Apriilimi oqaluussinermut tunngasumik ataatsimiinnerit
Sapaatip-akunnera 1. apriilimit
Erinarsuut nr. 132.
10 min. Nalunaarutinik Naalagaaffimmik Kiffartuuteqarneq-miillu immikkut toqqakkanik soqutiginartunik tusarliussat. Ilisimatitsissutigiuk eqqaaniaanermi qassit najuussimanersut. Sapaatip-akunnerata ingerlanerani kiffartuussinermi misigisanik ataatsimik arlalinnilluunniit oqaluttuarit.
20 min. „Apriilimi ’ajunngitsuliornermut ilungersuussisuugit’!“ Oqaluussinermut tunngasunik nakkutilliisup apeqqutit akissutillu immikkoortoq 1-miit 10-mut sammissavai. Nassuiakkit (1) ilagiit apriilimi oqaluussinermut tunngatillugu immmikut sunik pilersaaruteqarnersut, ullormilu immikkut suliniarfimmi pilersaarutit sammikkit (2) qanoq ilillutik tamarmik peqataanissaminnut ikiorneqarsinnaasut taavalu, (3) nutaat meeqqallu qanoq peqataasinnaasut.
15 min. „Eqqortumik isumallit ujarlugit.“ Saqqummiusseriaatsit siunnersuutigineqarsimasut sammikkit taavalu saqqummiussinerit ilaat marluk qanoq atorneqarsinnaanersut takutinneqassapput. Piffissaq apeqqutaatillugu Rigets Tjeneste-miit siunnersuutit 1995 septembarimoortumi qupperneq 5-miittut sammineqarsinnaapput.
Erinarsuut nr. 20 naggataarutaasumillu qinnut.
Sapaatip-akunnera 8. apriilimit
Erinarsuut nr. 72.
15 min. Nalunaarutit naatsorsuutinillu nalunaarut. Eqqaasitsissutigiuk unnummut ilagiit tunissutinik nakkaatitsiviannut nakkartinneqartut Europap kangiani sulinermut tapersiissutitut nassiunneqassasut. Nutaat eqqaaniaanermut peqataasimasut anersaakkut siumukartuarnissaannik ikiorniarlugit iliuuserisinnaasatsinnik eqqaasaqarit. Vagttårnet-imi 1. apriilimoortumi 1991, qupperneq 9-mit 12-mut eqqarsaatit ilaat sammikkit. Ulloq immikkut kiffartuussiffiusoq qanoq ingerlasimava? Ullup ingerlanerani aqqusinermi angalaarneq oqaluussisartunit qassinit peqataaffigineqarsimava? Oqaluussisartut qassit peqataasimappat? Ullormi immikkut oqaluussiffiusumi oqaluussisartut ataaseq marlulluunniit misigisalikkersaartikkit. Ajornanngippat misigisap aappaa aqqusinermi angalaarnermi misigisaaniartussaassaaq.
15 min. „Ullukkullu unnuakkullu kiffartorit.“ Apeqqutit akissutillu. Immikkoortoq 5 aamma 6 atuakkit.
15 min. „Apriilimi ’ajunngitsuliornermut ilungersuussisuugit’!“ immikkoortoq 11-mit 15-imut apeqqutit akissutillu sammineqassapput. Tamaasa kajumissaakkit periarfissatik eqqarsaatigeqqullugit kiffartuussinermik annertunerulernissaanik noqqaassuteqaqqullugit.
Erinarsuut nr. 113 naggataarutaasumillu qinnut.
Sapaatip-akunnera 15. apriilimit
Erinarsuut nr. 133.
10 min. Nalunaarutit. Eqqaasitsissutigiuk apriilip 21-ani tamanut aammasumik immikkut oqalugiaatigineqartussaq ima qulequtalik: „Kinguariit killormoortut akornanni assuarnaatsut.“
Tamarmik aggersinnaaqqullugit immikkut allanik ikiuilluta iliuuseqartariaqarpugut. Oqaluussinermi misigisanik oqaluttuarit.
15 min. „Pissutsit allanngorsimapput.“ Apeqqutit akissutillu. Erseqqissaruk Naalagaaffimmik tusarliussamik saqqummiussisarnerput sapinngisamik amerlanerusunut kajuminnartunngortinniassagipput. Ilaqutariinnut inuttullu atugarisanut tunngasut suut soqutigineqarnerunersut pillugit siunnersuuteqarit, Napasuliaq Alapernaarsuiffik 1994-imi 1. januaarimoortumi qupperneq 25-26-imilu eqqartorneqartunik.
20 min. „’Tusakkaminnit uppertunngortarput.’“ Eqqartoruk qanoq ililluni atuagassianik agguaassineq aqqutigalugu soqutiginninnerup ineriartortinneqarsinnaanera ’Ilisarsineq’-imik atuaqqissaaqatiginnilernermik kinguneqartumik. Saqqummiussinerit innersuussutigineqarsimasut marluk pingasulluunniit takutinneqassapput.
Erinarsuut nr. 204 naggataarutaasumillu qinnut.
