Atuagassiaaraq Inunnut tamanut atuagaq atuagassianut Guutip naalagaaffianik tusarliussisunut ilanngullugu atortaruk
1 Jehovap nalunaajaasui Biibilimik tatiginninnermik siuarsaasutut Guutillu naalagaaffia pillugu oqaluussisartutut aallussilluartutut ilisimaneqarput. Atuagassiat Napasuliaq Alapernaarsuiffik aamma Iteritsi! inuit millionilikkuutaat Guutip piumasaanik ilinniartinneranni pingaaruteqarput. Tusarliussaat ilumut nutaarsiassaavoq nuannersoq, Guutimmi qilammi naalagaaffia inuiaat neriuutissatuaattut oqariartuutigaat. Naak atuagassiaaraq Inunnut tamanut atuagaq immini oqaluussisuunngikkaluartoq, inuit Biibilimik misissuinissaannik kajumissaarneranni pingaaruteqarpoq. Atuagassialli qanimut misissoriartigik.
2 Inunnut kajuminnarput: Napasuliaq Alapernaarsuiffik aamma Iteritsi! silarsuarmi inuit tamangajalluinnarmik pisinnaavaat. Inuit atuarlugit nuannarinninnerannut pissutsit ilaat makkuupput:
◼ Sallusuissut saqqummiuppaat.
◼ Naapertuilluassuseqarfiusumi paratiiseqalernissaanik neriuuteqalersitsipput, neriuut Guutip naalagaaffiata nunarsuaq tamakkerlugu naalakkersuilernissaanik Guutip neriorsuutaanik tunngaveqartoq.
◼ Allaaserisanik assigiinngitsorpassuarnik inunnut innuttaaqatigiinni sumiluunniit inissisimasunut tamanut kulturinullu tamanut kajumissinartunik imaqarput.
◼ Allaaserisat eqqorluartuupput, ilikkarnarlutik, illuinnarsiortuunatik, eqqortuusup akerlianut akuersaarneq ajorlutik paqumisujuitsuullutillu.
3 Sapinngisamik amerlanersuunut agguaatikkit: Oqaasissatit qanoq annertutigisumik piareersarsimanerlugit, piffissallu oqaluussinissallu qanoq piareersarluarsimatiginerlugit atuagassianik qassinik agguaassisinnaaninnut aalajangiisuupput. — Takuuk km 9/95 aamma km 10/96.
4 Atuagassiat nalunngilluakkit: Atuaatigalugit eqqarsaatigisinnaavat inunnut aalajangersimasunut saaffiginnittunik paasissutissaqarnersoq. Allaaserisami immikkoortumik saqqummiussinissanni issuagassannik ujarlerit. Apeqqummik aallarniutissamik soqutiginnilersitsisinnaasumik eqqarsaateqarit.
5 Pulaakkannut naleqqussarit: Saqqummiusseriaatsimik najoqqutarisassannik paasiuminartumik kina oqaluunnerlugu apeqqutaatillugu allanngortinneqarsinnaasumik piareersagaqarit.
6 Atuagassianik atuinissannut eqqumagit: Angalagaangavit pisiniarfiliaraangavilluunniit atuagassianik nassartarit. Naapitannut tamanut neqeroorutigisakkit. Sapaatip-akunneranut ullormik ataatsimik atuagassianik agguaassisarfeqarit.
7 Aqqusinerni atuagassianik agguaassineq sunniuteqarluartarpoq: Atuagassiaativut atorlugit inuit amerlasuut anguniarlugit periaasiuvoq pitsaanerpaaq.
8 Niuertarfeqarfinni agguaassineq kinguneqarluarsinnaavoq: Niuertut amerlanersaat inussiarnersuupput, amerlasuullu atuagassianik perusuttarput. Suliffeqarfimmut pulaakkannut allaaserisanik soqutiginartunik neqerooruteqarit.
