Biibilimi qanoq allassimasoqarpa?

Guutip qinnutit tamaasa akisarpai?

ISUMAQARPIT QINNUTIT ...

• tamaasa akisarai?

• ilaan­naat akisarai?

• akineq ajorai?

AKISSUT BIIBILIMEERSOQ

‘Ilumoorlutik im­minut torlorfigin­nit­tunut tamanut Naalagaq qanip­poq.’ – Tus­siaat 145:18.

BIIBILIMIT SUNA ALLA ILIKKARSINNAAVARPUT?

• Guutimut akerliusut qin­nutaat akineqar­neq ajor­put. (Esaja 1:15) Inooriaatsimin­nil­li al­lan­nguinermik­kut Guutimut ajun­ngitsumik at­taveqalersin­naap­put. – Esaja 1:18.

• Qin­nutit Guutimit akineqas­sap­pata piumasaqaatinut Biibilimeersunut naaper­tuut­tariaqar­put. – 1 Johan­nesi 5:14.

Qinugaangatta aalajangersimasumik inissisimasassaagut?

ILAAT ISUMAQARPUT qinugaangamik tamatigut seeq­qum­meq­qasas­sal­lutik, sikingasas­sal­lutik as­satil­luun­niit paarlat­tas­sal­lugit. Il­lit qanoq isumaqar­pit?

AKISSUT BIIBILIMEERSOQ

Guutip ‘nikorfal­lutik’, ‘pal­lorlutik’ imaluun­niit ‘seeq­qum­merlutik’ qinusut akisar­pai. (2 Nalunaarsuutit 30:27; Ezra 10:1; Apustilit Suliaat 9:40) Qinunermi aalajangersimasumik inis­sisimanis­sar­put piumasaqaataan­ngilaq.

BIIBILIMIT SUNA ALLA ILIKKARSINNAAVARPUT?

• Guutip maniguut­tut qin­nutaat tusar­tar­pai. – Tus­siaat 138:6.

• Oqaatsit suul­luun­niit atorlugit al­laat nipaatsumik qinusin­naavutit. – 2 Nalunaarsuutit 6:32, 33; Nehemia 2:1-6.