Aalajangersagaq

Ataatsimeersuarnernut „Guutip naapertuilluassusia“-mik qulequtaqartunut najuussimasut 1987-imi ataatsimeersuarnernut silarsuarmi tamarmi sumiiffinni 1098-ini pisimasunut, 93.822-nik kuisittoqarfiusunut, najuussimasunit 6.443.597-iusunit qularnanngitsumik amerlanerupput. Oqalugiaatip „Arnaq inuunerluttoq tusaamasaanerluttoq“-mik qulequtaqartup, nunarsuarmi tamarmi ataatsimeersuarnerni „Guutip naapertuilluassusia“-mik qulequtaqartuni oqalugiaatigineqartup, saqqummiunneqareernerani atuagaq qeratasuumik ungalulik, 320-nik qupperneqartoq, kusanartumik assiliartalersugaasoq, sarĸúmersitat — Pingaarnerusortaat nuanningaartoq qaneqaaq! oqaatsini 20-nit amerlanerusuni saqqummersinneqarpoq. Oqalugiartup tusarnaartut ima oqarfigai: „Atuagaq nutaaq taanna kisimiillusi atuaqqissaarnissinni ilagiillu atuaqqissaaqatigiinneranni peqqissaartumik atortarisiuk. Aammattaaq atortarisiuk silarsuarmut nalunaarutiginiarlugu Babylon Angisooq eqqartuunneqareersimasoq, inuiaat Harmagedonimit nalaanneqaraluttualersut, pisussallu pingaarnerpaartaat nuanningaartoq nalliukkumaartoq Jehovap naalagaaffiani nuanningaartumi Kristusip nuliassaatalu naalagaaffigisassaanni. Pilluarpoq tusaasoq tamakkuninngalu maleruaasoq, ’piffissaq aalajangersagaq qaneqimmat’!“ — sarĸúmersitat 1:3, NV.

Uagut, 1914-imiilli ’Naalakkap ulluani’ Guutillu eqqartuussiffiani inuusugut, immikkut pisinnaatitaaffiit annerpaartaat nuannaarutigaarput, Naalagaq kisimi oqartussaasoq Jehova kiffartorfigisinnaagatsigu, kunngit Kunngiat taassuma ivertitaa, Jesus Kristus, kunngigalugu. (sarĸúmersitat 1:10) JEHOVAP NALUNAAJAASUISUT ima nalunaarpugut:

(1) Babylon Angisuup, ingammillu kristumiuuneraqatigiit, Guutip ilumoortutuap uumasutuallu, Jehovap, aqqanik kanngunarsaanera PEQATAAFFIGIUMANNGILARPUT. sarĸúmersitat 4:11-mi nalunaarut uummatitsigut iluunngarluta AALAJANGIUPPARPUT, allassimammat: ’Jehova Guuterput, ilinnut pigititassaapput naalannaat ataqqinaallu pissaanerlu.’

(2) ISUMAQATIGINNGILAVUT ajoqersuutit Babylonimeersut kristumiuuneraqatigiit saqqummiuttagaat, pingaartumik guuti ataasiullunilu pingasuusumik ajoqersuut, inuup tarnaata toqusuitsuuneranik ajoqersuut, anniarfimmi naassaanngitsumik anniartitaanermik ajoqersuut, eqqiarfimmik ikualasumik ajoqersuut aammalu assinik assersuutinillu upperisarsiuutaasunik — soorlu Mariap assinganik sanningasulimmillu — pingaartitsivallaarneq. sarĸúmersitat 22:18, 19 najoqqutaralugu Guutip oqaasia allagaasoq taassumalu imai tamaasa ATTAVIGAAVUT.

(3) ISUMAQATIGINNGILAVUT itisuumik eqqarsaatersuutit iliuutsillu Guutimut akerartuerpaluttut kristumiuuneraqatigiinni atugaangaartut, taamaassorinninnernernik, soorlu suut tamarmik pinngoriartorsimanerannik, tapersersuineq, aalersortinnerit aaliinerillu, naartuersinnerit naartuersitsinerillu, sallujuaannarnerit, piumatuujuaannarnerit peqquserluttuliornerillu. Pallorfiginninnitsinni inooriaatsitsinnilu Pinngortitsiserput, Jehova Guuti, Ajugaqanngitsoq, sarĸúmersitat 15:3-mi taaneqartutut ’iluartunik ilumoortunillu’ aqqutigisalik, ATAQQIUMAVARPUT.

(4) Immikkoortitsiniarneq, guutipilussiorneq, kanngunartuliorneq, Jesabelitut sunniiniarnerit, ilatsiinnarneq kiisalu anersaakkut puunganeq, pillugit Jesusip ilagiinnut arfineq-marluusunut tusarliussaanik, sarĸúmersitat kapitaliisa aappaanni pingajuannilu allassimasunik, kristumiuuneraqatigiit sumiginnaarpasissumik iliornerat ILALERSUNNGILARPUT. Uagut ’anersaap ilagiissoqatigiinnut oqaaserisai’ TUSAAJUMAVAVUT NAALAKKUMALLUGILLU.