9 Atuagassianik pajuttakkat: Atuagassiat qallunaatuut qaammammut marloriarlutik saqqummertarput, kalaallisuullu qaammammut ataasiarlutik. Taamaattumik pissusissamisuuginnassaaq atuartartunut normut nutaat neqeroorutigisarutsigik. Atuagassianik pajuttakkat Biibilimik atuaqqissaaqatigisalernissaat immikkut periarfissaqarluarpoq.
10 Apriilimi maajimilu periarfissatit atukkit: Atuagassiat atuartartunit millionilikkuutaanit tatigisaalersimapput. Naalagaaffik pillugu oqaluussinermi sunniuteqarluartuupput, taamaattumik nassartarnerat periarfissatigullu tamatigut neqeroorutigisarnerat ileqquliuguk. Atuagassiaararmi? Aap, qanoq oqarsinnaanersutit siunnersuutinik takusaqariarta:
11 „Inuup Guuti upperigaluarpagu upperinngikkaluarpaguluunniit, upperisarsiortuuppat upperisarsiortuunngippalluunniit, Biibilip atuarnissaanut pissutissaalluartut minnerpaamik arfineq marluupput.“ Atuagassiaaqqap tunua innersuussutigiuk oqaloqatigiinnerullu ingerlaqqinnissaanut tunngavigiuk.
12 „Ulluni makkunani atuagassiaaraq una amerlasuunit atuarneqartoq takussavat. Pereersimanngikkukku, tunerusuppakkit. Takanna. Atuarusukkukku pisinnaavat.“
13 „Atuagaq silarsuarmi tamarmi oqaatsini tamangajanni agguaanneqarsimasoq pissutigalugu aggerpunga. Atuagaavoq inuit sumi tamaaniittut ajornartorsiutaasa amerlasuut aaqqiissutigisinnaasaannik imalik. Qularnanngilaq illit aamma taama ittumik peqartutit. Qallunnaatut siullerpaamik saqqummerpoq ukiumi 1550-imi, 1700-kkunnilu kalaallisunngortitaalerluni. Atuagaq suusoq nalunngiliuk? . . . Atuagassiaaqqap matuma takutippaa sooq inuit tamarmik atuagaq tamanna atuartariaqaraat.“
14 Inuit ima oqarpata: „Biibili pigaara,“ ima oqarsinnaavutit: „Atuagassiaaraq una atuarusukkukku ilinnut tunniukkusuppara. Qanorluunnimmi Biibili isumaqarfigigaluaraanni, qanorluunniillu upperisaqaraluaraanni, atuarnissaanut pissutissarpassuaqarpoq. Atuagassiaaraq tigullugu sooq taamaannersoq nammineq paasiniariaruk.“
15 Inuit ima oqarpata: „Biibili atuartarpara,“ ima akisinnaavutit: „Taava qularnanngilaq amerlanerusut taassuminnga atuarnissaannut ikiorusussagitit. Qanoq iliortoqarsinnaasoraajuk? . . . Atuagassiaaraq una agguaapparput. Atuareerukku allamut ingerlateqqissinnaavat.“
16 Ima oqartoqarpat: „Biibili piginngilara,“ ima akinissaq pissusissamisuussaaq: „Pissarsissussinnaavakkit. Atuagassiaararli una atuaqqaaruk, taava ullualuit qaangiuppata aggeqqissaanga paasiniarlugu suli perusunnersutit.“
17 Qanoq oqartoqarsinnaaneranut siunnersuutit ikittuinnaat sammereerpavut. Immaqa illit allatorluinnaq iliorusussaatit. Taamaappat taamaaliorit, periaatsillu sunniuteqarluarpat oqaluussisartunut allanut oqaluttuariuk. Isumassarsiat siunnersuutillu pillugit oqaloqatigiittaritsi atuagassiaaraq Inunnut tamanut atuagaq atorlugu suliniarnersuaq inuit suli amerlanerusut Biibilip Guutip oqaaserigaa upperinnilernerannik tatiginnilernerannillu kinguneqaqqullugu. Tunngaviusoq tamanna pigineqarpat atuagassiat nutaarsiassamik nuannersumik sunniuteqarnerungaartumik oqaluussisinnaapput.