Oqaluussinermut tunngasumik ataatsimiinnernut pilersaarut

Sapaatip akunnera 9. juulimiit

Erinarsuut nr. 4

10 min. Nalunaarutit ilagiillu naatsorsuutaat. Qatanngutit tukkussusiannik nersualaakkit eqqaasikkillu unnummut ilagiinnut tunissutit nakkartinneqartut Europap kangiani Guutip naalagaaffiata sulineranut tunissutigineqassammata.

15 min. Tamaani pisariaqartitat.

20 min. „Pisariaqartitsiffiunerusumi kiffartorsinnaavit?“a Oqaluussisartut ilagiinneersut angalaartarfimmi angalaarfigineqakulanngitsumi misigisimasaannik oqaluttuartikkit. Takuuk ’Organisationsbogen’, qupp. 109.

Erinarsuut nr. 42 naggasillunilu qinuneq.

Sapaatip akunnera 16. juulimiit

Erinarsuut nr. 10

10 min. Ilagiinnit nalunaarutit. Guutip Naalagaaffianut Kiffartorneq-meersumit nalunaarutit toqqakkat.

15 min. Inuusuttut — inuuneq ingerlavigiumasarsi naatsorsorsiuk. Ataataq panini erniniluunniit ilagalugu utoqqaanertamut misilittagaqarluartumut saaffiginnipput. Sapaatip akunneri marluk sioqqullugit kiffartornermi ataatsimiinnermi inuunermi aqqummik qinersinissaq eqqartorneqareersoq, erniusoq/paniusoq piffissani tamaat kiffartulernissani eqqarsaatigilersimavaa, nalornissutigaluguli pigisatigut pisariaqartitani qanoq ililluni matussusersinnaassanerlugit. Utoqqaanertap naqissuserpaa nunap piinik oqimaaqatigiissumik isiginnittaaseqarnissaq. (Napasuliaq Alapernaarsuiffik 1. septembari 1999, qupp. 11, immikkoortoq 13) Silatusaarnerussaaq nammineq pilersorsinnaanissamut ilinniagaqaraanni, amerlasuut piffissaq sivikitsoq atorlugu akissaajaataanngitsumik tunngaviusumik ilinniagaqarsinnaasimapput. (Takuuk Napasuliaq Alapernaarsuiffik 1. februaari 1996, qupp. 21; Unge Spørger — Svar der duer, qupp. 178) Ilanngutassiaq Iteritsi! apriili-juuni 1996, qupp. 9-11-meersoq oqaluuseraat, suliffimmillu tulluartumik nassaarnissamik qanoq iliortoqarsinnaaneranik siunnersuutit sammillugit.

20 min. Jehovas Vidner — Hvem er de? Hvad tror de på? Najuuttut peqatigalugit oqaloqatigiissutigineqarli takutitsineqarlunilu. Atuagassiaaqqap imaa sammineqassaaq, Jehovallu Nalunaajaasui sulinerallu pillugit paasissutissiissutitut qanoq atorneqarsinnaanera oqaloqatigiissutigineqassalluni. Kikkuunitsinnik ersersitsivoq (qupp. 3-5), Jehovap Nalunaajaasuisa oqaluttuarisaanerat ullumikkullu suleriaasiat allaatigineqarput (qupp. 6-11), ajoqersuutit upperisarsiortunit allanit immikkoorutivut sammineqarput (qupp. 12-14), tusarliussassaq nuannersoq oqaluussissutigisarput, qanorlu iliortarnerput nassuiarneqarpoq (qupp. 15-21), sulinitta inuiaqatigiinnut qanoq iluaqutaatiginera ersersinneqarpoq (qupp. 22-24), ersersinneqarpoq silarsuaq tamakkerlugu peqatigiiffiusoq (qupp. 25-26), uagullu pilluta apeqqutit, apeqqutigineqakulasut akineqarlutik (qupp. 27-31). Soqutiginnittumik, apeqqutinik quppernermi 29-miittunik aperineqaruni oqaluussisartup qanoq iliorsinnaaneranik takutitsisoqarli. Oqaluussisartup atuagassiaraaq atorlugu qanoq apeqqutit akineqarsinnaaneri takutissavaa naggataatigullu qaaqqusissut tunuaniittoq atorlugu. Tamaasa kajumissaakkit atuagassiaaraq atorlugu, ilaquttat Jehovamut Nalunaajaasuunngitsut uagutsinnut tatiginnilersillugit, pulaaqqittakkat soqutiginninnerulernissaannut atuaqqissaaqatillu peqatigiiffimmut siulersornisaannut.

Erinarsuut nr. 50 naggasiillunilu qinuneq.

Sapaatip akunnera 23. juulimiit

Erinarsuut nr. 19

10 min. Nalunaarutit.

