Oqaluussinermut tunngasumik ataatsimiinnernut pilersaarut

Sapaatip-akunnera 13. aggustimiit

Erinarsuut nr. 30

15 min. Nalunaarutit ilagiillu naatsorsuutaat. Qatanngutit tukkussusiannik nersualaakkit, eqqaasikkillu unnummut Ilagiinnut tunissutit-nut nakkartinneqartut Europap kanigani Guutip naalagaaffiata sulineranut tunissutigineqassammata. Oqaluussinermut tunngasumik ataatsimiinnermi sapaatip-akunnera 27. aggustimiit videofilmi Den Nye Samfund i Virksomhed sammineqassammat piareersaatitut takunissaanut kajumissaakkit. „Immikkut ittumik ataatsimeersuarnissami saqqummiussassat nutaat“ oqaloqatigiissutigiuk. Qaqugu immikkut ittumik ataatsimeersuartoqassanersoq eqqaajuk, tamarmillu najuunnissaannut kajumissaakkit. Oqaluussisartut kajumissaarneqassapput soqutiginnittunik nutaanik atuaqqissaaqatigisartakkaminnillu qaaqquseqqullugit. Naggataatigut oqaluussinermi misigisamik oqaluttuarit.

15 min. „Iliuuseqarnerorusuppit?“a

15 min. „Aliikkusersuutit eqqortumik inissaqartikkit.“ Atuaqqissaaqatigiinnermi aqutsisup aappariit atuaqqissaareernerup kingorna oqaloqatigai. Inussiarnisaarluni eqqaavaa oqaluussinermut katersuunnerni takunngillattaasimallugit. Aappariit oqaluttuarput sulinngiffeqarsimallutik aasarlu tamaat ulapissimaqalutik. Utoqqaanertap ilanngutassiamit pingaarnerit ikiortigalugit eqqaasinniarsarai anersaamut tunngasut siulliunneqartuartariaqaraluartut. Eqqaasinneqarnertik qujamasuutigaat aalajangerlutillu pingaarnersiuilluarniarsariumaarlutik. — Takuuk Napasuliaq Alapernaarsuiffik 1. oktoberi 2000-meersoq, qupp. 19-20.

Erinarsuut nr. 68 naggasiillunilu qinnut.

Sapaatip-akunnera 20. aggustimiit

Erinarsuut nr. 33

8 min. Nalunaarutit, ilaatigut toqqakkat Guutip Naalagaaffianut Kiffartorneq-meersut. Piffissaq naapertorlugu misigisalikkersaartitsigit.

15 min. „Silarsuarmut isiginnaagassiaavutit!“b Jehovap Nalunaajaasut sulinerannut ileqquinilluunniit ajunngitsumik oqaaseqartoqarsimaneranik eqqaasaqarit. — Takuuk Vagttårnet 15. marts 1998-imeersoq, qupp. 10, aamma 15. januar 1999-imeersoq, qupp. 32.

5 min. Qallunaatuinnaavoq. Allaaserisaq allamiutut oqaasilinnut oqaluussineq pillugu sammineqarpoq.

17 min. „Ileqqorissaarneq Guutimut mianerinnittuni ilisarnaataasariaqarpoq.“ Immikkoortut 1-mit 5-mut utoqqaanertamit oqalugiaatigineqassapput minutsini tallimani. Kingorna ilanngutassiami eqqaasissutigineqartut ataatsimiinnermi najuuttumit oqaloqatigiissutigissavaa. Qanoq ileqqut ataatsimiinnernut unissutaasinnaasut ajugaaffigineqarsinnaanerannik assersuuteqarit. Erseqqissaruk najuunnerput qanoq tamatsinnut kaammattuutaatiginersoq immitsinnut asannittumik isumassuerpaluttumillu takutitsigaangatta. — Fil. 2:4.

Erinarsuut nr. 72 naggasiillunilu qinnut.

Sapaatip-akunnera 27. aggustimiit

Erinarsuut nr. 40

10 min. Nalunaarutit. Tamaasa oqaluussisimanerminnik nalunaaruteqaqqullugit eqqaasikkit. Septembarimi ataatsimik marlunnilluunniit ’Skabelsesbogip’ qanoq neqeroorutigineqarsinnaaneranik siunnersuuteqarit. — Assersuutit takukkit Rigets Tjeneste-mi juuni 1995-imeersumi qupp. 4.

15 min. Tamaani pisariaqartitat.

20 min. „Den Nye Verdens Samfund i Virksomhed-mik oqaluttuarisaanermut kingumut qiviarneq.“ Najuuttut peqatigalugit oqaloqatigiissutigineqassaaq apersuinertalimmik. Oqaloqatigiissutigineqareerpat fiilmimik takunneqqaarsimasut 1950-ikkunniluunniit inuiassuarnit tamaneersunit ataatsimeersuartunut ilaasimasut apersorneqassapput. Pisimasut pillugit oqaluttuartikkit, anersaakkut qanoq pingaaruteqarsimatiginersoq aammalu sooq qularutiginngikkaat tassaasoq Jehovap peqatigiissortaa. Oktoberimi fiilmi Oplæring fra Gud forener oqaloqatigiissutigissavarput.

Erinarsuut nr. 74 naggasiummillu qinnut.

Sapaatip-akunnera 3. septembariimiit

Erinarsuut nr. 80

10 min. Nalunaarutit. Piffissaq naapertorlugu oqaluussinermi misigisamik oqaluttuarit.

15 min. „Kristumiunik peqateqarneq qanoq pingaaruteqartigaa?“c Napasuliaq Alapernaarsuiffik 1. februaari 1996-imeersoq „Ilagiit aqqutigalugit“-mik qulequtalik tigulaariffigiuk.

20 min. Oqartoqarpat. Oqaloqatigiinneq takutitsinerlu. Inuit oqaluussitilluta naapitavut piareersimaffiginngisatsinnik aperippata oqaloqatigiinneq kipitinniassanngilarput allamulluunniit saasarniarsarissanngilavut. ’Ræsonnerebogi’ taamaattoqartillugu iluaqutaasinnaagajuppoq. Akerliliisarnerit nalinginnaasut eqqaakkit, oqaluussisartunillu takutitsigit ’Ræsonnerebogi’ atorlugu qanoq akineqarsinnaanersut. Assersuutigalugu: ’Uanga Guuti upperinngilara’ (qup. 125), ’Sooq silarsuarmi pissutsit iluarsarneqarnissaannut iliuuseqanngilasi?’ (qup. 186), ’Oqaluffimmut sorlermut ilaasortaaneq apeqqutaanngilaq’ (qup. 317). Tamanut kajumissaarigit ilimaginngisamik pisorqartillugu ’Ræsonnerebog’ atortaqqullugu.

Erinarsuut nr. 121 naggasiummillu qinnut.

[Quppernerup ataani ilanngussat]