Atuagassiaaqqat kiffartornermi atortussiaapput naleqaqisut
1 Sanasoq sannatinik assigiinngitsunik nassataqartarpoq suliassat assigiinngitsut suliarisinnaajumallugit. Naalagaaffimmik oqaluussisartutut atuagassiaaraaterpassuaqarpugut oqaluussiffitta pisariaqartitaannik matussutissiiniarnitsinni iluaqutigisinnaasatsinnik. (Uss. 22:29) Immaqa isummamigut anniaateqartumik naapitsissaagut. Immaqa allami naalakkersuisunik unneqqarissunik maqaasisalik naapissavarput, immaqalu allami inuunerup siunertaanik isumaliutiginnittartumik naapitsissalluta. Inuit taakku ikiorniarlugit atuagassiaaraativut qanoq atorsinnaavavut?
2 Atuagassiaaraq „Guutip ilumut soqutigaatigut?“ ima oqarlutit neqeroorutigisinnaavat:
◼ „Inuit ilarpassuisa naalliuutinut naapertuilluanngitsuliornernullu Guuti pisuutittarpaat. Isumaqarlutik Guuti ajugaqanngitsuugami soqutigigunitigut naalliuutit kipitereersimassagaluarai. Illit qanoq isumaqarpit? [Pulaakkat akili.] Tussiaat 72:12-14-imi ersersinneqarpoq Guutip ilumut soqutigigaatigut. Naalliuutit naapertuilluanngitsuliornerillu atuunnerinut taanna pisuunngilaq. Neriorsuisimavoq ajortumik iliortut erniinnaq peerneqarumaartut. Atuagassiaaqqami uani Guutip ilumut soqutigaatigut?-mik qulequtalimmi ersersinneqarpoq Guuti qanoq iliuuseqarumaartoq qanorlu ililluta uagut tamanna iluaqutigisinnaagipput.“ Immaqa oqaloqatigiinneq nangeqqissinnaavat quppernermi 27-mi immikkoortoq 22 aallaavigalugu.
3 Atuagassiaaraq „Hvad er meningen med livet?“ atorukku ima oqarsinnaavutit:
◼ „Inuit tamangajammik sukkulluunniit ima aperisarput: ’Inuunerup suna siunertaraa?’ Siunertaa tassaannaava ukiuni 70-80-ini inooriarluta toqunissarput? Imaluunniit allamik ilimagisaqarsinnaavugut? Illit qanoq isumaqarpit? [Pulaakkat akili.] Uani Tussiaat 37:29-mi Guutip inuit nunarsuarlu pillugit siunertaa allaatigineqarpoq.“ Allassimaffik atuareerukku qupperneq 31-mi assiliaq takutissinnaavat, Paratiisimilu inuuneq qanoq ittuujumaartoq oqaluttuaralugu.
4 Atuagassiaaraq „Ata! Suut tamaasa nutaanngortippakka“ saqqummiussinnaavat qaliani tamarmi assiliartaq isiginnaartiitigalugu, imalu aperalutit:
◼ „Nunarsuaq taamatut isikkoqalissappat suna pisariaqarsoraajuk? [Pulaakkat akili.] Assilissami uani kikkut tamarmik angerlarsimaffeqarput siunertaqarluartumillu suliaqarlutik. Eqqissineqarpoq, naammattunik nerisassaqarpoq mingutsitsisoqanngilarlu. Illit isumaqarpit nunarsuarmi naalakkersuisut, immaqaluunniit FN, nunarsuarmi pissutsinik taama ittunik pilersitsisinnaasut? [Pulaakkat akinissaanut piffissaqartiguk.] Biibilimili neriorsorneqarpugut ’Guutip suut tamaasa nutaanngortikkumaarai’. [Qupperneq 30 qupperuk, taavalu sarĸúmersitat 21:3, 4 atuarlugu.] Atuagassiaaqqami uani ersersinneqarpoq silarsuarmi nutaami tamatumani inuusinnaalissaguit qanoq iliortariaqartutit.“ Soqutiginnippasippat qupperneq 3 quppersinnaavat takutillugulu Biibilimik atuaqqissaarneq qanoq ingerlanneqartartoq.
5 Atuagassiaaraq „nuname inûneĸ nâgssáungitsumik nuánârutigiuk!“ atussagukku ima saqqummiisinnaavutit:
◼ „Inuppassuit isumaqarput naassaanngitsumik inuulissagunik qilammut pisariaqarlutik, qanorli isumaqassavit oqassaguma nunarsuarmi maani naassaanngitsumik inuulersinnaasutit? [Pulaakkat akili.] Biibilimi neriorsoqqissaarneqarpugut inuunermik naassaanngitsumik angusinissaq ajornanngitsoq, aammalu oqaluttuarineqarpoq qanoq ililluta tamanna angusinnaagipput.“ Juánase 17:3 atuaruk. Taava assiliaq nr. 49 takutiguk, aperalutillu: „Silarsuarmi taama ittumi inoorusussinnaavit?“ Atuagassiaaraq neqeroorutigiuk pulaaqqinnissaanillu isumaqatigiissuteqarfigalugu.
6 Atuagassiaaqqani ullumikkut soqutigineqartut sammineqarput, inuit apeqqutaat akineqartarlutik tuppallersaatissiillutillu. Atortussat tamakku atorluarnerisigut inuit unneqqarissut ikiorsinnaavavut ’sallusuissut pillugu eqqorluartumik ilisimasaqalernissaannik’. — 1 Tim. 2:4. (kmD Brochurerne er værdifulde . . .)