Soqutiginninnermik ersersitsisut asannittumik ikiukkit
1 Jehovap anersaavata Etiopiamiumut Guutip oqaasianik soqutiginninnermik ersersitsisumut siulersormani taassuma atuakkaminik paasinninnissaanut Filipip asannittumik ikiorsimavaa. (ap. sul. 8:26-39) Soqutiginninnermik ersersitsisut ikiorniarlugit immikkut suliniuteqartarpugut? Taamaaliortariaqarpugut, Guutimimmi peqquneqarpugut ajoqersuganngortitsiortornissatsinnik. (Mat. 28:19, 20) Qanoq ililluta taamatut ikiuisinnaavugut?
2 Sapaatit-akunneri tamaasa piffissamik pulaaqqiiffissannik immikkoortitsisarit. Soqutignninnermik ersersitsisimasut pulaarnissaannik pilersaarusiortarit, pulaarnermilu siullermi oqaluuserisimasarsi nangeqqittaruk. Anguniagariuk amerlanerusunik paasissutissiinissat uppernermik ineriartortsiniarlutit ajornanngippallu Biibilimik atuaqqissaaqateqalerniarlutit. Napasuliaq Alapernaarsuiffik aamma Iteritsi! pajugutigisakkit.
3 Biibilip naleqassusia kingullermik oqaluuserisimagussiuk tamanna uterfigeqqinniarsinnaavat ima oqarlutit:
◼ „Kingullermik maaniikkama eqqartorparput Biibili kialuunniit paasisinnaalersinnaagaa. Tamatuma eqqarsaatississimavaatit? [Pulaakkat akinissaanut piffissaqartiguk.] Ullumikkut takutikkusukkaluarpakkit qanoq Biibili iluaqutissarsinarnerusumik atuaqqissaarneqarsinnaasoq. [apustilit suliait 8:26-39-mittoq oqaluttuariuk versillu 31 aamma 35 atuakkit.] Suna pisariaqarsimasoq paasiviuk? . . . Pingaartut pingasut eqqaaneqarput: 1) Paasinissaa nammineq kissaatigisariaqarpoq. 2) Allanit Biibilimik ilisimasaqarnerusunit ikiorneqartariaqarpoq. 3) Guutip anersaavanit illernartumit ikiorneqarnissaq pisariaqarpoq. Piumaguit Biibilip paasiniarnissaanut ikiorsinnaavakkit. [Taava ’Paratiisilersaarut’-mit atuaqqissaariaaseq takutiguk.]“
4 Kingullermik „Vågn op!“-mit 22. oktobarimoortumit oqalliseqarsimagussi immaqa ima oqarsinnaavutit:
◼ „Aluu, pulaaqqippakkit. Kingullermik oqaloqatigiinnerput assut eqqarsaatigisimavara, taamanilu pivat atuagassiaq upperisarsiornerup sorsunnermut akuliusimaneranut tunngasoq. Aalajangersimasoruna malugisimassasoralugu . . . tassa oqaaseqatigiit eqqarsariaallannartut ilanngutassiap aappaaniitut. [Ilanngutassiap aappaata naggataatungaani The Christian Century-mit issuakkat innersuussutigikkit.] Tassani allassimasoq qanoq isumaqarfigaajuk? . . . Tamanna eqqarsaatigalugu Juánase 13:34, 35-miittoq takoriassagit. [Atuaruk oqaaseqarfigalugulu.] Tamanna upperisarsiornermut ilumoortumut piumasarisat ilaannaraat ataaseq. Piumaguit aggeqqissinnaavunga upperisarsiorneq pillugu paasissutissanik allanik tusartikkiartorlutit. Sapaatip-akunnerani tullermi taamaalinerani angerlarsimassavit? [Naggataatigut atuagassiat nutaat neqeroorutigikkit.]
5 Etiopiamiu eunuk nassuersimavoq nassuiaanneqanngikkuni atuakkani paasisinnaanagit. (ap. sul. 8:31) Filipip asannilluni pisariaqartitaanik ikiorpaa. Allat taamatut ikiornerisigut asanninnermik piviusumik ersersitsisinnaavugut. (kmD 94/10 Yd kærlig hjælp . . .)