Oqaluussinermut Tunngasumik Ataatsimiinnernut Pilersaarut
Sapaatip-akunnera 10. apriilimit
Erinarsuut nr. 122
12 min: Nalunaarutit ilagiillu naatsorsuutaat. Qatanngutit eqqaasikkit unnummut Ilagiinnut tunissutit-nut nakkartinneqartut Europap kangiani Guutip naalagaaffiata sulineranut tunissutigineqassammata. Apriilip 16-ani immikkut ittumik oqalugiaatissaq „Sooq inuit utertitsissut pisariaqartikkaat“ eqqaajuk. Eqqaaniaalluni nalliuttorsiornissaq qanilliartortillugu Biibilimik atuagassat malinnaaffigeqqullugit tamaasa kajumissaakkit. Taakkulu takuneqarsinnaapput ’Ullormut allassimaffik’-mi ukioq mannamullu qaammatisiutini ulluni apriilip 14-anit 19-anut. „Eqqaaniaalluni nalliuttorsiunnginnermi eqqaamasassat“ qupperneq 4-miittoq sammiuk. Suliniuteqarneq qanoq ingerlava? Atuagassianik aalajangersimasumik pisartagaqalerumasut qassiuppat? Ikiorti-pioneeritut toqqarneqartut ilaat kiffartortillutik misilittagaannik oqaluttuartikkit.
15 min: „Kristusip asanninnera qisuariarfigilluarpiuk?“ Annerpaamik minutsi ataaseq atorlugu aallarniuteqarit, kingornalu apeqqutinik akissutinillu sammiuk. Napasuliaq Alapernaarsuiffik-mit 1. maaji 1998-imoortumit, qupperneq 18, 19-imillu, immikkoortut 12-imiit 13-miillu tigusaqarit. Eqqaaniaalluni nalliuttorsiornissamut tamaasa qaaqqusiniarlutik suliniuteqarnerunissaannik kajumissaakkit.
18 min: „Apriili — ajunngitsuliornermut aallussiffissaq.“ Apeqqutit akissutillu. Apriilimi suna naammassisassatut pilersaarutiginerlugu qiimasumik oqaloqatigiinneq. Naggasiullugu 3-4 minutsit atorlugit „Aallussilluarnerup amerlasuut kajumissaarpai“ sammisiuk.
Erinarsuut nr. 199 naggasiillunilu qinuneq.
Sapaatip-akunnera 17. apriilimiit
Erinarsuut nr. 25
15 min: Nalunaarutit. Guutip Naalagaaffianut Kiffartorneq-mit nalunaarutit toqqakkat. Qaammatip naannginnerani tamaasa oqaluusseqataaqqullugit kajumissaakkit. Guutip Naalagaaffianut Kiffartorneq-mi marsimoortumi, qupperneq 2-mi sapaatip-akunneranit 13. marsimit oqaluuserisassaq pillugu paasissutissat sammikkit. Naggataatigut minutsialuit atorlugit amerlanerusunik atuagassianik pisartagaqartussanik suliniuteqarneq oqaluuseriuk. Aalajangersimasumik pisartagaqarusuttut manna tikillugu qassit isumaqatigiissutigineqarpat? Kiffartuussinermit misigisalikkersaartitsigit.
15 min: „Ikiorti-pioneeritut kiffartornerit pissarsiffigilluaruk.“ Apeqqutit akissutillu atorlugit sammineqassaaq. Siorna ikiorti-pioneeriusimasoq ukiorlu manna ikiorti-pioneerioqqittoq apersoruk. Oqaloqatigiissutigiuk sooq allaaserineqartutut pisoqariataartartoq, aperiullu ukioq manna allaanerutinniarlugu qanoq iliorniarnersoq.
15 min: Tamaani pisariaqartitat.
Erinarsuut nr. 71 naggasiillunilu qinuneq.
Sapaatip-akunnera 24. apriilimit
Erinarsuut nr. 137
15 min: Nalunaarutit. Ilagiinni eqqaaniaalluni nalliuttorsiornermut najuuttut qassiuneri taakkit. Soqutiginnittut siullerpaamik najuuttut qanoq igineraat, imaluunniit oqaluussisartut immikkut suliniuteqarnermit misigisami oqaluttuarlit. Maajimi ikiorti-pioneeriusussat kikkuunersut taakkit.