(5) Kristumiuuneraqatigiit ilaasortaat palasertaallu kanngunartuliornerisigut maleruutiassusiatigullu PEQATIGINNGILAVUT, Jehovallu eqqartuussutaa ersarissoq sarĸúmersitat 21:8-miittoq, tassa: maajunnartuliortuaannartut — kanngunartuliortartut, sallusartut taamaaqataallu — suujunnaarsinneqarluinnarumaartut, isumaqatigaarput. Atoqatigiinneq, aappariinneq ilaqutariittullu inuuneq pillugit Bibelimi najoqqutassaasut UAGUT TAPERSERSORLUINNARPAVUT.

(6) UAGUT AKUERSAANNGILARPUT Babylon Angisuup ukiuni hundredelippassuarni anersaakkut ittumik atortittartuunera palasini aqqutigalugit silarsuarmi naalakkersuisut atoqatigisarmagit pissaaneqarniarluni pisoorsuanngorniarlunilu inuinnaallu naqisimaniarlugit. AALAJANGERSIMAVUGUT inuit peqqusersuitsut ikiussallugit inngilip kajumissaarutaa sarĸúmersitat 18:4-miittoq naalaaqqullugu: ’Taassumannga anigitsi, innuttakka.’

(7) PEQATIGINNGILARPUT aammik annertoorujussuarmik kuisisimaneq kuiseqataasimanerlu pissutigalugit pillarneqartariaqarneq ukiuni hundredelinni inuuffigisatsinniinnaq inuit inuuneri 100-nik millionillit sorsunnerni akigineqarsimammata, amerlanertigut arnap inuunerluttorsuup naalakkersuinermik pissaanilinnik kanngunartuliorfiginninnera tamakkununnga pissutaanerulluni. NUANNAARUTIGEQAARPUT Guutip Babylon Angisuumut eqqartuussutiminik pillaataasumik naammassinninnissaanut, sarĸúmersitat 18:21-24-mi erseqqissumik allaatigineqartumut, piffissaq aalajangersagaq qaneqimmat.

Jehovap Nalunaajaasuisut NUANNAARUTIGAARPUT IMMIKKULLU PISINNAATITAAFFITTUT ISIGAARPUT silarsuarmiunut nalunaarutigisinnaagatsigu 1914-imi Naalakkatta Jehovap Messiasinngortitaatalu silamiut naalagaaffiat pigilersimagaat. (sarĸúmersitat 11:15) AALAJANGERSIMAVUGUT Jehovap Babylon Angisuumut eqqartuussutai nalunaarutigisaasut qunusuilluta tamanut ilisimatitsissutigiuassallugit Guutillu Harmagedonimi sorsunnissaata qaninnera mianersoqqussutigiuassallugu. AALAJANGERSIMAVUGUT tusagassaq nuannersoq nipituumik tusarliutissallugu ’inuiaqatigiissunut immikkullu naggueqatigiissunut immikkullu oqaasilinnut immikkullu inuiaasunut’ ’qilak nutaaq nunalu nutaaq’ qanimmata, inuit naalattut pilluaqqusaanissaannut. (sarĸúmersitat 14:6; 21:1) TIPAATSUUTIGAARPUT tusarliussinerup tamatuma kingunerisaanik maanna amerlangaartut millionit pingasut sinneqartut inuiannit tamaneersut nunarsuarmi tamarmi peqatigigatsigik. Inngili qilaap missaagut timmisoq ilagalugu tamatta nalunaarpugut: „Guuti mianerisiuk taannalu naalannartissiuk, eqqartuussiffia aallartereermat, aap qilammik nunamillu immamillu ermillu puilasarfiinik pinngortitsisoq pallorfigisiuk.“ — sarĸúmersitat 14:7, NV. (wD 15/4 89)

[Atuaqqissaarnermi apeqqutit] „Aalajangersagaq“-mut apeqqutit:

1. Jehovap Nalunaajaasuisa maannakkut suut nuannaarutigaat?

2. Aalajangersakkap immikkoortortaani arfineq-marluusuni taasakkit: (a) Jehovap Nalunaajaasuisa peqatigiumanngisaat, isumaqatigiumanngisaat kiisalu akuersaarumanngisaat aammattaaq (b) aalajangiussaat.

3. (a) Jehovap Nalunaajaasuisa suut nuannaarutigaat, suullu immikkut pisinnaatitaaffittut isigalugit? (b) Qanoq iliorumaarlutik aalajangersimappat? (c) Sumik tusarliinermut peqataanertik tipaatsuutigaat?