Aallarniutitut siunnersuutit

NAPASULIAQ ALAPERNAARSUIFFIK

Apeqqut: Biibili Guutimeersuuguni nungutinniarneqaraluarluni piujuarsinnaassaaq, ilaa?

Allassimaffik: Es 40:8

Neqeroorut: Allaaserisani ataqatigiinni Biibilip piujuarnerata oqaluttuassartaa tupinnaannartoq sammineqarpoq.

NAPASULIAQ ALAPERNAARSUIFFIK (tunua)

Apeqqut: Apeqqut una qanoq isumaqarfigaajuk? [Qupp. 16-imi apeqqut siulleq atuaruk]. Ilaat isumaqartarput upperisarsiorneq inunnit pilersinneqartoq. Allat isumaqarput Guutip inuit imminut qanillisinniarlugit upperisarsiorneq atortaraa. Illit qanoq isumaqarpit?

Allassimaffik: Jaak 1:27

Neqeroorut: Tamanna pillugu Biibilimi aamma qanoq allassimasoqartoq allaaserisami nassuiarneqarpoq. Allaaserisami immikkoortut ilaat oqaloqatigiissutiginiarlugit aggeqqikkusussinnaavunga.

TUSAGASSAT NUANNERSUT GUUTIMEERSUT!

Apeqqut: Inuppassuit isumaqarput Biibilimi siulittuutinik atuaaneq allaaneq ajortoq aviisinik atuaalluni. Pissutsit siulittuutigineqartut ilaat uku sorliit takunikuullugilluunniit tusarnikuuigit?

Allassimaffik: 2 Tim 3:1-5

Neqeroorut: Quppersakkami matumani pissutsit taamaattut Guutimik asannittunut sooq tusagassaasut nuannersut nassuiarneqarpoq. [Ilinniagassami 1-imi apeqqut 2 sammisiuk].

NAMMINEQ AALLARNIUTISSAT ALLAGUK

Qulaani periuseq ilaarlugu oqaluussinermi nammineq aallarniutissat allaguk.