Oqaluussinermut tunngasumik ataatsimiinnernut pilersaarut

Sapaatip-akunnera 12. novembarimiit

Erinarsuut nr. 170

8 min. Nalunaarutit ilagiillu naatsorsuutaat. Qatanngutit tukkussusiannik nersualaakkit, eqqaasikkillu unnummut ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata.

15 min. „Jehovap tatigineratigut nakussatsigit.“a Eqqarsaatit Vagttårnet 1. oktober 1999-moortumit qupperneq 18-19 immikkoortut 6-8-mut naatsunnguamik eqqaasaqarit.

22 min. „Atuaqqissaaqateqalernissatsinnut iluaqutaasussamik nutaamik sakkussaqalerpugut.“ Najuuttut peqatigalugit sammisassaq. Kiffartornermut nakkutilliisumit aqunneqassaaq. Naqitaaraq nutaaq „Biibili pillugu paasisaqarnerorusuppit?“ najuuttunut tamanut agguaaneqarli. Piareersarluakkamik Napasuliaq 1. novebarimeersoq, siunnersuut ungaluusamiittoq „Atuagassiat qanoq neqeroorutigineqarsinnaasut“ atorlugu takutitsisoqarli. Takutitsinermi tassani naggasiullugu oqaluussisartup pulaakkani naqitaaqqamik tunissavaa — pulaakkap allap atuagassiat tigujumanngilai, allallu atuagassiat tiguvai. Oqaluussisartut kajumissaarneqarput oqaluussinermi naapitaminnut tamanut naqitaaraq tunniuttaqqullugu.

Erinarsuut nr. 191 naggasiillunilu qinuneq.

Sapaatip-akunnera 19. novembarimiit

Erinarsuut nr. 172

8 min. Nalunaarutit, ilaatigut nalunaarutit toqqakkat Guutip Naalagaaffianut Kiffartorneq-meersut. 2002-mi ataatsimeersuarnissaq pillugu paasissutissat allanngortinneqarsimasut eqqaakkit, taakkulu atuunnerat erseqqissarlugu.

15 min. Tamaani pisariaqartitat

22 min. „Siuneqassutsit ineriartortiguk.“b Utoqqaanertamit aqunneqassaaq. Ukiumi kiffartorfiusumi kingullermi immikkut ittumik ataatsimeersuaararnermi sammisanik uummarissumik uteqqiineq.

Erinarsuut nr. 195 naggasiillunilu qinuneq.

Sapaatip-akunnera 26. novembarimiit

Erinarsuut nr. 177

15 min. Nalunaarutit. Tamaasa oqaluussisimanerannik nalunaaruteqaqqullugit eqqaasikkit. Piareersarluakkanik marlunnik atuagassianik takutitsisoqarli — ataaseq Vagttårnet 1. decembarimoortoq atorlugu, aappaalu Vågn op 8. decembarimoortoq atorlugu. Septembarimi Naalagaaffimmi Kiffartorneq-meersoq „Kiffartornerit naammassiviuk peqqissaarlutit?“-imi immikkoortoq 4-miittoq, atuagaq Inuk inuit inuusimasut pingaarnerpaartaat atorlugu saqqummiunneqarli. Tamaasa eqqaasikkit naqitaaraq Biibili pillugu paasisaqarnerorusuppit? atorluartaqqullugu.

15 min. „Qanoq ilillunga piffissaqarfigissavakka?“ Oqalugiaat najuuttullu peqatigalugit eqqartuineq. Napasuliaq Alapernaarsuiffik-mit 1. oktobari 2000-meersumit qupperneq 21-mi immikkoortoq, „Ilaasa atuaqqissaarneq qanoq piffissaqarfigisaraat“-mit pingaarnersiukkat ilanngunneqassapput. Peqataasut oqaluttuarlik qanoq ilillutik pisariaqanngitsunik immikkoortitsinermikkut pingaarnerusunut piffissaqarnerulersimanerlutik. Atuaqqissaarnissamut, ilaqutariittut atuaqqissaaqatigiittaarnissamut, ilagiit ataatsimiinnerinut, oqaluussinermut ullullu tamaasa Biibilimik atuartarnissamut piffissaqarnissap pingaaruteqassusia erseqqissaruk.