Sapaatip-akunnera 22. apriilimit
Erinarsuut nr. 6.
15 min. Nalunaarutit. Tamanut ammasumik oqalugiaammi pingaarnersat ilaannik sammisaqarit. Eqqartoruk qanoq kaammattuutit soqutiginnittut sallusuissummik eqqortumik pallorfiginninnermik aalajangiussinissaannut ikiortariaqaraat. Innersuussutigiuttaaq „Eqqortumik ilisarsinikkut ineriartortuarit“, erseqqissarullu ilagiit atuakkamik atuaqqissaarnerannut tamatigut takkuttarnissap pingaaruteqassusia. Sapaatip-akunnerata ingerlanerani oqaluussinermi misigisanik oqaluttuarit.
12 min. Apeqquteqartarfik. Utoqqaanertap oqalugiaataa. Nassuiaruk sooq qatanngutit angutit ataatsimiinnermik siulersuisut inuit ataasiakkaat atii kisiisa taasassanngikkaat.
18 min. Utoqqaanertap ilagiinnilu kiffartuuteqartup ilanngutassiaq „Gudfrygtige familier i fortiden — et mønster for vor tid“, Vagttårnet-imiit 15. septembarimoortumi 1995, qupperneq 20-23, sammissavaat. Atuagassiap ilagiit iluanni ilaqutariinnut iluaqutaasumik naleqartumik atorluarneqarsinnaanera takutinneqassaaq.
Erinarsuut nr. 143 naggataarutaasumillu qinnut.
Sapaatipakunnera 29. apriilimit
Erinarsuut nr. 144.
12 min. Nalunaarutit. Inuit ilaasa Jehovap Nalunaajaasui ’immikkut upperusiortutut’ taasarpaat, taamaalillutik suliatsinnut anguniakkatsinnullu killormut isiginnilersitsillutik. Naatsumik ’Ræsonnerebog’-imiit qupperneq 181-imiittoq ikiortigalugu nassuiaruk unnerluutiginninneq tamanna ilumuunnginnerarlugu qanoq naqqissuisoqarsinnaasoq. Qaammatip ingerlanerani ilagiinni oqaluussisimanermit misigisanik oqaluttuarit.
15 min. Angalaartarfiit assigiimmik angalaarfigalugit. Oqaluussinermut tunngasunik nakkutilliisumit oqalugiaat. Angalaartarfiit ilaat (illoqarfik nunaqarfilluunniit) angalaarfigineqakulasanngillat. Ilaasa pisuut upperisarsiorfiusorujussuilluunniit immaqa angalaarfiginaveersaartarpaat, imaassinnaavorluunniit niuerniartarfeqarfiit qaangiinnarneqartartut. Oqaluussisartut ilaasa immaqa angalaarfissat namminneq angalaarfigerusunnerusatik angalaarfissanut angalaarfigineqarnissaminnik pisariaqartitsiffiusunut taarsiullugu kissaatiginerusarpaat. Tamarmik suleqatigiinnissaannik kajumissaakkit. Aasaanerani nunaqarfinnut angalaarnissamut periarfissaqarluarpoq. Immikkut angalaartarfiit utertitsinnagu iliuuseqarfigiuk, ilaatigut angerlarsimasimanngitsut pulaarnerisigut. Allat atoriaannaasunik siunnersuuteqarfigikkit taamaalillutik tamarmik qulakkeerlugu peqataaniassammata angalaartarfigisartik assigiimmik naammassineqarnissaanut.
18 min. Maajimi atuagassiat Napasuliaq Alapernaarsuiffik Iteritsi!-lu neqeroorutigikkit. Atuagassiat saqqummiutikkit. Angalaarfigineqakulasumi atuagassiaaraq naleqquttoq neqeroorutigineqarsinnaavoq. Atuagassianik agguaassiffigisatit allattukkit pajuttagarilernissaat siunertaralugu. Atuagassiat tamanut agguaanneqartarnerisa sunniutai pingaartikkit. Oqaluussiartoraangavit atuagassianik sillimmateqartuaannarit, periarfissallu tamaasa neqeroorutigisarlugit. Sapaatip-akunneranut ullormi aalajangersimasumi atuagassianik agguaassisaraanni amerlanerusunik agguaassisoqarsinnaavoq. Niuerniartarfinni aqqusinernilu atuagassianik agguaassineq sunniuteqarluartarpoq. Pulaaqqiinermi soqutiginninneq ineriartortiguk, atuagarlu ’Ilisarsineq’ atorlugu atuaqqissaaqatiginninniarlutit. Atuagassiani normuni kingullerni saqqummiusseriaatsinik ataatsimik marlunnilluunniit takutitsigit; immaqa isumassarsisinnaavutit Rigets Tjeneste-mi 1995 septembarimoortumi, qupperneq 3 immikkoortoq 3-5-imilu; immikkoortoq 6 atuaruk.
Erinarsuut nr. 195 naggataarutaasumillu qinnut. (kmD 96/4 Tjenestemøderne i april)