Novembarimi oqaluussinermut tunngasumik ataatsimiinnerit
Sapaatip-akunnera 2. novembarimit
Erinarsuut nr. 38
10 min. Nalunaarutit, ilaatigut Guutip Naalagaaffianik Kiffartorneq-meersut toqqakkat. Oqaluussisartumik oqaluussinerminit misigisalikkersaartitsigit.
15 min. „Kikkut tamarmik ’oqaatsimik ilassinnittariaqarput’.“ Apeqqutit akissutillu. Siunnersuutinik Naalagaaffimmut Kiffartorneq-mi juuni 1996-imoortumi immikkoortoq 21-meersunik ilanngussigit.
20 min. „Biibilimik atuaqqissaaqatitaarusuppunga.“ Kiffartornermik nakkutilliisup najuuttut peqatigalugit sammissavaa. Pulaaqqiinermik suliniutit tamarmik qanoq aaqqissuunneqarnissaat nassuiaruk. Ajornanngikkaangat oqaluussisartut misilittagaqarnerit oqaluussisartunik misilittagakinnernik nutaanilluunniit suleqateqarsinnaapput. Siunnersuutit Naalagaaffimmut Kiffartorneq-mi apriili 1998-imoortumi immikkoortuni 12-15-imiittut uteqqikkit. Oqaluussisartoq pikkorissoq takutitsisiguk qanoq ililluni pulaaqqiinermi Biibilimik atuaqqissaarnissamik neqeroortoqarsinnaasoq. Tamaasa kajumissaakkit Biibilimik atuaqqissaaqateqalernissartik ilungersuutigissagaat.
Erinarsuut nr. 35 naggataarutaasumillu qinnut.
Sapaatip-akunnera 9. novembarimit
Erinarsuut nr. 187
13 min. Nalunaarutit. Ilagiit naatsorsuutaat sammineqassapput. Qatanngutit tukkussusiannik nersualaakkit, eqqaasillugillu unnummut tunissutit ilagiit tunissutinik nakkaatitsiviannut nakkartinneqartut Europap kangiani Guutip naalagaaffiata sulineranut tunissutigineqassasut. Apeqquteqartarfik.
15 min. Tamaani pisariaqartitat.
17 min. „Ataatsimiinnerni akisarnitsigut ineriartorteqatigiinniarta.“ Apeqqutit akissutillu. Erseqqissaruk akisarneq anersaakkut ineriartortitseqataasartoq. (Takuuk ’Skolehåndbogen’, lektion 38, immikkoortoq 4.) Ilagiinni akinerusalernissaminnik suliniuteqarsimasunik oqaluttuartitsigit, ataatsimiinnernilu peqataasarnertik qanoq iluaqutigisimagaat.
Erinarsuut nr. 51 naggataarutaasumillu qinnut.
Sapaatip-akunnera 16. novembarimit
Erinarsuut nr. 182
8 min. Nalunaarutit. Biibilimik atuaqqissaaqateqarnermit misigisalikkersaarneq. Piareersarluagaassaaq.
20 min. „Nakkutilliisut siuttuusut — Atuarfimmik nakkutilliisoq.“ Atuarfimmik nakkutilliisup oqalugiaataa. ’Skolehåndbogen’-imi, qupperneq 10-11-mi, immikkoortoq 6-imit 12-imut sammikkit.
17 min: „Sunniisinnaassuseqartumik kiffartorit.“ Immikkoortut 1-7 sammineqassapput apeqqutit akissutillu atorlugit. Ingammik tamaani oqaluussisarfitsinnut naleqquttut erseqqissakkit.
Erinarsuut nr. 167 naggataarutaasumillu qinnut.
Sapaatip-akunnera 23. novembarimit
Erinarsuut nr. 89
8 min. Nalunaarutit. Vågn op!-ip 8. aggusti 1998-imoortup tunuani atuakkap Jesusimut tunngasup inunnut sunniutai pillugit misigisalikkersaarutit oqaluttuareqqikkit. Oqaluussisartut tamarmik atuakkap tamatuma periarfissani tamani neqeroorutigisarnissaa eqqumaffigisariaqarpaat.
17 min. „Sunniisinnaassuseqartumik kiffartorit.“ Immikkoortut 8-21 sammineqassapput apeqqutit akissutillu atorlugit. Ingammik tamaani oqaluussisarfitsinni atorneqarsinnaasut erseqqissarneqassapput.