15 min. Inuusuttut Jehova unnersiutigaat. Najuuttut peqatigalugit sammisassaq. Ilagiit amerlanersaat inuusuttortaqarput oqaluusinermut peqataasartunik. Suliamut tamatumunnga peqataanissaat pissusissamisoorpoq naak imminnit utoqqaanerusut oqaluussiffigisaraluarlugit. (Tuss. 148:12, 13; Matt. 21:15, 16) Angajoqqaat nalunaajaasullu allat inuusuttunik ilinniartitsinnissaq qiimmassaanissarlu eqqumaffigalugulu soqutigippassuk, inuusuttut oqaluussineq nuannaarutigigaalissavaat. Illumiit illumut pulaaqqiinernilu inuusuttut qanoq peqataatinneqarsinnaanerinik tusarnaartut siunnersuuteqarlik. Angajoqqaat meeqqatik atuagassianik neqerooruteqarsinnaanissaannik, saqqummiinermi Biibilimik atuinissaannik matumilu sapiillutik oqaluussinissannik ilinniartitsinerminni qanoq iliortarsimanertik oqaluttuarilissuk. Meeqqanik nersualaarinninnerup iluaqutaanera eqqaajuk. Inuusuttoq ataaseq marlulluunniit apersukkit, oqaluussinermi suna nuannarineraat, aammalu sooq.

Erinarsuut nr. 198 naggasiillunilu qinuneq.

Sapaatip-akunnera 3. decembarimiit

Erinarsuut nr. 179

8 min. Nalunaarutit.

17 min. Ræsonnerebogimiit oqaluuserisassat. Najuuttut peqatigalugit sammisassaq. Oqaluuserisassat assigiinngitsut Ræsonnerebogimeersut Biibilip ajoqersuutaanik nassuiaaniarnermi iluaqutaasut sammineqarlik: Assersuutigalugit „Guutip naalagaaffia“ (Qupp. 127) aamma „Anersaaq“ (qupp. 429) pillugit nassuiaatit; nutsikkani assigiinngitsuni allassimaffiit, Guutip aqqata Biibilimi atorneqarsimaneranik ersersitsisut (Qupp. 171-72), anniarfilluunniit pillugu ilumoortoq (Qupp. 156-63), ajoqersuutit upperisarsiortunit allanit immikkoornitsinnik qulequttat (Qupp. 178-80), imaluunniit upperisap sorliup eqqortuuneranik ersersitsisut (Qupp. 313-15); juullip aallaavianik nassuiaasut oqaluttuarisaanermi paasissutissat (Qupp.149-51), oqaaserisat kristumiut siulliit politikkimut kalluunnarversaartuunerannik ersersitsisut (Qupp. 259-61); ilisimatusaatitigut uppernarsaatit pinngortitsinermut tapersersuisut (345-47), imaluunniit marihuanap tupallu qanoq ajoqutaatigineranik ersersitsisut (Qupp. 366-69). Oqaluussisartut kajumissaakkit periarfissaqaraangamik taanna sakkugisaqqullugu.

20 min. „Jehovap asanninneranik pingaartitsineq pilluaqqussutaasarpoq — immikkoortoq siulleq.“c Immikkoortut 3-6-mut sammineqarneranni oqaluussisartut illumiit illumut, aqqusinermi, pulaaqqiinerni atuaqqissaaqateqarnermiluunniit oqaluussitillutik misigisaminnik kajumissinartunik oqaluttuarlik.

Erinarsuut nr. 200 naggasiillunilu qinuneq

[Quppernerup ataani ilanngussat]