Oqaluussinermut tunngasumik ataatsimiinnernut pilersaarut

Sapaatip-akunnera juunip 11-aniit

Erinarsuut nr. 178

15 min. Nalunaarutit ilagiillu naatsorsuutaat. Qatanngutit tukkussusianik nerualaakkit, eqqaasikkillu unnummut Ilagiinnut tunissutit-nut nakkartinneqartut Europap kangiani Guutip naalaaffiata sulineranut tunissutigineqassammata. Oqaluussinermut tunngasumik ataatsimiinnermi sapaatip-akunnera 25. juunimiit videofilmi Jehovas Vidner står fast trods nazismens terror oqaloqatigiissutiginissaanut takoqqullugu tamaasa kajumissaakkit. Piffissap sinnerani oqaluussinermit misigisalikkersaartitsigit.

15 min. „Ajunngitsuliortuarit.“ Utoqqaanertamit oqalugiaat Biibililersaarut kajumissinartoq.

15 min. „Ilinniartup uummataa killiguk“a Tusarnaartunut eqqarsalersitsisumik qulequttanullu tulluartunik apeqqutiliorit. Atorluarsinnaasunik siunnersuuteqarit. Napasuliaq Alapernaarsuiffik-mi 1. aggusti 1999-moortumi qupperneq 14, immikkoortut 18-20-mi paasissutissat ilanngutikkit.

Erinarsuut nr. 184 naggasiillunilu qinuneq.

Sapaatip-akunnera juunip 18-aniit

Erinarsuut nr. 194

5 min. Nalunaarutit, ilaatigut toqqakkat Guutip Naalagaaffianut Kiffartorneq-meersut.

10 min. Akerliliinerit qanoq akineqarsinnaasut. Najuuttut peqatigalugit oqaloqatigiissutigineqassaaq. „Allakkat oqaloqatigiissutigisigik“-mi qupperneq 9-mi „MALUGIUK“-ip ataaniittoq innersuussutigiuk. Akerlileeriaatsinik quppernerni 9-miit15-miittunik angalaarfigisartakkassinni maanna atorneqakulasunik toqqaagit. Najuuttut siunnersuutit sorliit atussallugit nuannarigitik aamma sooq oqaluttuarilissuk.

30 min. „Kiffartornissannut piareersimavit?“ Oqalugiaat qiimmannartoq. Najuuttut immikkoortunut 13-mut 18-24-mullu apeqqutinut piareersarluagaasunut oqaaseqarlit. Angajoqqaat kajumissaakkit meeqqatik ikioqqullugit Betelimi kiffartornissaq eqqarsaatigeqqullugu. Ilaqutariit kajumissaakkit allaaserisaq taanna ilaqutariittut atuaqqissaaqatigiinnerminni atuaqatigiissutigeqqullugu. Danmarkimi Seltersimilu arlalinnik kiffartornissaminnut piareersimasunik pisariaqartitsisoqarnera naqissuseruk. Seltersimi Betelimiinniaraanni tyskisoorsinnaasariaqarpoq.

Erinarsuut nr. 197 naggasiillunilu qinuneq.

Sapaatip-akunnera juunip 25-aniit

Erinarsuut nr. 2

15 min. Nalunaarutit. Juulimi aggustimilu neqeroorutissavut eqqaakkit. Atuagassiaaqqat ilaannik marlunnik ilagiinni pigineqartunik saqqummiussaqarit. Piareersarluakkamik qanoq neqeroorutigineqarsinnaanersut takutitsisoqarli. Guutip Naalagaaffianut Kiffartorneq-mi siunnersuutit juuli imaluunniit aggusti 1995-miit 1998-moortut tunuaniniittut takukkit.

30 min. „Aalajaagit, uanga aalajaanniarpunga!“ Najuuttut peqatigalugit videofilmimut Jehovas Vidner står fast trods nazismens terror-imut immikkoortoq 2-miittut apeqqutit atorlugit Oqaloqatigiissutigineqassaaq. Naggataatigut misigisaq Vågn op! 22. novembari 1999-imoortumi qupperneq 31-miittoq oqaluttuariuk. Aggustimi videofilmi Den Nye Verdens Samfund i Virksomhed sammissavarput.

Erinarsuut nr. 29 naggasiillunilu qinuneq.

Sapaatip-akunnera juulip 2-aniit

Erinarsuut nr. 5

15 min. Nalunaarutit. Tamaasa eqqaasikkit oqaluussisimanerminnik nalunaaruteqaqqullugit. Rigets Tjeneste-mi ungalusaq „Mangler du en årbog i dit bibliotek“ maluginiaqqulaaruk. Årbogini pineqartuni misigisaq ataasiinnaq oqaluttuariuk, tamaasalu kajumissaakkit årboginik piginngisaminnik inniminneeqqullugit. Suli piffissaqarpat oqaluussisartut kiffartornerminni misigisalikkersaarsinnaapput.

15 min. Inuusuttut — inooriaasissassinnik qinersilerussi ilisimassuseqaritsi. Najoqqutassat Biibilimeersut ilinniagaqarnermut tunngasut misissussavavut, oqaluussinermut tunngasunik ataatsimiinnerni saqqummiunneqartussat pingasuusut una siullersaraat. Kristumiut inuusuttut ilaasa qaffasinnerusumik ilinniagaqarnissaq, anersaap piinik pingaartitsinerminnut ajoqutaasinnaasoq anguniagaraat. Saqqummiussassaq una angajoqqaat ernerminnik imaluunniit panimminnik inuusuttuaqqamik oqaloqatiginninnerissavaat. Inuusuttoq siunissami qanoq iliussanerluni aalajangertussanngorpoq. Naak allat aningaasarpassuaateqalernissaq, silarsuarmi angusaqarluarnissaq inuulluataarnissarlu anguniagarigaat takusinnaagaluarlugu ilaqutariit Biibilimi siunnersuutit eqqarsaatigaat. (Takuuk Unge spørger — Svar der duer, qupperneq 174-75; Vagttårnet 15. aggusti 1997-imoortumi qupperneq 19 aamma Napasuliaq Alapernaarsuiffik septembari 1999-imoortumi quppernerit 19-21-ni immikkoortut 1-3 aamma 5-6) Oqaloqatigiinneq pissusissamisoortuussaaq piviusorsiortuulluni misilinneqareesimassallunilu. Immaqa oqaloqatigiinneq uummaarinnerussaaq inuusuttoq akerliliilluni apeqqutissaqarpat ataqqinnippaluttumilli. Ilaqutariit imminnut ataqatigiilluartuusut malunnassaaq — tamarmik isummatik ammasumik saqqummiutissavaat unneqarillutillu. Inuusuttorli, angajoqqaaminik ingiarniaaginnassanngilaq. Angajoqqaat inuusuttoq tunngavilersuiffigaat paasitillugulu Guutip naalagaaffiata soqutigisai siuarsarniarlugit anersaakkut anguniagaqartitsisumik inooriaaseqarneq silatusaarnerusoq.

15 min. „Allat pisariaqartippaatsit.“ b Ineriartornartumik isumalluartumillu sammineqassaaq. Allaaserisami pingaarnerit erseqqissaakkit. Akissutinik immikkoortumit issuaaginnaqqunagit tusarnaartut eqqarsalersinniarlugit apeqquteqarit.

Erinarsuut nr. 32 naggasiillunilu qinuneq.

[Quppernerup ataani ilanngussat]