’Anori sunaluunniit tulluanngikkaangat’

„ANGUTIP sumunnassalluni naluppagu anori sunaluunniit tulluanngilaq.“ Ukiuni hundredelinni siullerni Romamiup filosoffip Lucius Annaeus Senecap taama oqaaseqarnera qangali ilumoortutut akuerineqarsimasumut matumunnga ersiutaavoq: Inuuneq siunertaqassappat anguniagaqartariaqarpoq.

Kisianni inuppassuarnut inuuneq siunertaqarpianngilaq. Amerlasuut ulluinnarni ikkarluit sarfartuullu ungavarterniarnissaannaat naammagisarpaat. Aalajangersimasumik ornigaqaratik, assigaat ’immap malinga anorip aalatitaa qaffiumisaartoq’. (Jâko 1:6) Inunnut taakkununnga ’anori sunaluunniit tulluanngilaq’.

Biibilimi inuit inuunerminni anguniagaqartut allaatigineqarput, taamaalillutik kristumiunut ullumikkut inuusunut maligassaalluarlutik. Assersuutigalugu, Mosesip ’akissaq isumagisimavaa’. (Eprîarit 11:26) Paulus ima allassimavoq: ’Siuninniittut isattorlugit tikisassaq arpanniarpara ajugaasup pisassaa . . . piniarlugu.’ Imalu kajumissaarivoq: ’Tamatta taama isumaqarniarta.’ — Filípimiut 3:14, 15.

Biibilimi neriorsuutigineqartut tunaartariuarlugit inuit siunertarisallit taakkua uppersusiatigut malinniartigik. — Naleqqiuguk Eprîarit 13:7. (wE 1/10 95)