamaalior­tarsimapput. – Ez 47:10.

Jiisusip qassuserisut ‘inunnik aalisar­tunngoq­qullugit’ qaaqquai.