Januaarimi oqaluussinermut tunngasumik ataatsimiinnerit
Sapaatip-akunnera 6. januaarimiit
Erinarsuut nr. 6
10 min: Nalunaarutit, ilaatigut Naalagaaffimmut Kiffartorneq-meersut. Oqaluussisartut ataaseq marlulluunniit oqaluussisimanermi misigisanik oqaluttuartikkit. Piareersarluagaassaaq ilikkagaqarnartuussallunilu.
20 min: Siumoortumik peqqussutip nutaanngortinnissaa. Utoqqaanertap piginnaaneqartup ilagiinnut eqqartussavaa qanoq pingaaruteqartigisoq oqaluussisartut kuisimasut tamarmik siumoortumik peqqussut iluameertumik allanneqarsimasoq nassatariuartarnissaat. Ajutoornermi susinnaajunnaassagaluaraanni allakkiap nammineq piumasaq ersersimmagu. (Naleqqiuguk Ussatit 22:3.) Ukiut tamaasa allakkiamik nutaamik immersuisariaqarpugut aalersortikkumannginnerput ersersinniarlugu; nakorsat ilaat allallu isumaqarput allakkiaq ukioq ataaseq sinnerlugu pisoqaassuseqaraangat qularnaatsumik oqartoqarsinnaanngitsoq inuup tamanna suli isumagineraa. Ataatsimiinneq naammassereeriarpat oqaluussisartut kuisimasut tamarmik siumoortumik peqqussummik agguaanneqassapput kuisimanngitsunillu minnerusunik meerallit kinaassutsimut allagartamik meeqqaminnut immikkut tamarmik pissapput. Nassuiaruk allagartaq unnummut immersorneqassanngimmat. Peqqissaartumik angerlarsimaffimmi immersorneqassaaq, atsiorallarnaguli. Atuakkamik atuaqqissaarnermi aqutsisup nakkutiginninnerani ilagiit atuakkamik atuaqqissaarnissaanni tulliuttumi ilisimannittuusut namminerlu atsiussapput, ullua aamma allagartamut ilanngunneqassaaq. Atuakkamik atuaqqissaarnermi aqutsisuusup isumagissavaa gruppiniittut tamarmik ikiorneqarnissaat. Ilisimannittutut atsiortussat allagartamik piginnittoq atsiorpat isigissavaat. Ilaanngitsoqassappat ilagiit atuakkamik atuaqqissaarneranni aqutsisuusup utoqqaanertallu allat piareersimaffigissavaat oqaluussinermut tunngasumik ataatsimiinnissami tulliuttumi ikiuinissartik taamaalilluni oqaluussisartut kuisimasut tamarmik allagaq iluameersumik allanniassammassuk atsiorlugulu. (Takuuk ilagiinnut tamanut allakkat 15. decembari 1993-moortumi KC.3) Oqaluussisartut kuisimanngitsut namminneq siumoortumik peqqussutissaminnik imminnut meeqqaminnullu naleqqussakkamik sanasinnaapput aamma Peqatigiiffiup naqitertitsissimasaaniittut oqaaseqaatit ilaat immaqa atorsinnaassavaat. Kuiserlaat Tillæg til Rigets Tjeneste januaari 1991-imoortoq aammalu novembari 1992-imoortumik pissapput. Ilanngussat taakkua Tysklandimut piniarneqarsinnaapput immersugassaq S-14 atorlugu. Tamatuma isumaginerani siuneqarnermik ersersitsinikkut Jehovamik pilluaqqusaassaagut. — Uss. 16:20.
15 min: „Allanik ajoqersuinissamut pilersorneqarneq sapinnginnerlu.“ (Immikkoortut 1-6) Immikkoortoq 1 aamma 2 atorlugu naatsumik aallarniummi erseqqissarneqarpoq tatigisariaqaripput Jehovap ikiuineratigut allat ajoqersorsinnaagatsigik. Oqaluussisartut marluk immikkoortut 3-6-ni saqqummiusseriaatsinik pulaarnermi siullermi pulaaqqiinermilu takutitsisikkit. Atuagaq ’Lykkebog’-i atorlugu oqaluussisartut saqqummiusseriaatsimik takutitsisikkit. Eqqaasissutigiuk Ajoĸersuissorssuaĸ tusarnârparput aamma Kommentar til Jakobs brev ilanngullugit agguaassinnaagivut.
Erinarsuut nr. 14 naggataarutaasumillu qinnut.
