Pisumi immikkut ittumi peqatigiartortigut arfininngorneq, apriilip 11-a 1998
JEHOVAP NALUNAAJAASUISA inussiarnersumik kajumissaarpaatsit Guutip Ernermigut, Jesus Kristusikkut, tunissutaa peqatigalutik eqqaaniariartoqqullugu. Tunissut tamanna inuit naassaanngitsumik inuusinaalernissaannik ammaassisuuvoq. — Juánase 3:16.
Ukioq manna Jesusip toquneranik eqqaaniaaneq pissaaq arfininngornermi apriilip 11-ani seqernup tarrereernerani. Ulloq tamanna Biibilip qaammatisiutaani nisanip 14-ianut naapertuuppoq. Eqqaaniaaneq pissaaq Jehovap nalunaajaasuisa ataatsimiittarfianni, qassinullu pinissaa taakkununnga paasiniarsinnaavat.