Kukkussutigisimasatit ilinniutigikkit

PINNGORTITSISITTA ileqqussanut tunngasutigut najoqqutassiai atortuujuaannarlutillu allanngortussaanngillat. Taamaattumik najoqqutassiaq Galâsiamiut 6:7-imi allassimasoq aamma ullumikkumut atuuppoq: ’Inuk siaruartikkani naapertorlugit katersuiumaarpoq.’ Immaqa nammineq Guutimut nassuertussaanissarput akueriumanngikkaluarparput, taamaattorli najoqqutassiaq tamanna Guutimeersoq suli atuuppoq. Kinaluunniit suliami kingunerisaannit eqqorneqanngitsoorsinnaanngilaq.

Inuunerlussimagaluartummi allanngorlutillu Guutimut kiffartulersut? Taakkua inuunerisimasamik kinguneri suli atortariaqarpaat. Tamannali ima paasisariaqanngilaq Guutip isumakkeerfigisimanngikkai. Kunngi Davidip Batsebamik kanngunartulioqateqarsimanera ajunaarnernik amerlasuunik kinguneqarsimavoq. Tamakku pinngitsoortissinnaasimanngilai. Peqqissimigamili Guutimit isumakkeerfigineqarpoq. — 2 Samuel 12:13-19; 13:1-31.

Illit nikallorsimavit kukkusimanivit kinguneri malugigakkit? Iliuuserisimasavut ilumut peqqissimissutigigutsigik tamakkunannga ’mianersoqquneqarsinnaavugut iluaatsuliornermut saaqqunata’. (Job 36:21) Tamanna ikiortigalugu assinganik eqqunngitsulioqqinnissarput pinngitsoortissinnaavarput. Allaat Daviditut iliorsinnaavugut. Eqqunngitsuliorsimanerminit ilinniutigisani nammineq iluaqutissaminut atuinnanngilai, kissaatigaali allattaaq iluaqutigissagaat. Ima oqarpoq: „Ajortuliortut ajoqersussavakka aqqutigeqqusannik, unioqqutitsisut ilinnut utersinnaaqqullugit.“ — Tussiaat 51:15.

[Qupp. 26-mi assiliartaq]

Davidip Batsebamik ajortulioqateqarsimanini ilinniutigisimavaa