20 min. Biibilimik atuartarneq qanoq pissarsiaqarfigineqarnerusinnaanersoq pillugu siunnersuutit. Napasuliaq Alapernaarsuiffik-mi 1. maaji 1995-imoortumi quppernerit 18-19 tunngavigalugit oqalugiaat. Erseqqissaruk ullut tamaasa Biibilimik atuarneq qanoq anersaakkut iluaqutaasartoq. Siunnersuutigineqarsimasut eqqaakkit, qanorlu ililluni atorneqarsinnaanersut. Oqaluussisartut marluk pingasulluunniit oqaluttuartikkit Guutip oqaasianik aalajangersimasumik atuartarnertik qanoq iluaqutigisimagaat.
Erinarsuut nr. 46 naggataarutaasumillu qinnut.
Sapaatip-akunnera 30. novembarimit
Erinarsuut nr. 64
15 min. Nalunaarutit. Piffissaq eqqorlugu oqaluussisimanermik nalunaarutinik tunniussinissaannik tamaasa eqqaasikkit. Atuagaq Inuk inuit inuusimasut pingaarnerpaartaat decembarimi qanoq ililluni neqeroorutigineqarsinnaasoq takutitsissutigineqassaaq. (Takuuk km 12/97.) Siulleq inuusuttumuussaaq aappaalu ilaqutariinni ataataasumut mikisunik meeralimmut. Saqqummiinerit tamaani pissutsinut naleqqussarneqassapput, oqaluussisartullu pulaakkaminnik oqaloqateqarnissaat pingaartinneqassaaq. Oqaluussisartut takutissavaat qanoq pulaakkaminnut tusarnaarlutik, oqaatigisaallu aallaavigalugit nangeqqillutik. Takutitsinerit piareersarluagaallutillu misileqattaarneqareersimassapput.
15 min. Jehovas Vidners kalender 1999 atorluaruk. Oqalugiaat. Qaammatisiutit iliasarnaataasa ilaannik taasaqarit: (1) assiliartai kusanartut Biibilimi pisimasunik maluginiarnartunik ajoqersuutinillu ersersitsisut, (2) sapaatip-akunneranut Biibilimit atuagassanik Teokratiimik Atuarfimmi atugassanik pilersaarut (3) eqqaaniaanissaq sioqqullugu Biibilimit atuagassanik pilersaarut, (4) qaqugu allattariarsorluni uteqqiisoqarnissaanik paasissutissat kiisalu (5) atuagassianik aalajangersimasumik agguaasseqataanissamik eqqaasitsissut. Kipparissuaqqat sumut atorneqarsinnaanerat eqqaajuk: oqaluussinissamik pilersaarummut oqaluussinermilu angusanik oqaluussiartoqatissanillu, ataatsimiinnerni saqqummiussassanik, tulliani ataatsimeersuarfissap ulluinik imaluunniit nakkutilliisup angalasartup tikinnissaanik allattuiffittut. Qaammatisiutit angerlarsimaffimmi suliffimmiluunniit takussaasumiitinnerisigut Biibili pillugu oqaloqateqarnissamut periarfissiortoqarsinnaavoq. Misigisalikkersaarneq ’Årbogimi’ 1988-imoortumi quppernermi 8-miittoq oqaluttuariuk.
15 min. Brochuri Toqugutta qanoq pissaagut? iluaqutigiuk. Pingaarnersiorlugu sammineqassaaq. Tarnermik toqujuitsumik ajoqersuutip tunuliaqutaa ajoqersuutillu tamatuma qanoq ililluni silarsuarmi upperisarsiornerni tamangajanni qitiulersimanera brochurimi sammineqarpoq. Tarneq, sooq toqusartugut, toqungasut pissusiat, toqup kingorna inuunermik sumik neriuutissaqarnersoq aamma sooq pinngitsoorata tamakku ilumoortumik ilisimasariaqarivut kajumissinartumik nassuiarneqarput. Brochuri kikkut tamarmik atuartariaqarpaat. Assiliartaasa 40-sut ilaannik immikkoortullu tamarmik aallartinneranni issuakkanik inunnik soqutiginnilersitsisinnaasunik toqqagaqarit. Takutinneqassaaq immikkoortoq kingulleq qanoq saqqummiunneqarsinnaasoq Biibilimik atuaqqissaaqatitaarniarluni. Oqaluussisartut oqaluussinerminni brochurimik qanoq atuissamaarnerannik oqaluttuartikkit.
Erinarsuut nr. 121 naggataarutaasumillu qinnut.