Aalersortittarnernik nalileeqqinneq

UKIUNI makkunani AIDS-imik naalliuutiginniffiusuni napparsimasumut ulorianartoq annerpaaq immaqa pilattaavimmiippoq. „Aalersuutissamaatit bakteriaarutsilluinnarnissaat uagutsinnut ajornarpoq,“ dr. Richard Spence, Cooper Hospital-University Medical Centerimi USA-mi New Jerseymi Camdenimiittumi aak atornagu pilattaasarfimmi ukiut qulit sinnerlugit siuttuusimasoq, taama oqarpoq.

Tupaallannanngitsumik Jehovap nalunaajaasuisa, aalersortikumannginnertik Biibilimik tunngaveqartoq pillugu ilisimaneqarluartut, ilarpassui tamaani suliarineqartarput. (3 Moses 17:11; apustilit suliait 15:28, 29) Suliaritittartulli ilaat Jehovap nalunaajaasuisa ilaginngilaat, tamaanilu suliaritikkumasarput aalersortinnerup navianaatigisinnaasai ersissutigigamikkik, soorlu hepatitisimik, AIDS-imik nappaatinillu allanik tunillatsissinnaaneq. „AIDS-ip siuaruaannerata takutippaa aap screenernissaa (sukuluiarnissaa) pisariaqartinneqartoq,“ Courier-Post Weekly Report on Science and Medicine-mi taama allassimavoq. „Tunillatsiffiusinnaasulli ilaat screeniinermi takunngitsoorneqartarput, aammik tunisisut ilaat immaqa misissortinnerminni paasineqanngitsoorsimasumik viruseqarsimammata.“

Navianaatit tamakku pissutigalugit aak atornagu pilattaasarfimmi allat atorneqartarput, soorlu autotransfusionimik taaneqartartoq napparsimasup nammineq aavanik atuineq — suliarinneriaaseq immaqa Jehovap nalunaajaasuisa ilaasa ilaannikkut akuerisinnaasaat.a Suliarinneriaaseq alla tassa stoffit atorlugit napparsimasup aavata akuisa assigiinngitsut pinngorarnerannik uummarissaaneq. Aamma ilaannikkut aammut taartaasoq syntetiskiusoq aak atunngikkaluarlugu iltilersuinermik atatitsisoq atorneqartarpoq. „Jehovap nalunaajaasuisa pitsaanerpaamik nakorsamit ikiorneqarnissartik kissaatigaat,“ dr. Spencer oqarpoq, „aammullu taartaasut atorusuppaat.“

Suleqatigiilluarneq nakorsanillu upperisarsiornikkut aalajangiusimasaminnik ataqqinnikkusuttunit ikorneqarnertik Jehovap nalunaajaasuisa qujamasuutigeqaat. Tamanna ’pitsaanerpaamik nakorsamit ikiorneqarnerannik’ Jehova Guutimullu ilerasuuteqanngittuarnerannik kinguneqarsimavoq. — 2 Timûtiuse 1:3. (wE 1/8 95)

[Quppernerup ataani ilanngussaq]