Sapaatip-akunnera 13. januaarimiit
Erinarsuut nr. 16
15 min: Nalunaarutit; ilaatigut ilagiit naatsorsuutaat. Atuagassiani nutaani immikkoortut ilaannik pitsaasunik erseqqissaagit. Torrutiinnarlugu oqaluussissagaanni allat qanoq oqaloqatigilersinnaanerlugit siunnersuuteqarit. Oqaluussisartut niuerniartarfinni, aqqusinerni, illoqannginnersani, tamanut angallatini ilaalu ilanngullugit oqaluussileraagamik aallarniillutik qanoq oqaaseqartarsimanersut oqaluttuartikkit. Qatanngutit tukkussusiannik nersualaakkit. Eqqaasikkit unnummut ilagiit tunissutinik nakkaatitsiviannut nakkartut Europap kangiani sulinermut tapiissutitut nassiunneqassammata.
15 min: „Allanik ajoqersuinissamut pilersorneqarneq sapinnginnerlu.“ (Immikkoortut 7-9) Soqutiginnittut tamaasa malittarinissaasa pingaaruteqassusiat erseqqissaruk atuagaq ’ukiumoortoq’ 1995-imoortumi qupperneq 45-mi misigisap oqaluttuarineratigut. Oqaluussisartoq misilittagalik immikkoortut 7 aamma 8-imi saqqummiusseriaatsinik takutitsisiguk. Atuagaq ’Lykkebog’-i saqqummiussinermi atorneqassaaq. Atuagaq ’Ajoĸersuissorssuaĸ’ aammalu Kommentar til Jakobs brev ilanngullugit agguaakkumavavut. Atuagaq ’Ilisarsineq’ atorlugu atuaqqissaaqateqalerniarnissarput anguniagarisariaqarparput, pulaarnermi siullermi atuagassianik allanik pisimagaluarpataluunniit. Tamaasa kajumissaakkit sapaatip-akunnerata ingerlanerani pulaaqqiinissamut piffissamik immikkoortitseqqullugit.
15 min: Tamaani pisariaqartitat. Imaluunniit oqalugiaat qiimmassaataasoq ilanngutassiami „Nanertuutigisat Jehovamut tunniuttuaannaruk“-mi Napasuliaq Alapernaarsuiffik 1. apriili 1996-imoortumi qupperneq 26-29-imi.
Erinarsuut nr. 15 naggataarutaasumillu qinnut.
Sapaatip-akunnera 20. januaarimiit
Erinarsuut nr. 21
10 min: Nalunaarutit.
15 min: „Inuit qanorluunniit ittut annassapput.“ Apeqqutinik akissutinillu sammineqassaaq. Oqaluussisartut ilaat inunnut assigiinngitsunik tunuliaqutaqartunut kinguneqarluartumik oqaluussisimanerinik naatsumik oqaluttuartikkit.
20 min: Ileqqorilluarnikkut oqaluussineq. Utoqqaanertap inuusuttullu ilaasa akornanni qiimasumik eqqartuineq. Oqaloqatigiinnerat Vagttårnet 15. augusti 1987-imoortumi quppernerni 10-20-imi tunngaveqartinneqassaaq. Ilanngutassiami misigisat tamaanilu misigisat ilanngunneqassapput kristumiut inuusuttut ileqqorilluarnerat pissutigalugu inuit ilaannut ajunngitsumik sunniuteqartarsimasoq.
Erinarsuut nr. 23 naggataarutaasumillu qinnut.
Sapaatip-akunnera 27. januaarimiit
Erinarsuut nr. 20
5 min: Nalunaarutit.
10 min: Allatsip Apeqquteqartarfik sammissavaa.
15 min: „Oqaaseq oqaluussissutigaarput.“ Apeqqutit akissutillu. Sooq Jehovap oqaasia pingaartinneripput pillugu ilanngussigit. — Takuuk Vågn op! 8. juuli 1984-imoortumi quppernerni 9-11.
15 min: Februaarimi neqeroorut. Atuakkami ’Åbenbaringsbog’-imi soqutiginartut ilaannik erseqqissaagit assersuutigalugu: (1) Kapitalit qulequtai tiguartinnartut (2) assiliartai qalipaatigissaartut, (3) ungalulinniittut ilikkarnartut aamma nunap assingi kiisalu (4) apeqqutit eqqarsarnartut allanneqarsimasut. Sammineqareersoq naapertorlugu oqaluussisartut kajumissaarneqarput atuakkamut saqqummiussassaminnut allassimaffiit qinerluarneqarsimasut atortaqqullugit. Oqaluussisartut ataaseq marlulluunniit naatsumik saqqummiussitikkit. Tamaasa eqqaasikkit sapaatip-akunnerani atuakkanik atugassaminnik eqqanaarsaqqullugit.
Erinarsuut nr. 26 naggataarutaasumillu qinnut.