Inoqatitta nutaarsiassap nuannersup tusarnissaa pisariaqartippaat
1 Guutip ’inuit tamaasa annaqquai sallusuissumillu ilisarsileqqullugit’. (1 Tim. 2:4) Oqaatsit ’inuit tamaasa’ atorneqarmata isumaqarpoq inoqativut tamaasa tullermut asanninnermik ersersitsivigisariaqarivut. Nutaarsiassamik nuannersumik tusarlerniarlugit naleqqussaasinnaasariaqarpugut pulaakkattalu soqutigisinnaasaannik paasiniaasarluta. (1 Kor. 9:19-23) Jehovap peqatigiiffiata atortussatsinnik tunisimavaatigut ’inuunermik naassaanngitsumik pissaqaqqusaasut’ uummataannik angusiniarnitsinni iluaqutigisinnaasatsinnik. (ap. sul. 13:48) Juulimi aggustimilu inoqatitta anersaakkut pisariaqartitaat matuniarlugit atuagassiaaqqat qanoq atorsinnaanerivut takoriartigu.
2 Atuagassiaaqqanik saqqummiussineq: Atuagassiaaqqat qanoq saqqummiunneqarsinnaanerannik ataani siunnersuuteqarpoq. Siunnersuutit tamarmik imaattunik imaqarput (1) apeqqut eqqarsalersitsisoq oqaloqatigiinnissamut aqqutissiuisinnaasoq, (2) atuagassiaaqqami eqqarsaatinut soqutiginartunut innersuussineq aamma (3) allassimaffik naleqquttoq oqaloqatigiinnerup nalaani pulaakkamut takutinneqarsinnaasoq. Saqqummiussinerup sinnera pulaakkap qisuariarnera naapertorlugu nammineq oqaatsit atorlugit ingerlanneqarsinnaavoq. Atuagassiaaqqat amerlanersaannut Guutip Naalagaaffianut Kiffartorneq-rup normuanut pisoqaanerusumut, atuagassiaaqqamik saqqummiusseriaatsimik sukumiinerusumik imaqartumut, innersuussuteqarpoq.
Guutip ilumut soqutigaatigut?
Isumaqarpit naalliunnartut inuit misigisimasaat taarserniarlugit iliuuseqartoqarsinnaasoq? — Quppernerit 27-28, immikkoortut 23-27; Jes. 65:17, 18; km 7/96, qupperneq 4, immikkoortoq 2.
Inuuneq sumik siunertaqarpa? Qanoq ililluni nanineqarsinnaava?
Inuit amerlasuut inuunerminni nalerisimaannginnerat sumik pissuteqarsoraajuk? — Quppernerit 29-30, immikkoortut 2, 25-26; Tus. 145:16; km 7/96, qupperneq 4, immikkoortoq 6.
nuname inûneĸ nâgssáungitsumik nuánârutigiuk!
Jesus ullumikkut sulerinersoq eqqarsaatigisimaviuk? — Assilissat nr. 41-42; sar. 11:15; km 8/94, qupperneq 4, immikkoortoq 5.
nâlagauvfik pâratîsimik pilersitsiumârtugssaĸ
Guutip naalagaaffia qinnutigeqqullugu Jesusip ajoqersuutigisaa paasisaqarfigerusuppiuk? — Qupperneq 3; Mat. 6:9, 10; km 7/95, qupperneq 4, immikkoortoq 2.
Asasamik toqusoqaraangat . . .
Toqukkut annaasaqarsimasumik qanoq tuppallersaasoqarsinnaanersoq ilisimassallugu pisariaqartissimaviuk? — Qupperneq 26, immikkoortut 2-5; Juá. 5:28, 29; km 7/96, qupperneq 4, immikkoortoq 4.
Skal man tro på treenigheden?
Guuti ataasiullunilu pingasuusumik ajoqersuummik isiginnittaaserput siunissatsinnut pingaaruteqarpa? — Qupperneq 3, immikkoortut 3, 7, 8; Joh. 17:3.
3 Atugassiaaqqat allat: Guutip Naalagaaffianut Kiffartorneq-mi februaari 1998-imoortumi atuagassiat allat, atuagassiaaqqallu buddhistinut, hindunut, juutinut musliminullu oqaluussinermi atugassiatut immikkut allatat, saqqummiunneqarput. Naleqqukkaangat naapitatsinnut tamakku neqeroorutigisarsinnaavavut. Guutip Naalagaaffianut Kiffartorneq-mi quppernerni 4-6-imi aamma ’Ræsonnerebog’-imi quppernerni 21-24-mi siunnersuutit misissoqqikkaanni saqqummiusseriaatsinillu naatsunik kristumiutut tunuliaqutaqanngitsunik soqutiginnilersitsisinnaasunik periareersaraanni pitsaassaaq.
4 Biibili pillugu atuagassiaaraaterput inunnut ilinniagaqarluartunut, Biibilimilli ilisimasaqarpallaanngitsunut, kajumissaarisuuvoq. Inuit Biibilimik misissuinissaminnik kissaateqalersinniarlugit suliarineqarsimavoq.
Inunnut tamanut atuagaq
Isumaqarpit Biibilimik ilisimasaqarneq nalinginnaasumik ilisimasaqarnermut aamma ilaasariaqartoq? — Qupperneq 3, immikkoortut 1-3 aamma qupperneq 30, immikkoortoq 2; Nal. oq. 12:9, 10.
5 Atuagassiaaraq Biibilimik atuaqqissaarnermi atugassaq: Oqaluussinermi anguniagarput tassaajuartariaqarpoq Biibilimik atuaqqissaaqatitaarneq, siullermik pulaarnermi pulaaqqiinermiluunniit. Tamatumunnga atatillugu atoruminartumik atuagassiaaraateqarpugut atuaqqissaaqatitaaraangatta aqutsigaangattalu atorsinnaasatsinnik:
Guutip sumik piumaffigaatigut?
Nalunngiliuk sapaatip-akunnerini 16-ini sapaatip-akunneranut minutsit 30-t missaat atorlugit Biibili tunngaviunerusumik paasilersinnaagit? — Ilinniagassaq 2, immikkoortoq 6; 2 Tim. 3:16, 17; km 3/97 qupperneq 4, immikkoortoq 16.
6 Samariamiu naakkinnittoq pillugu assersuusiamini Jesusip erseqqissarpaa tulleq ilumoortoq tassaasoq inuk atugarliortumik takusaqaraangami asanninnermik inussiarnernermillu ersersitsiviginnittartoq. (Lúk. 10:27-37) Inoqativut anersaakkut atugarliorput. Nutaarsiassap nuannersup tusarnissaa pisariaqartippaat. Tamanna pillugu oqaluttuunnissaat akisussaaffigaarput taamaalillutalu takutillugu Jesus Kristusip ajoqersugarigaatigut ilumoortut. — Mat. 24:14; Gal. 5:14.