Sapaatip akunnerani juulip 8-anni aallartittumi sammisassat

8.-14. JUULI

Erinarsuut 3 qinunerlu

□ Ilagiit Biibilimik atuaqqissaaqatigiinnerat:

w07 1/11 “Nalunngeqatiginnissutit qanoq periarfigisarpiuk?” § 9-18 (Min. 30)

□ Teokratiimik Ilinniarfik:

Biibilimi atuagassat: Apustilit Suliaat 15-17 (Min. 10)

Nr. 1: Apustilit Suliaat 16:16-34 (Min. 4 sivikinnerusumilluunniit)

Nr. 2: Sooq kristumiu qinugineqartilluni pilluarsinnaava? — Matt 5:11, 12 (Min. 5)

Nr. 3: Apustilip Paulusip suna pivaa oqarami kristumiut Naalagaq najortuinnalissallugu ‘aallarunneqarumaarlutik’? — rs-D qupp. 67 § 3-miit qupp. 68 § 1-imut (Min. 5)

□ Oqaluussinermut tunngasumik ataatsimiinneq:

Erinarsuut 16

Min. 10: Nutaarsiassaq nuannersoq qanoq oqaluussissutigineqassasoq — Jehovap peqatigiissortaanut soqutiginnittunik siulersuinermi. ‘Organisationsbogen’ tunngavigalugu qupp. 99 § 2-miit qupp. 100 § 1-imut oqalugiaat. Quppersagaq Ullumikkut kikkut Jehovap piumasaatut iliorpat? atuaqqissaaqatiminnik peqatigiiffimmut siulersuillutik najuuttut qanoq atorsimaneraat oqaluttuarilissuk.

Min. 10: Jehova misiliguk pilluaatissanillu killeqanngitsunik kueraaffigineqarlutit. (Mal 3:10) Pionerit marluk pingasulluunniit apersorneqarlit. Pioneriunerminni suna nuannerinerpaavaat? Pioneriuneq anersaakkut qanoq iluaqutigisimavaat? Misigisimasatik nuannersut oqaluttuarilisigit. Naggataatigut oqaluussisartut septembari aallarnerfigalugu pioneritut aallartinnissaannik kajumissaakkit.

Min. 10: “Pruffiitit maligassariniarsigit — Joeli.” Apeqqutit akissutillu.

Erinarsuut 144 qinunerlu