Jehovap Nalunaajaasuisa Napparsimmavinnut Paasissutissiisarfiat — illillu
1 Tamatta Napparsimmavinnut Paasissutissiisarfiup suliai pingaartippavut. (Fil. 2:29) Oqaluussisartut kuisimasut kuisimanngitsullu (meraallu) Jehovap inatsisaanik maleruaarusuttut taamaattumillu aak atornagu suliaritikkumasut ikiortarpai. Ikiuineq tamanna pisariaqartissagukku utoqqaanertat aqqutigalugit Napparsimmavinnut Attaveqartitat tamaaniittut atassuteqarfigisinnaavatit. Oqaluussisartoq ilisimanngippat nukangasuupalluunniit ilaqutaasut ikioqqusinnaapput.
2 Naak inatsisinut nakorsanullu tunngasutigut atukkat ukiuni kingullerni Jehovap Nalunaajaasuinut pitsaaneruleraluartut, suli immersugassaativut atortariaqarpavut aalajangiusimasatta ataqqineqarnissaa qulakkeerniarlugu.
3 Siumoortumik peqqussut nalinginnaasoq. Kuisimasunit tamanit, aamma nukangasunit, atorneqarsinnaavoq. Ilisimanani napparsimmavimmukaanneqaruni nammineq kissaatigisani kingulleq naapertorlugu suliaritissaaq, taamaattumillu ukiut tamaasa immersugassaq tamanna nutartissallugu pingaaruteqarpoq.
4 Oqaluussisartut kuisimanngitsut inuusuttuaqqallu 15-18-illu akornanni ukiullit namminneq atukkaminnut aalajangiusimasaminnullu naleqqussakkamik siumoortumik peqqussusiorsinnaapput. Siumoortumik peqqussutip nalinginnaasup oqaasertai assilikannersinnaavaat.
5 Kinaassutsimut allagartaq. Angajoqqaat Jehovamut nalunaajaasuusut kuisimanngitsunik nukangasunik meerallit kinaassutsimut allagartamik (ic-D 10/98) meeqqat tamarmik immikkut pissaannik tunineqarsinnaapput.
6 Siumoortumik peqqussut annertusisaq. Kuisimasunit tamanit, aamma nukangasunit, atorneqarsinnaavoq. Tamatta nammineq aalajangissavarput siumoortumik peqqussut annertusisaq immersussanerlugu, kisianni taamaaliornissaq silatusaarnerussaaq aak atornagu suliaritinnissaq qulakkeerniaraanni siumullu aalajangerlugu aammut taartaasinnaasut suut akuerissanerlugit. Pisariaqanngilaq ukiut tamaasa nutaamik immersuissalluni. Immersuisimagaanni siumoortumik peqqussutip nalinginnaasup saqqaani ima allattariaqarpoq: „Aamma suliaritinnissaq pillugu tamakkiisumik piginnaatitsissut atsiorpara. “ (Ajunnginnerussaaq assammik allakkukku.)
7 Akuersinermik nalunaarut napparsimmavimmi sulisunut iluaqutaassaaq pulaaqqullutit Betelimut saaffiginnissinnaaniassammata. Amerlasuut siumoortumik nalinginnaasumi peqqussutiminniitittarpaat. immersugassaq Peqatigiiffiup oqarasuaataanik nutaamik normulik (5945 6000) atussallugu eqqumaffigiuk.
8 Nakorsanik sulisunillu akisussaatitsiunnaarnermik nalunaarut. Nakorsap kingunipiloqarnissaa isumakuluutigippagu napparsimasullu napparsimmavimmut allamut nuunnissaanut piffissaqanngikkaanni atorneqarsinnaavoq.
9 Qatanngutit nunanut allanukarniartut atuagaasivimmi siumoortumik peqqussut tuluttut pisinnaavaat. Ajunaartoqarpat Napparsimmavinnut Paasissutissiisarfik qallunaat nunaani immikkoortortaqarfimmiittoq sianerfigineqartariaqarpoq. Taamaattumik oqarasuaatit normui marluk allagartap tunuani allakkit: +45 59 45 60 00, ullukkut; +45 20 41 91 41, ajutoortoqariataartillugu. Qallunaat nunaanni immikkoortortaqarfiup pisariaqartoq isumagiumaarpaa.
10 Qatanngutit Attaveqartitanut ilaasut sinnerlutit aalajangiiniassanngillat. Ilinnut nakorsannullu paasissutissiisinnaapput, kisianni illit nammineq nakorsaq isumaqatigalugu aalajangiissaatit. (Gal. 6:5) Nakorsat paasinnittut misilittagaqarfigilluarukkit qatanngutit allat ikiorsinnaavatit misilittakkavit taamaattut Attaveqartitanut tunniunnerisigut. Utoqqaanertat imaluunniit qatanngut Attaveqartitanut ilaasoq ilinnik ikiuisimasoq aqqutigalugu allagit.
11 Napparsimmavinnut Paasissutissiisarfik aaqqissuussinerugallarpoq Jehovallu napparsimasunik soqutiginninneranut ersiutaangaarluni. (Naleqqiuguk Matîuse 25:36.) Tamakkiisumiunngitsorli ikiorsinnaavaatigut. Kisianni neriuuterput aalajangiussimagutsigu Jehovamullu aalajaattuarutta qilanaarisinnaavarput ulloq ima „oqartoqarfiunngitsoq: ’Napparsimavunga!’ “ — Jes. 33:24.