Napasuliaq Alapernaarsuiffik Iteritsi!-lu sallusuissummik oqaluussissutiginnipput
1 Napasuliaq Alapernaarsuiffik-imi 1. januaari 1994-imoortumi quppernermi 22-mi eqqaasinneqarpugut atuagassiaativut „allaaserisanik soqutiginartunik . . . inuit pisariaqartitaannik“ imaqartartut. Atuagassiat naleqassusiat paasillugulu pingaartipparput sapinngisamillu annertuumik siaruarternissaat kissaatigalugu. Apriilimi maajimilu atuagassiat taakku neqeroorutaassapput.
2 Illumiit illumut oqaluussinermi atuagassianik siaruarterinissatsinnut pitsaanerpaamik periarfissaqarpugut. Aamma sukkulluunniit oqaluussinermi pulaaqqiinermilu atuagassiat amerlasuut siaruarterneqartarput. Aammattaaq aqqusinerni pisiniarfinnilu atuagassianik siaruarterisoqarsinnaavoq.
3 Oqaloqatigiissutissat: Napasuliaq Alapernaarsuiffik-mi 1. apriilimoortumi sammineqarput „Silarsuaq pitsaanerusoq — takorluuinerinnaava?“ Tamanna atuagassiat siunertaannut naapertuulluinnarpoq, tassa Guutip naalagaaffia iisimaneqalersissallugu. Ilanngutassap aappaani naggataatigut eqqartorneqarpoq qanoq ililluni inuuneq naassaanngitsoq Jesus Kristusip naalakkersuinerani piviusunngorumaartoq. — Lúk. 23:43.
4 „Kia uppernartumik unnersuussinnaavaatigut? “ tassaavoq apeqqut Napasuliaq Alapernaarsuiffik-imi 1. maajimoortumi sammineqartoq. Maajimi qallunaatut saqqummersuni tamanna itisilerneqassaaq ilanngutassiani ’Upperisavit pisariaqartitannik tunivaatit?’-mi aamma ’Sooq Biibili atuarneqartariaqarpa?’-mi. Inunnik inuunerminni siunertamik maqaasisaqartunik oqaloqatiginninnermik aallarniisinnaasariaqarpugut.
5 Atuagassianik amerlanerusunik siaruarterigit: Napasuliaq Alapernaarsuiffik-imi 1. januaarimoortumi (q. 27, 28) sisamanik pitsaasunik siunnersuuteqarpoq atuagassianik amerlanerusunik siaruarterinissatsinnut ikiuutigisinnaasatsinnik. Kajumissaarneqarpugut (1) atuagassianik eqqumaffiginnittuusariaqartugut. Atuagassiat atuaraangatsigik eqqarsaatigisariaqarparput ilanngutassiat suut inunnut oqaluussiffigisartakkatsinniittunut naleqqunnersut. Atuagassianik nassartarutta immaqa suleqatitsinnut, sanilitsinnut, ilinniartitsisutsinnut, atuaqatitsinnut imaluunniit pisiniarnitsinni naapitatsinnut tunniussaqartarsinnaassaagut.
6 Aamma kajumissaarneqarpugut (2) paasiumiunartumik saqqummiussisarnissatsinnik. Soqutiginartumik toqqaagit naatsumillu nassuiarlugu. Atuagassiaq angerlarsimaffimmut pissunneqareeraangami naapitannut inoqutigiilluunniit arlaannut nammineq ’oqalussinnaassaaq’.
7 Aamma (3) ’eqaatsuusariaqarpugut’. Ilanngutassiat assigiinngitsut oqaluuserinissaannut piareersarnissaq pitsaavoq — inuusuttunut, utoqqarnut, angutinut arnanulluunniit soqutiginartunik.
8 Kiisalu (4) atuagassianik qassinik siaruarterinissatsinnik inuttut anguniagalertariaqarpugut. Ilagiit oqarfigisinnaanngilaatigut tamatta immikkut qassinik siaruarterissasugut, tamattali immikkut nammineq anguniagalertariaqarpugut. Taamaaliorutta atuagassiat neqeroorutiginissaannut kajumissuseqarnerusinnaavugut. Atuagassianik aalajangersimasumik inniminnigaqartarutta atuagassianik amerlanerusunik siaruarterinissatsinnut kajumissutigissavarput.
9 Kissaatigaarput inuit allat Guutip naalagaaffia pillugu paasisimasaqalissasut. Naalagaaffik pillugu tusarliussassamut atatillugu atuagassiat iluaqutaassusiat atorluarniaruk. — Mat. 10:7. (kmD 4/94 Vagttårnet og Vågn op! forkynder sandheden)