15 min. Napasuliaq Alapernaarsuiffik 1. apriili 1997-moortumit allaaserisaq „Ilumut ullut kingulliit inuuffigaavut?“ tunngavigalugu oqalugiaat. Oqalugiallaqqittumit oqalugiaatigineqassaaq. Paasissutissat saqqummiunneqassapput ilagiinnut iluaqutaasussatut oqaluussinermilu atugassatut.

20 min. „Esajap siulittuutaanik atuaqqissaarnissannut piareersarit!“b Esajap siulittuutaanik atuaqqissaarneq qanoq iluaqutigisinnaagipput naatsunnguamik oqaluttuariuk. (Takuuk Esajas’ profeti — et lys for alle mennesker I, kap. 1 immikoortut 10-12.) Atuakkamik atuaqqissaarnermut aalajangersimasumik takkuttarnissaannik tamaasa kajumissaakkit. Atuakkamik angisuunik naqinnilinnik pisoqarsinnaanera eqqaajuk.

Erinarsuut nr. 53 naggasiillunilu qinuneq.

Sapaatip akunnera 30. juulimiit

Erinarsuut nr. 22

10 min. Nalunaarutit. Tamaasa oqaluussisimanerminnik nalunaaruteqaqqullugit eqqaasikkit.

20 min. Inuusuttut — siunissamut pilersaarusiornissinni siuneqassuseq atorsiuk. Utoqqaanertap angajoqqaat inuusuttuaraataallu ilinniagaqarneq pillugu oqaloqatigissavai. Utoqqaanertap Napasuliaq Alapernaarsuiffik 1. septembari 1999-imoortoq, qupp. 16-17, immikkoortut 11-13 najoqqutaralugit oqaloqatigiissapput, pingaarnerutillugulu sooq piffissaq tamaat kiffartorneq pingaarnerutittariaqartoq. (Napasuliaq Alapernaarsuiffik 1. decembari 1996-imoortoq, qupp. 18-19, immikkoortut 13-15) Kingorna ataatsimooqatigiit oqaloqatigiissutigissavaat siunnersuut Iteritsi! apriili-juuni 1998-imoortoq qupp. 21-23-miittoq siuneqassuseqarnerulernissamut tunngasoq, ilinniakkamillu qaffasissumik ilinniagaqarnerup suut ajunngequtigalugillu ajoqutiginerai, aammalu kristumiutut ilungersorluta kiffartornermi imminut pilersornissaq naapertorlugu ilinniagaqarnissaq. Tamarmik isumaqataapput Jiisusip peqqussutaanut, Naalagaaffiup salliutinneqaqqarnissaanik killinneqartariaqaraluarlutik. — Mat. 6:33.

15 min. Godt nyt til alle nationer. (kalaallisuunngortitaanngitsoq) Najuuttut peqatigalugit oqaluuserineqassaaq takutitsisoqassallunilu. Danmarkimi inuit procentit amerliartuinnartut allatut oqaasiliupput. Atuagassiaaraq Godt nyt til alle nationer atorlugu allatut oqaasilinnut qanoq oqaluussisinnaanersugut takutiguk. Immikkoortoq qupperneq 2-miittoq „Hvordan denne brochure bruges“ naalisaruk aallarniutillu arlaat atuarlugu. Allatut oqaasilimmik naapitsigaanni qanoq iliortoqarsinnaasoq takutiguk. Angalaartarfissinni qanoq atorneqarsimaneranik misigisamik nuannersumik oqaluttuarit. 2. januar 2000-mi utoqqaanertaqatigiinnut Peqatigiiffiup allagaanit paasissutissanik tulluartunik tigulaarigit.

Erinarsuut nr. 57 naggasiillunilu qinuneq.

Sapaatip akunnera 6. augustimiit

Erinarsuut nr. 25

15 min. Nalunaarutit. Oqaluussisartoq sulinngiffimmini, ataatsimeersuariarluni angalanermini ilaquttaminulluunniit Jehovamut Nalunaajaasuunngitsunut torrutiinnarlugu oqaluussisimaneranik misigisalikkersaartiguk.

10 min. „Ataatsimeersuaararnissamut sammisassat nutaat.“ Oqalugiaat. Qaqugu ataatsimeersuaaratoqarnisaa eqaajuk. Tamarmik ilungersortariaqarput atuaqqissaaqatigisartakkamik qaaqqunissaannut. Oqaluussisartut kuisissimanngitsut eqqarsaatigeqqissaartariaqarpaat tulliani ataatsimeersuaararnermi kuisissanerlutik. Ulluni marlunni taakkunani tamarmik najuunnissaannik kajumissaakkit.

20 min. „Tunuarsimaaqinak!“c Piffissaqarpat Vagttårnet 15. december 1999-imeersumit misigisat qupp. 25-miittut oqaluttuarineqarlik.

Erinarsuut nr. 63 naggasiillunilu qinuneq.

[Quppernerup ataani ilanngussat]