Tamatta suliap naammassinissaanut pisariaqartinneqarpugut
1 Jesus Kristusip ajoqersugaasa tamarmik paasisariaqarpaat oqaluussinermut peqataaneq tapersersuinerlu qanoq pingaartigisut. Jesusip nalusimanngilaa ajoqersukkami Naalagaaffiup inerititai assigiinngitsunik annertussusilimmik ineriartortikkumaaraat. (Matt. 13:23) Oqaluussinerup ilaa annertooq pioneerinit naammassineqartarpoq, kisianni ilungersuussillutik Guuti naalannarsisillugu inerititaqangaartut tamarmik nersorneqartariaqarput. — Juá. 15:8.
2 Ataatsimoorlutik iliuuseqartut naammassisaqangaartarput: Jesusip siulittuutigisimavaa ajoqersukkani imminit annerusumik naammassisaqarumaartut. (Juá. 14:12) Naak immaqa pissutsit atukkavut pissutigalugit oqaluussinermi kissaatigisatsitut naammassisaqarsinnaanngikkaluarluta, tamatta pisariaqartinneqarpugut suliap naammassineqarnissaanut. Soorlu Paulus oqarsimasoq: ’Timi iluunngarmi katiterneqarpoq ataasinngortitaallunilu ujallut tamaasa ikiortigalugit, ilami tamarmik immikkut uuttugassiaasa sunniineri missiliorlugit, timip alliartornissaatut naammassiartorpoq asanninnikkut imminik ineriartortitsilluni.’ — Evf. 4:16.
3 Ilaat misigisinnaasarput naammassisimasatik naleqarneq ajortut. Kisianni Jehovamut pingaarneq tassaavoq tarnikkut iluunngarluta kiffartorfigigutsigu. Taassumunnga iliuutsivut tamaasa naleqartutut pingaartittarpai. — Naleqqiuguk Lúkarse 21:1-4.
4 Suliaq tapersersortuaruk: Tamatta immikkut pisinnaatitaaffeqarpugut nunarsuaq tamakkerlugu oqaluussinermut pigisatigut tunisinissatsinnut. Ilaat aamma periarfissaqarput Naalagaaffimmut tunngatillugu suliami ikiuunnissaminnut. Tamatta immikkut suliniuteqarsinnaavugut ataatsimiinnerni piareersarluarsimasumik akinissatsinnut aammalu Teokratiimik Atuarfimmut ilaanissatsinnut. Periarfissaqaraangatta allanik qiimmassaasarnitsigut ilagiit anersaakkut peqqissusiannut naleqaqisumik ilasaaqataasinnaavugut taamaalillutalu suliamik tunniunneqarsimasumik nammannissaannut ikiueqataasinnaalluta.
5 Tamatta ilumut pisariaqartinneqarpugut suliap naammassineqarnissaanut. Arlaat misigisariaqanngillat sipporussaasimallutik. Jehovamut kiffartornitsinni tamatta ataatsimut suliarisimasavut, annertuut annikitsulluunniit takutitsipput Guuti eqqortumik kiffartuukkipput. (Mal. 3:18) Tamatta siunertaqarluartumik Jehova ataqqisinnaavarput allallu taanna pillugu ilinniartillugit, taakkua taassumunnga kiffartulersissinnaaqqullugit.