Jehovamut ikioqqugit
1 Jesusip ajoqersukkani eqqaasittuartarpai kiffartornerata Jehovamit pilluaqquneqartariaqarneranik. (Mat. 9:37, 38) Jehovamut qujanerput unnersiutiginninnerpullu aammalu torlulanerput kutsiuutivullu ersiutaapput Jehovap ikiuinissaa tatigilluinnaripput. (Fil. 4:6, 7) Biibilimi kajumissaarneqarpugut ’torlulaqqulluta qinusaqqullutalu’, tassanilu kristumiutut kiffartornerput pillugu qinnutit pineqarput. — Evf. 6:18, NV.
2 Jehova qinunikkut unnersiutigaarput pissusii asseqanngitsut iliuuserisimasaalu pillugit. Unnersiutigaarputtaaq nutaarsiassamik nuannersumik oqaluussissutigisatsinnik tunisimammatigut. Unnersiutigineqarnissaa naleqqulluarpoq taassuma kisimi kiffartornitta iluatsinnissaa isumagisarpaa. — Tus. 127:1.
3 Qutsavigigaangatsigu piumasaanik siunertaanilu paasitinneqarnitsinnik pingaartitsinerput takutittarparput. Allat sallusuissummik oqaluttuunnerat immikkut pisinnaatitaaffiuvoq aningaartoq, oqaluussinermilu naammassisinnaasatsinnut tamanut Jehova qutsavigaarput. — Tus. 107:8; Evf. 5:20.
4 Pissusissamisoorpoq Jehova qinnuigissallugu inunnik Biibilimik atuaqqissaarumasunik nanisinissatsinnut sallusuissummillu uummataat angusinnaajumallugu ikioqqugutta. Qinnutit taamaattut takutippaat oqaluussinerput taamaallaat Guutip pilluaqqusinerata nassatarisaanik kinguneqartoq akuerigipput. — 1 Kor. 3:5-7.
5 Qatanngutip arnap maluginiarsimavaa arnap atuagassiat Napasuliaq Alapernaarsuiffik aamma Iteritsi! pajugutigisartakkani atuarneq ajorai. Qatanngutillu soorunami atuagassiat asuliinnarnissaat kissaatiginngilaa, taamaattumik Jehova kutsiorfigaa arnap atuagassiat atuartanngikkunigit tigusiumassanngitsoq. Tulliani pulaarmat arnap uia oqarpoq: „Qujanaq atuagassiat aggiuttuaannarakkit. Atuartuaannarpakka, nuannareqaakkalu.“
6 Ilumoorluta maniguullutalu Jehova qinnuigisarsinnaavarput illaruaatiginnittarnerup soqutigisaqannginnersuullu naammagalugit atornissaannut ikioqqulluta inunnullu qununerup ajugaaffiginissaanut nakimaalluta oqaluussinerput ingerlatiinnarsinnaaqqullugu. (ap. sul. 4:31) ’Torlulallutalu qinuttuinnarutta’ illernartumillu kiffartornitsinni naalalluta qasusuikkutta tatigilluarsinnaavarput Jehovap ikiussagaatigut. — 1 Juá. 3:22.