15 min: Nutaat ataatsimiigiartarnissaannut ikiukkit. ’Ilisarsineq’-mi, quppernerit 161-imit 163-imut, immikkoortut 5-8 pillugit oqalugiaat. Nutaat atuaqatigineqartarnerat sivitsulaarpat ataatsimiinnernut najuuttalernissaat pingaaruteqarpoq. Ataatsimiigiartalernissaat unamminiarnartuusinnaavoq. Iliuuseqartinniarlugit qanoq iliortoqarsinnaava? Biibilimik atuaqqissaaqateqaraanni ’Ilisarsineq’ atorlugu tamatuma pingaaruteqassusia sivikitsumik atuaqqissaaqatigiissutigineqarsinnaavoq, taavalu ataatsimiigiaqataasalernissaannut ikiorumaneqarsinnaallutik. Soqutiginnittut Biibilimik atuaqqissaaqatigineqartartut amerlavallaanngippata qatanngutit ataatsimiigiaqqusinissap eqqumaffiginissaanut kajumissaarneqarput, allaaserisarlu ilagiit ilaasortaasa nammineerlutik ataatsimiinerit pingaaruteqarnerisa eqqortumik isumaqarfiginissaannut kajumissaarutitut atorneqarsinnavoq. Ataatsimiinnerit guutisiornitta pingaarnersaasa ilagaat, tunniulluinnarsimagattalu pisussaaffigilerparput. Soqutaannginnerusut pissutigalugit ataatsimiigiartanngikkutta guutipilussiornertut isigineqarsinnaavoq. — 1 Juá. 5:21; 1 Kor. 10:14, Takuuk Indsigt i Den Hellige Skrift, atuagaq 1, immikkoortup „Afgud, afgudsdyrkelse“-p ataani.
15 min: „Aalajangersimasumik oqaluussisartuuit?“ Allatsimit oqalugiaat najuuttut peqatigalugit. Oqaluttuariuk sooq kiffartornerput nalunaarutigisarneripput. (Takuuk ’Organisationsbogi’, quppernerit 103-105.) Nalunaarusiamik piffissakkut eqqortukkut tunniussaqanngikkaangatta suut ajornartorsiutaasartut eqqaakkit. Tusarnaartut oqaluttuartikkit piffissakkut eqqortukkut nalunaarusiorniarlutik qanoq iliortartut. Tassunga atatillugu atuakkamik atuaqqissaaqatigiinnermik aqutsisut qanoq iliorsinnaasut eqqaakkit. Apriilimi weekendi ataasiinnanngormat tamarmik oqaluusseqataasariaqarnerisa qaammallu naappat nalunaarusiamik tunniussaqartariaqarnerisa pingaaruteqarnerat oqalugiartup ersersissavaa.
Erinarsuut nr. 200 naggasiillunilu qinuneq.
Sapaatip-akunnera 1. majimit
Erinarsuut nr. 213
10 min: Nalunaarutit. Tamaasa eqqaasikkit nalunaarusiamik tunniusseqqullugit. Atuakkamik atuaqqissaaqatigiinnermi aqutsisut isumagisariaqarpaat gruppiminniittut tamarmik nalunaarusiaqarnissaat, maajip 6-utinnagu naatsorsorneqareerniassammata. „Apeqquteqarfik“ ilagiinnut tulluarsarlugu sammisiuk. Immikkut suliniuteqarneq qanoq ingerlava? Ilagiinni atuagassianik aalajangersimasumik pisartagaqarumasut qassit isumaqatigineqarpat? Eqqaamajuk suliniuteqarneq maajimi ingerlaannassammat.
20 min: „Ukiukitsut inersimalluartut.“ Oqalugiaat takutitsinertalik. Saqqummiussamut tamatumunnga atugassamik nassiussisoqarumaarpoq. Allaaserisaq maleqqissaaruk.
15 min: „Imminut pilliutigeriaannaavit?“ Apeqqutit akissutillu. Pingaaruteqartunik salliutitsisariaqarpugut. Anersaakkut iluaqutigisatsinnik iliortuassagutta siulliulluta iliuuseqartariaqarpugut imminullu naalakkersinnaasariaqarluta. Jesusip maligassiaanit suna ilikkarsinnaagipput nassuiaruk. — Takuuk Indsigt i Den Hellige Skrift, atuagaq 1, qupperneq 1127, immikkoortut 2-mit 4-mut.
Erinarsuut nr. 68 naggasiillunilu qinuneq.