Guutip naalagaaffia ujaqqaarsiuk
1 Ilaannikkooriarluta aningaasatigut nanertuuteqartarutta allanilluunniit isumakuluuteqartarutta Guutip naalagaafiata ujaqqaarnissaa ajornakusoorsinnaavoq. Qanoq ililluta Naalagaaffik inuunitsinni pingaarnerutittuarssinnaavarput, allaat ajornartorsiungaarfiusuni? Aalajangersimasumik ataatsimiigiartarnitsinnut kiffartornitsinnullu akornutaasumik suliffimmik neqeroorfigineqarutta qanoq iliussaagut? Naalagaaffiup soqutigisai kingulliutissavagut?
2 Upperluartuunissaq pisariaqarpoq: Taamatut uppernikkut misilinneqarutta Jehovap ikiorumalluta neriorsuinera eqqaamasariaqarparput, Jiisusillu neriorsoqqissaarpaatigut Naalagaaffik ujaqqaarutsigu Guutip tapersersorumaaraatigut. (Tuss 37:25; Matt 6:31-34) Silarsuup tatisinerata isiginnittaaserput ersernerlutsilersinnaavaa Naalagaaffimmillu salliutitsinnissatsinnik akornuserluta. Ilaasa nuimasumik suliffittaarnissartik akissarsiaqarnerulernissartillu inunerminni pingaarnerutilersimavaat. Paulusitulli uagut suup pingaaruteqarnerunera paasisariaqarparput. — Fil 3:7, 8.
3 Allanngortitsinissaq pisariaqarpa? Nalunaajaasoq oqarsimavoq: „Inuunera tamaat niuertarfimmut atorpara. Inuunerma sivisunersaa sulinermut aningaasarsiornermullu atoraluarlugu Jehovap Nalunaajaasuisa ilaattut inuusinnaasorigaluarpunga.“ Qamuunali misigaaq Jehovamut kiffartornerusinnaagaluarluni. Piffissap ingerlanerani suliani anersaakkut siumukarnissamut akornutaasoq asooruppa. Aatsaat Naalagaaffimmut kiffartorneq tamakkiisumik aallutileramiuk oqarsinnaalerpoq: „Maannakkut misigivunga Jehovap akuerisinnaasaanik inooriaaseqarlunga, tamannalu pingaarnerpaavoq.“
4 Taama amerlatigisut silarsuarmi suliffimmik qaffasissumik akissarsiaqarnerulernissaminnillu anguniagarigaluakkaminnik asoorussiinnartarnerat, pilimanianngitsumillu inuulerlutik piffissaq tamaat atorlugu kiffartulertarnerat nersornartuuvoq. Assersuutigalugu eqqaasinnaavagut inuusuttorpassuit utoqqaanertat ilagiinnilu kiffartortut katinneqanngitsut Kiffartortut Atuarfianni atuarsimasut. Kiffartornermi pisinnaatitaaffeqarnerulernertik nuannaarutigaat. Paulusitut timikkut pisariaqartitat pingaarnerusut matussuserneqarnissaat naammagaat. — 1 Kor 11:1; 1 Tim 6:6-8; Hebr 13:5.
5 Silarsuarmiut ilaasa inooriaaserput nikagigunaraluaraat, Jehovamit pilluaqqusaavugut. (1 Kor 1:26-31) Qiimmaallannanngila paasillugu Jehovap piumasani naamassiumallugu sapinngisaminik atorusullutalu ikiorusukkaatigut? Guutip naalagaaffiata pilersinneqareersup oqaluussissutiginissaanut maannakkut periarfissaqarnerput uteqqinngisaannassaaq. Tamaattumik maannakkut Naalagaaffik ujaqqaartuartariaqarparput.