Asanninnerup ilaqutariit ataasinngortikkai

□ Ukiut 20-nit amerlanerusut matuma siorna angut inuusuttoq qeqertaqatigiit Tuvalumik taaguutillit Manerassuarmiittut ilaanni najugalik Vagttårnip Peqatigiiffianut allagaqarpoq atuagassianik Bibelilersaarutaasunik piumalluni. Taamanikkut qeqertami tassani Jehovap Nalunaajaasuinik najugaqartoqanngilaq. Atuakkat nassiunneqartut angutip nammineerluni atuarpai paasillugulu sallusuissummik imaqartut — nuliamili akerliuallaarnera pissutigalugu upperisartaani unitsiinnarpaa.

Qanittukkulli atuagassiat Bibelilersaarutaasut Tuvalumiut oqaasiinut nutserneqarlutik saqqummertalermata ilai nuliata atuarpai. Maanna takusinnaalerpaa sallusuissutaasoq, uiminullu oqarluni: „Ukiorpassuarni qaamaneq pigisimavat, isertuussimalluguli. Nassuiaatilaarsimasinnaagaluarparma sooq isumaqarlutit Jehovap Nalunaajaasui eqqortumik upperisaqartuusut!“ Bibelip sallusuissutaaneranik maanna isumaqatigiileramik Jehovap Nalunaajaasui ilagisalerpaat.

Fijimi atuartunik marlunnik paneqarput. Angerlarmata angajoqqaavisa oqaluttuuppaat Jehovamut Nalunaajaasunngornissartik aalajangiussimagitsik. Niviarsiaqqat kajumissaarpaat Bibelimik atuaqqissaarnerminnut peqataaqqullugit, tupaallaatigisaminnilli paasivaat Fijimi Jehovap Nalunaajaasuisa ataatsimiinnerinut niviarsiaqqat najuuttareersimasut. Ilaqutariit ataatsimoorlutik nuannaarlutik sallusuissut ilassivaat, maannalu ataataasoq, anaanaasoq paniatalu aappaa Naalagaaffimmik oqaluussisartunngoreersimalerput.

Nuanningaarami takullugu Bibelimi sallusuissutip asanninnerullu ilaqutariit silarsuarmi sumi tamaaniittut ataasinngortittaraat. (wD 1/4 89)