Naalagaaffimmik neriuut oqaluussissutigigaangakkku brochurit atortakkit
1 Biibilimi siulittuutit eqquussortut takugaangatsigik Naalagaaffimmik neriuut angingaartoq nuannaarutigisarparput, tusarusuttunullu tamanut oqaluttuarerusulersarlugu. (Lúk. 6:45; Rûm. 12:12) Jesusip peqqussutigisimasaatut Naalagaaffimmik neriuummik inunnut allanut ingerlatitseqqinnissamut periaaserisinnaasatta ilaat tassa julimi oqaluussinitsinni brochurit atorlugit nalunaajaaneq. — Mat. 24:14.
2 Brochurinik qalipaatigissaartunik paasissutissartaqarluartunillu amerlasuunik qinigassaqarpugut. Sorliit angalaarfigisartakkatsinnut naleqqunneruppat, kajumilersitsisinnaallutik soqutiginnilersitsisinaallutillu? Brochurit tamakkiisumik atorsinnaajumallugit imai ilisimasariaqarpavut. Tulliuttuni tamakku imaannik eqqaasinneqalaassaagut.
3 nâlagauvfik pâratîsimik pilersitsiumârtugssaĸ: Guutip Naalagaaffia Jesusip nunami oqaluussissutaasa pingaarnerpaartarisimavaat. Brochurimi tassani ersersinneqarpoq Naalagaaffik tamanna tassaasoq naalakkersuisuiit aamma ajornartorsiutinik ullumikkut inuunermi erloqissutaasunik aaqqiiumaartoq.
4 nuname inûneĸ nâgssáungitsumik nuánârutigiuk!: Brochurimi tassani nassuiarneqarpoq sooq Guutip inuit pinngortissimagai qanorlu ililluta nunarsuarmi naassaanngitsumik inuuneq angusinnaagipput. Assialiartai oqaluttuarpaluttut oqaasertaalu naatsut atuarluarsinnaangitsunut kajuminnartuupput. Aamma tutsarluttunik Biibilip ajoqersuutaanik ilumoortunik ilinniartitsinermi brochuri atorluarneqarsinnaavoq.
5 Guds navn der vil bestå for evigt: (Guutip aqqa naassaanngitsumut atasussaq) Brochurimi tassani sammineqarpoq Guutip aqqa oqaluttuarisaanermit Biibilimillu isigalugu, ersersinneqarlunilu kristumiut atermik tamatuminnga ilisimanninnissaat Guutisiornerminnilu atermik tamatuminnga atuinissaat sooq taama pingaartueqartigisoq.
6 ’Ata! Suut tamaasa nutaanngortippakka’: Brochurimi tassani Paratiisi oqaluttuarineqarpoq, atuartumillu Biibilimik Pinngortitsisumillu pingaartitsilersitsisarluni. Sooq Guutip ajussutsimik akuerinnikkallarsimanera eqqartorneqariarluni Biibilimi ajoqersuutit tunngaviunerusut sammineqarput, tassaasut: utertitsissut, makinnissaq Naalagaaffillu.
7 Brochuri taanna ingammik Biibilimik atuaqqissaaqatitaarniarnermi atorluarneqarsinnaavoq. Taamaappoq pissutigalugu quppernerni tamani immikkoortunut apeqqutissartaqarami, aammalu naatsumik paasiuminartumillu Biibilimi ajoqersuutinik ilumoortunik pingaartunik saqqummiussigami. Taamatuttaaq quppernermi 30-mi arlalinnik uteqqiissutaasunik apeqqutitaqarpoq paasineqarsinnaaqqullugu atuaqqissaaqatigineqartoq qanoq paasisaqartigisimanersoq, imaluunniit brochurip atuaqqissaarneqarnissaanut soqutiginnilersitsiniutitut atorneqarsinnaasunik.
8 Skal man tro på treenigheden?: (Ataasiullunilu pingasuussuseq upperisariaqarpa?) Inuppassuit oqartarput ataasiullunilu pingasuussutsimik ajoqersuut upperalugu, ajoqersuummilli tamatuminnga paasinnittaatsit assigiinngiiaaqaat. Brochurimi tassani apeqqutit soorlu makku akineqarput: Ataasiullunilu pingasuussuseq suua? Ajoqersuut Biibilimi nassaassaava? Jesus Kristus tassaava Guuti ajugaqanngitsoq aammalu ataasiullunilu pingasuussutsimut ilaava? Anersaaq illernartoq sunaana, qanorlu ingerlasarpa?
9 Brochurit illumiit illumut periarfissatigulluunniit allatigut oqaluussinermi atorusutavut toqqareerutsigik pitsaassaaq ilanngutassiaq „Soqutiginninneq qanoq ililluni ataannartinniarneqarsinnaasoq“ Naalagaaffimmik Kiffartuuteqarneq-rup matuma normuaniittoq uteqqilaassallugu. Tassani siunnersuutigineqarpoq qanoq ililluta saqqummiussinnaagivut, qanoq ililluta soqutiginninneq ataannartinniarlugu pulaaqqiissinnaasugut qanorlu ililluta Biibilimik atuaqqissaaqatitaarsinnaasugut.
10 Amerlasuutigut brochuri nalunaajaalluarnissamut aalajangiisuusarpoq, pisariaqarporli piareersarluarsimanissarput, brochurinik naammattunik nassataqarnissarput kiisalu imaannik ilisimanninnissarput. Qanortoq Jehovap ilungersorluta oqaluussiniarnerput pilluaqquliuk inuit amerlanerusut Naalagaaffimmik neriuummik nuannaarutiginneqatigilerniassammatigut! — ap. sul. 13:47, 48. (km 92/7 Anvend brochurerne . . .)